Gold Price Today: தங்கம் விலை.. 3 நாட்களில் ரூ.3,280 குறைந்து விற்பனை.. இன்றைய நிலவரம் என்ன?

தங்கம் விலை: மத்திய பட்ஜெட்டில் தங்கம் மற்றும் வெள்ளி இறக்குமதிக்கு ஏற்கனவே 15% வரி வசூலிக்கப்பட்டு வந்த நிலையில், அதை வெறும் 6% ஆக குறைத்து அறிவிக்கப்பட்டது. இதன் எதிரொலியாக தங்கம் விலை கடந்த சில நாட்களாக குறைந்து வருகிறது. தங்கம் விலை இந்த மாத தொடக்கத்தில் இருந்து ஏற்ற இறக்கத்துடன் உள்ளது. கடந்த சில நாட்களாக சரிவை கண்டு வந்த தங்கம் நேற்று  அதிரடியாக கிராமுக்கு 60 ரூபாய் குறைக்கப்பட்டது. அந்த வகையில், நேற்று சென்னையில் 22 கேரட் ஆபரணத் தங்கத்தின் விலை சவரனுக்கு ரூ.480 குறைந்து ரூ.51,440 க்கு விற்பனை செய்யப்பட்டது. ஒரு கிராம் தங்கத்தின் விலை ரூ. 60 குறைந்து ரூ.6,430க்கு விற்பனை செய்யப்பட்டது. 24 கேரட் தங்கம் சவரனுக்கு ரூ.55,080 ஆகவும் கிராமுக்கு ரூ. 6.885 ஆகவும் விற்பனை செய்யப்பட்டது. இந்த நிலையில், ஜூலை 26 ஆம் தேதியான இன்று தக்ஙம் விலை ரூ.51,320க்கு விற்பனை செய்யப்படுகிறது.

இன்றைய தங்கம் விலை:

ஜூலை 26 ஆம் தேதியான இன்றைய நிலவரப்படி சென்னையில் தங்கம் விலை குறைந்துள்ளது. 22 கேரட் ஆபரண தங்கத்தின் விலை கிராமுக்கு ரூ.15  குறைந்துள்ளது, சவரனுக்கு ரூ.120 குறைந்துள்ளது. அதன்படி ஒரு சவரன் ரூ.51,320 ஆக விற்பனை செய்யப்படுகிறது. ஒரு கிராம் தங்கம் ரூ.6,415க்கு விற்பனையாகிறது. 24 கேரட் தங்கம் சவரனுக்கு ரூ.54,960 ஆகவும் கிராமுக்கு ரூ. 6,870 ஆகவும் விற்பனை செய்யப்படுகிறது.

வெள்ளி விலை:

அதேபோல, வெள்ளி விலை கிராமுக்கு ரூ.89.00க்கு விற்பனை செய்யப்படுகிறது. வெள்ளி கிலோவுக்கு ரூ.89,000க்கு விற்பனை செய்யப்படுகிறது.

தங்கத்தை சேமிப்பது எப்படி?

உலகளவில் தங்கத்தை நுகரும் நாடுகளின் பட்டியலில் இந்தியா முன்னிலையில் வகிக்கிறது. இந்தியாவை போன்ற பிற நாடுகளும் தங்கத்தை சேமித்து வைக்கின்றன. ஏதேனும் நிதி நெருக்கடி காலத்தில் பணத்திற்கு பதிலாக தங்கத்தை கொண்டு பிற நாடுகளில் இருந்து தானியங்கள் கூட வாங்கி, சொந்த நாட்டின் வறுமையை போக்கும் அளவுக்கு தங்கம் ஒரு முக்கியமானதாக பார்க்கப்படுகிறது. அப்படிதான், வீடுகளில் திடீர் செலவு வரும் நாட்களில் தங்கம் ஒரு காக்கும் தேவதையாகவே மாறிவிடுகிறது. இந்தியாவைச் பொருத்தவரை ஏழை மற்றும் நடுத்தர வர்கத்திற்கு தங்கம் தான் முதல் மற்றும் ஒரே சேமிப்பாக இருக்கிறது.

தங்கம் தான் சரியான சேமிப்பு என்பதால் இவர்கள் தொடர்ந்து தங்கத்தில் முதலீடு செய்கின்றனர். தங்கத்தை நகைகளாக மட்டும் வாங்காமல் நாணயங்கள், தங்க கட்டிகள், தங்க பத்திரம் வடிவில் வாங்கலாம். தங்கத்தின் செய்யும் முதலீடு பாதுகாப்பானதாகவும், லாபகரமானதாவும், நமது எதிர்கால நிதி சிக்கல்களை சமாளிக்கும் வகையில் இருக்கிறது என்பது குறிப்பிடத்தக்கது.

Also Read: ஆகஸ்ட் மாதம் வங்கி செல்கிறீர்களா? 13 நாட்கள் விடுமுறை.. நோட் பண்ணிக்கோங்க..