கார் டயரில் கவனிக்க வேண்டிய விஷயம்.. இந்த தவறுகளை செய்தால் கார் சீக்கிரம் பழுதாகும்!

கார் பராமரிப்பு :  ஒவ்வொரு நாளையும் நாம் வாகன பயன்பாடு இல்லாமல் ஓட்ட முடியாது. பைக், கார், ஆட்டோ என ஏதோ ஒரு வாகனம் தேவைக்கேற்பவும், வசதிக்கேற்பவும் இன்றியமையாததாக உள்ளது. குறிப்பாக பைக்கை காட்டிலும் கார் மிக முக்கியமானதாக மாறி வருகிறது. ஒவ்வொருவரும் அவரவர் தேவைக்கேற்ப கார்களை வாங்குகிறார்கள். வேலை மற்றும் வணிக தேவைகளுக்கு பயன்படுத்துகிறார்கள். தங்கள் குடும்ப உறுப்பினர்களுடன் விடுமுறைக்கு செல்கிறார்கள். ஆனால் கார் வாங்குவதுடன், அதை முறையாக பராமரிப்பதும் மிக அவசியம்.

இதையும் படிங்க : கார் மைலேஜ் அதிகரிக்கணுமா? இந்த தவறுகளை செய்யாதீங்க!

பொதுவாக எல்லோரும் கார் பராமரிப்பு என்றால் பெட்ரோல் இருக்கிறதா என்று சோதிப்பது, சரியான நேரத்தில் சர்வீஸ் செய்வது, ஏதேனும் ஒரு பாகம் பழுதானால் ரிப்பேர் செய்வது என்று நினைக்கிறார்கள். இவை தவிர வேறு சில முக்கிய விஷயங்களையும் கவனத்தில் கொள்ள வேண்டும். வீல் சீரமைப்பு, வீல் பேலன்சிங், டயர் சுழற்சி என பல விஷயங்கள் உள்ளன. பலர் இந்த விஷயங்களில் மேம்போக்காக இருக்கின்றனர்.

சக்கர சீரமைப்பு

சரியான சக்கர சீரமைப்பு ஒரு காருக்கு அவசியம். அதாவது நான்கு சக்கரங்களும் ஒரே நிலையில் இருப்பதால் கார் சீராக பயணிக்க முடியும். சில நேரங்களில் புதிய காருக்கு கூட வீல் அலைன்மென்ட் சரியாக இருக்காது. இல்லையெனில், குண்டும், குழியுமாக, பாறைகள், கற்கள் போன்றவற்றில் பயணிக்கும் போது, ​​ஸ்பீட் பிரேக்கர் வேகமாக கடக்கும்போதும், ​​வீல் அலைன்மென்ட் தவறாகிவிடும். இது ஓட்டுநருக்கு சிரமத்தை ஏற்படுத்துகிறது. குறிப்பாக ஸ்டீயரிங் அதிர்வை கொடுக்கும். வாகனம் ஒரே சீராக செல்லாமல் ஓட்டும்போது வலது அல்லது இடதுபுறமாக இழுப்பது போல இருக்கும். இந்த சிக்கலை கார் மெக்கானிக் மற்றும் டயர் நிபுணர்களால் எளிதில் கண்டறிய முடியும். வீல் அலைன்மென்ட் சரியாக இல்லாவிட்டால், டயரின் ஆயுள் வெகுவாகக் குறையும். மேலும் ஸ்டீயரிங் மற்றும் பிற முக்கிய பாகங்கள் சேதமடையலாம்.

சக்கர சமநிலை

காரில் வீல் பேலன்ஸ் செய்வது மிகவும் முக்கியம். அதாவது அனைத்து டயர்களும் காரின் எடையை சமமாக சுமந்து செல்வதை உறுதி செய்வதாகும். அனைத்து சக்கரங்களும் ஒரே மாதிரியாக இருக்கும்போது வீல் பேலன்ஸ் மிகவும் வசதியானது. இல்லையெனில் காரின் சஸ்பென்ஷன் சேதமடையும். அதன் காரணமாக மைலேஜும் குறையலாம். காரை ஓட்டும் போது இழுப்பு மற்றும் அசைவுகள் இருந்தால், உடனடியாக மெக்கானிக்கிடம் சென்று செக் செய்ய வேண்டு. வீல் பேலன்ஸ் செய்வதன் மூலம் அந்த சிக்கலை தீர்க்க முடியும். இதைச் சோதிக்க, முதலில் காரில் இருந்து நான்கு டயர்களைக் கழற்றி, அவற்றை ஒவ்வொன்றாக கணினிமயமாக்கப்பட்ட வீல் பேலன்சரில் வைக்கவும். அதன் மூலம் டயர்களின் எடை சரிபார்க்கப்பட்டு வேறுபாடுகள் கண்டறியப்படுகின்றன.

டயர் சுழற்சி

குறிப்பாக மூன்றாவது முக்கிய காரணி டயர் சுழற்சி ஆகும். அதாவது காரில் உள்ள டயர்களின் இடத்தை மாற்றுவது. டயர்களின் ஆயுளை அதிகரிக்கவும் டயர் சுழற்சி செய்யப்பட வேண்டும். அதாவது வாகனத்தின் டயர்களை முன்னிருந்து பின்னோ அல்லது பக்கமாகவோ மாற்ற வேண்டும். விதிமுறைகளின்படி ஒவ்வொரு 8000 கிலோமீட்டருக்கும் டயர்களை மாற்ற வேண்டும். இந்த விஷயத்தை அலட்சியம் செய்வது பல அசம்பாவிதங்களுக்கு வழிவகுக்கும். குறிப்பாக முன்பக்க டயர்கள் தேய்மானம் ஆவதால் காரின் செயல்திறன் பாதிக்கப்படும். இந்த சிக்கலை தவிர்க்க டயர் சுழற்சி அவசியம்.