Revolt RV1 EV: குறைந்த விலையில் சிறந்த மைலேஜ் தரும் மின்சார பைக்!

Revolt Motors நிறுவனம் அதன் புதிய Revolt RV1 எலக்ட்ரிக் பைக் மாடலானது, பல அம்சங்களைக் கொண்ட புதிய EV பைக்கை அறிமுகப்படுத்தியுள்ளது.மின்சார மோட்டார்சைக்கிள் உற்பத்தி பிரிவில் முன்னணியில் உள்ள ரிவோல்ட் மோட்டார்ஸ் , புதிய Revolt RV1 EV பைக்கை அறிமுகப்படுத்தியுள்ளது , புதிய EV பைக் மாடல் இரண்டு முக்கிய வகைகளுடன் சந்தைக்கு வந்துள்ளது. புதிய EV பைக்கின் தொடக்க நிலையான வேரியண்ட் எக்ஸ்-ஷோரூம் விலை ரூ. 84,990 மற்றும் டாப்-எண்ட் மாடல் ரூ. 99,990 விலை நிர்ணயிக்கப்பட்டுள்ளது. மோட்டார் சைக்கிள்கள் தற்போது இந்திய இரு சக்கர வாகன சந்தையில் ஆதிக்கம் செலுத்துகின்றன.

இது விற்பனையில் 10% பங்கு வகிக்கிறது. ஆண்டுக்கு 80 லட்சத்திற்கும் அதிகமான மோட்டார் சைக்கிள்கள் விற்பனையாகும் இந்த பரந்த சந்தையில் பயணிகள் வாகனப் பிரிவு மிகப்பெரிய பங்கைக் கொண்டுள்ளது.

இதனால், புதிய தலைமுறையின் தேவைகளை இலக்காக கொண்டு, Revolt Motors நிறுவனம், கவர்ச்சிகரமான விலையில் சிறந்த மைலேஜ் தரும் EV மோட்டார்சைக்கிள் மாடல்களை அறிமுகப்படுத்துகிறது.

தற்போதைய சந்தையில் ஏற்கனவே Revolt 400 தொடர் EV பைக் மாடல்களை விற்பனை செய்து வரும் Revolt Motors, தற்போது RV1 EV பைக்கை அறிமுகப்படுத்தியுள்ளது. இது பட்ஜெட் EV பைக் வாங்குபவர்களுக்கு சிறந்த தேர்வாக இருக்கும். இது வழக்கமான பெட்ரோல் மோட்டார் சைக்கிள்களை விட மூன்று மடங்கு அதிமான சேமிப்பை கொடுப்பதோடு நீண்ட கால நீடித்து நிலைத்திருக்கும் தன்மையை உறுதி செய்கிறது.

Also Read: அப்படி போடு..! சென்னையில் மீண்டும் போர்டு நிறுவனம்.. உலக சந்தைகளுக்காக அமைக்கப்படும் என உறுதி..

பேட்டரி பேக் மற்றும் மைலேஜ்:

புதிய Revolt RV1 எலக்ட்ரிக் பைக்கில், இரண்டு வகையான பேட்டரிகளை வழங்குகிறது. புதிய பைக்கின் ஆரம்ப மாடலில் 2.2 KVH பேட்டரி பேக் பொருத்தப்பட்டுள்ளது, இது அதிகபட்சமாக ஒரு சார்ஜிர்க்கு 100 கிமீ மைலேஜ் தரும். மேலும், டாப்-எண்ட் மாடலில் 3.24 KVH பேட்டரி பேக் வழங்கப்படுகிறது, இது ஒரு சார்ஜில் அதிகபட்சமாக 160 கிமீ மைலேஜை உறுதி செய்கிறது.

Revolt Motors நிறுவனம் RV1 EV பைக்கில் உள்ளமைக்கப்பட்ட பேட்டரி பேக்கை நிறுவியுள்ளது, மேலும் ஹோம் சார்ஜிங் மூலம், 2.2 KVH பேட்டரி கொண்ட மாடல் பூஜ்ஜியத்திலிருந்து 80 சதவிகிதம் வரை சார்ஜ் செய்ய அதிகபட்சம் 2 மணிநேரம் 15 நிமிடங்கள் எடுக்கும், அதே நேரத்தில் 3.24 மாடல். KVH பேட்டரி கொண்ட மாடல் 3 மணிநேரம், 30 நிமிடங்கள் ஆகும்.

நீங்கள் வேகமாக சார்ஜ் செய்வதை விரும்புபவராக இருந்தால், RV1+ மவேகமாக சார்ஜ் செய்யும் தொழில்நுட்பத்தையும் கொண்டுள்ளது. இது 1.5 மணிநேரத்தில் முழுமையாக ரீசார்ஜ் செய்யப்படுகிறது.மேலும் புதிய பைக்கின் பேட்டரி தூசி மற்றும் நீர் எதிர்ப்பிற்கான IP67 தரநிலைகளை பூர்த்தி செய்துள்ளது.

Also Read: Tata Motors Discounts: கார்களுக்கு ரூ.2.05 லட்சம் வரை தள்ளுபடி.. டாடா கொடுக்கும் அடடே ஆஃபர்!

மேலும், புதிய Revolt RV1 EV பைக்கில் செயின் டிரைவ் சிஸ்டம் வழங்கப்பட்டுள்ளது, நிலையான பயணத்தை உறுதி செய்யும் வகையில் அகலமான டயர்கள் மற்றும் ரிவர்ஸ் பயன்முறையைக் கொண்டுள்ளது. கூடுதலாக, 250 கிலோ பேலோட் திறன் கொண்ட புதிய பைக்கில் எல்இடி ஹெட் லைட், டூயல் பிரேக், வெவ்வேறு டிரைவ் மோடுகள் மற்றும் 6 இன்ச் டிஜிட்டல் எல்சிடி டேஷ் போர்ட், உள்ளமைக்கப்பட்ட சார்ஜர் மற்றும் போர்ட்டபிள் பேட்டரி ஆகிய அம்சங்களுடன் அறிமுகம் செய்யப்பட்டுள்ளது.

இரண்டு மாடல்களும் நான்கு வசீகரமான வண்ணங்களில் வருகின்றன. இந்த மாடலுக்கான முன்பதிவுகள் ஏற்கனவே ரூ.499 என்று டோக்கன் தொகையில் தொடங்கப்பட்டுவிட்டன, விரைவில் டெலிவரிகள் தொடங்கப்படும்.

கடந்த 2017 ஆம் ஆண்டு தொடங்கப்பட்ட இந்நிறுவனம், 2019 ஆம் ஆண்டு தனது முதல் விற்பனையை தொடங்கியது. தொடங்கி மூன்று மாதங்களில் 480 யூனிட்களை விற்பனை செய்தது. 2020 ஆம் ஆண்டு 2,098 யூனிட்களும் 2021 ஆண்டு 4,704 யூனிட்களும் விற்பனை செய்தது.

அதிகபட்சமாக 2022 ஆம் ஆண்டு 14,915 யூனிட்களை விற்பனை செய்தது. 2023 ஆம் ஆண்டு 13,172 யூனிட்களை விற்பனை செய்துள்ளது. இந்த வருடத்தில் இதுவரை 660 யூனிட்கள் மட்டுமே விற்பனை செய்துள்ளது.

Read Also: மாருதி ஸ்விஃப்ட் CNG மாடல்… அசர வைக்கும் சிறப்பம்சங்கள்!