பேமிலி ஃப்ரெண்ட்லி எலக்ட்ரிக் ஸ்கூட்டர்: ஏதர் ரிஸ்டா எப்படி இருக்கு?

ஏதர் ரிஸ்டா மின்னணு ஸ்கூட்டர்: வசதியான மற்றும் அழகான மின்சார ஸ்கூட்டரை வாங்க விரும்பும் குடும்பங்கள் மற்றும் ரைடர்களுக்கு ஏதர் ரிஸ்ட்டா ஒரு சிறந்த தேர்வாக இருக்கும் என்று கூறலாம். ஏனெனில், ஏதர் ரிஸ்டா அதன் முந்தைய மாடலான ஏதர் 450எக்ஸ் போல ஸ்போர்ட்டியாக இல்லாவிட்டாலும், சவாலான பயணத்தில் அது வியக்கத்தக்க திறமையான துணையாக இருக்கும் என்று கூறுகின்றனர். முதலில் ரிஸ்தாவின் வசதியான இருக்கை உண்மையிலேயே குடும்பத்திற்கு ஏற்ற வடிவமைப்பாக உள்ளது. அதாவது, இரண்டு பெரியவர்களுக்கான இடவசதி இதில் உள்ளது. மேலும், இந்திய சந்தையில் உள்ள மிக நீளமான இருக்கைகளில் ஒன்றாகும். பெட்ரோலில் இயங்கும் மோட்டார் பைக்கை இது மிஞ்சும் அளவில் உள்ளதாக கூறுகின்றனர். ஆரம்பத்தில் எலக்ட்ரிக் ஸ்கூட்டர்களை முன்பதிவு செய்த வாடிக்கையாளர்கள் தாராளமான லெக்ரூம் மற்றும் நன்கு பேட் செய்யப்பட்ட இருக்கை சிறப்பாக உள்ளதாக தெரிவித்தனர்.

ஏதர் ரிஸ்டா பயணம்

மலைப்பகுதிகளில் பயணிக்கும்போது, ​​ரிஸ்டா அதன் பெப்பி 5.8 பிஎச்பி மோட்டார் மற்றும் 22 என்எம் டார்க்கின் காரணமாக, சாய்வுகளை சிரமமின்றி கையாள்வதாகவும், 450எக்ஸ் வேகத்தை விட வேகமாக இல்லாவிட்டாலும், ரிஸ்டாவின் முடுக்கம் இன்னும் சிறப்பானதாக இருந்தததாக மோட்டார் ரைடர்கள் தெரிவித்தனர். மேலும், அவ்வப்போது ஏற்படும் போக்குவரத்து நெரிசலை சமாளிக்கவும் மற்ற வாகனங்களுடன் வேகத்தை தக்கவைக்கவும் இது போதுமானதாக உள்ளன.

தொடர்ந்து, 123 கிமீ தூரம் என்று கூறப்படும் இசட் வேரியண்ட் சிறப்பாக இருக்கிறது. மலையின் மீது ஏறி இறங்கும்போதும் இந்த ஸ்கூட்டர் ஒரு தடங்கலையும் ஏற்படுத்தவில்லை. ரிஸ்டாவின் வடிவமைப்பு, வழக்கமானதாக இருந்தாலும், அதன் விளக்குகள் அழகான வடிவமைப்பில் உள்ளது. நன்கு வட்டமான பாடி பேனல்கள் பாதுகாப்பு உணர்வை வெளிப்படுத்துகின்றன.

மேலும் ஏதெர்ஸ்டாக் 6 (ஆண்ட்ராய்டு ஓப்பன் சோர்ஸ் ஓஎஸ் அடிப்படையிலானது) உடன் 7-இன்ச் டிஎஃப்டி கன்சோல் உள்ளது. இது தெளிவான தகவல் வழங்குகிறது. ஸ்கூட்டரின் அம்சங்களைப் பொருத்தவரை, ஏதரின் ஸ்கிட்கண்ட்ரோல் டிராக்ஷன் கண்ட்ரோல் சிஸ்டம் சிறப்பாக செயல்படுகிறது. 450 தொடரில் உள்ள ரீஜென் பிரேக்கிங், ஆட்டோஹோல்ட் மற்றும் ரிவர்ஸ் மோட் ஆகியவற்றின் கலவையானது ரிஸ்டாவின் ஒட்டுமொத்த சவாரி அனுபவத்தை மேலும் மேம்படுத்துகிறது.

ஏதர் ரிஸ்டா சவாரி

இதனால், ரிஸ்டாவின் சவாரி தரம் வாய்ந்ததாக உள்ளது. சில சமயங்களில் சீரற்ற சாலைகள் இருந்தபோதிலும், சவாரி பயணிகள் இருவருக்கும் வசதியாக இருக்கும் வகையில் உள்ளது. பெரிய அண்டர் சீட் ஸ்டோரேஜ் இடம் மற்றும் விருப்பமான ஃப்ரங்க் ஆகியவை அதன் நடைமுறைத்தன்மையை அதிகரிக்கின்றன. இது தினசரி பயணங்களுக்கும் வார இறுதி சாகச பயணங்களுக்கும் ஏற்றதாக அமைகிறது.

ஒட்டுமொத்தமாக, டாப்-எண்ட் ரிஸ்ட்டாவின் குறிப்பிடத்தக்க வடிவமைப்பு மற்றும் விலை சிலருக்கு கவலையாக இருக்கலாம். ஆனால் ஏதர் ரிஸ்ட்டா ஒரு வசதியான, நடைமுறை மற்றும் அம்சம் நிறைந்த மின்சார ஸ்கூட்டரைத் தேடும் குடும்பங்களுக்கு ஒரு சிறந்த தேர்வாக இருக்கும். ஏன் ரைடர்கள் கூட இதனை விரும்புவார்கள். எனினும், 450எக்ஸ் போன்ற ஸ்போர்ட்டியாக இல்லாவிட்டாலும், ரிஸ்டா அதன் பல்துறை வரம்பில் பிரகாசிக்கிறது. இது ஒரு நிதானமான பயணம் மற்றும் சாகசத்துக்கு வழிவகுக்கும். இந்த ஏதர் ரிஸ்டா எலக்ட்ரிக் பைக்குகள் ரூ.1,11,728 முதல் ரூ.1,46,428 வரை விலையில் கிடைக்கின்றன.

இதையும் படிங்க : ரூ.6 லட்சத்தில் இருந்து விலை ஸ்டார்ட்: புதிய மாருதி சுசூகி ஸ்விஃப்ட் எப்படி இருக்கு?