ஓலா நிறுவனத்தில் 500 பேர் வேலை இழக்கும் அபாயம்.. பங்குகளின் நிலை பாதிக்கப்படுமா?

ஒலா நிறுவன ஊழியர்கள் வேலை இழக்கும் அபாயம்

நாட்டின் மிகப்பெரிய மின்சார இருசக்கர வாகன தயாரிப்பு நிறுவனமான ஓலா எலக்ட்ரிக் மீண்டும் தனது நிறுவனத்தை சீரமைக்கப் போவதாக தெரிவித்துள்ளது. அந்நிறுவனத்தின் நிறுவனர் மற்றும் தலைமை நிர்வாக அதிகாரி பவிஷ் அகர்வால் நிறுவனத்தை லாபகரமாக மாற்ற வேண்டிய அழுத்தத்தில் உள்ளார். இதனால், நிறுவனம் மீண்டும் சீரமைக்கப்பட உள்ளது. இந்த மறுசீரமைப்பின் நோக்கம் நிறுவனத்தின் செயல்பாட்டுத் திறனை அதிகரிப்பது மற்றும் லாப வரம்புகளை மேம்படுத்துவதாகும்.

முதல் முறை அல்ல

இதன்படி, ஓலா எலக்ட்ரிக் நான்காவது முறையாக பவிஷ் அகர்வால் தலைமையில் மறுசீரமைக்கப் போகிறது. இந்த மாற்றத்தால், நிறுவனத்தில் வெவ்வேறு பதவிகளில் உள்ள 500க்கும் மேற்பட்ட ஊழியர்களின் வேலைகள் ஆபத்தில் உள்ளது. எனினும், இது குறித்து ஓலா தரப்பில் அதிகாரப்பூர்வ தகவல் எதுவும் வெளியாகவில்லை.

மேலும், ஓலா எலக்ட்ரிக் நிறுவன அமைப்பில் பெரிய மாற்றங்கள் ஏற்படுவது இது முதல் முறை அல்ல. மாறிவரும் வணிகத்துக்கு ஏற்ப நிறுவனங்கள் அவ்வப்போது இத்தகைய மாற்றங்களைச் செய்கின்றன. ஜூலை 2022, செப்டம்பர் 2022 மற்றும் மார்ச் 2024 இல் நிறுவனத்தில் மறுசீரமைப்பு செய்யப்பட்டது.

இதையும் படிங்க : மகாராஷ்டிரா தேர்தல் முடிவு.. முதலீட்டாளர்களுக்கு லாபமா? நஷ்டமா?

1,000 ஊழியர்கள் பாதிப்பு

முன்னதாக, ஓலா எலெக்ட்ரிக் அதன் மின்சார வாகன வணிகத்தில் கவனம் செலுத்துவதற்காக மறுசீரமைப்பின் ஒரு பகுதியாக பயன்படுத்திய கார், கிளவுட் கிச்சன் மற்றும் மளிகை விநியோகத்தை நிறுத்தியது. இதன் காரணமாக சுமார் 1,000 ஊழியர்கள் பணிநீக்கம் செய்யப்பட்டனர்.
தொடர்ந்து, இந்தக் காலகட்டத்தில், ஓலா எலக்ட்ரிக் பிரிவில் 800 புதிய ஊழியர்களை நியமித்தது. இதற்குப் பிறகு, ஓலா எலக்ட்ரிக்கின் செயல்பாடுகளை மையப்படுத்தவும் ஒழுங்கமைக்கவும் செப்டம்பர் 2022 இல் மறுசீரமைப்பு செய்யப்பட்டது.

2024ல் என்னென்ன மாற்றங்கள்

ஓலா எலக்ட்ரிக்கின் துணை நிறுவனமான ஓலா நுகர்வோர் மறுசீரமைப்பு அறிவிக்கப்பட்டது, இதன் கீழ் 10 சதவீத ஊழியர்கள் பணிநீக்கம் செய்யப்பட்டனர். அப்போது, ஓலா கேப்ஸ் தலைமை நிர்வாக அதிகாரி ஹேமந்த் பக்ஷியும் நிறுவனத்தை விட்டு வெளியேறினார்.

ஓலா பங்கு வெளியீடு

ஓலா எலக்ட்ரிக் மொபிலிட்டி லிமிடெட் தனது ஐபிஓவை ஆகஸ்ட் 2, 2024 அன்று அறிமுகப்படுத்தியது. இந்தப் பங்குகள் ஆகஸ்ட் 9, 2024 அன்று பங்குகள் பி.எஸ்.இ மற்றும் என்.எஸ்.இ இல் பட்டியலிடப்பட்டன.
அப்போது, ஓலா நிறுவனம் ஐபிஓ மூலம் ரூ.6,145.56 கோடி திரட்டியது. ஓலா பங்குகளின் வெளியீட்டு விலை ரூ.76 ஆக இருந்தது. தற்போது இந்நிறுவனத்தின் பங்கு விலை வெளியீட்டு விலையில் இருந்து 26% குறைந்துள்ளது..

காலாண்டு வருவாய்

இந்நிலையில், நிறுவனத்தின் நேர்மறை மற்றும் எதிர்மறை அம்சங்களைப் பற்றி நாம் பேசினால், தற்போது அதன் பங்கு விலை அதன் புத்தக மதிப்பை விட 451% அதிகமாக உள்ளது.
இதற்கிடையில், ஜூன் 30, 2024 இல் முடிவடைந்த காலாண்டில், ஆகஸ்ட் 14, 2024 அன்று ஐபிஓவுக்குப் பிறகு நிறுவனம் தனது முதல் நிதி முடிவுகளை வெளியிட்டது. இதன்படி வருவாய் 38.5 சதவீதம் அதாவது ரூ.1,240 கோடி அதிகரித்துள்ளது.

ஒலா நிறுவனம் எதிர்கொள்ளும் பிரச்னை என்ன?

ஒலா நிறுவனம் எதிர்கொள்ளும் ஒரே சவால் லாபம் அல்ல. நிறுவனமும் பல சட்டச் சிக்கல்களில் சிக்கியுள்ளது. சேவை குறைபாடுகள் மற்றும் தயாரிப்பு தரக் கவலைகள் எழுந்துள்ளன. இந்த விஷயத்தில், இந்திய தரநிலைகள் பணியகம் நிறுவனத்தை விசாரித்து வருகிறது என்பது குறிப்பிடத்தக்கது.

இதையும் படிங்க : அரசு ஊழியர்களுக்கு ரூ.50 ஆயிரம் மாதச் சம்பளம்.. எப்போது தெரியுமா?