மாதம் ஆனா ரூ.5550 அக்கவுண்டில் விழும்: இந்த போஸ்ட் ஆபீஸ் ஸ்கீம் தெரியுமா?

போஸ்ட் ஆபீஸ் மாதாந்திர வருமான திட்டம்

அஞ்சலக மாதாந்திர வருமான திட்டம்: போஸ்ட் ஆபீஸ் டெபாசிட்டரி சேவையானது முதலீட்டின் மீது நிலையான வருமானத்தை வழங்கும் பலவிதமான திட்டங்களைக் கொண்டுள்ளது. இந்தத் திட்டங்கள் அனைத்தும் இறையாண்மை உத்தரவாதத்தின் பலனைக் கொண்டு இணைக்கப்பட்டுள்ளன. அதாவது, இந்த முதலீட்டு திட்டங்கள் மத்திய அரசால் ஆதரிக்கப்படுகிறது. எனவே, இந்த திட்டங்கள் ஈக்விட்டி பங்குகள் மற்றும் பல நிலையான வருமான விருப்பங்களுடன் ஒப்பிடும்போது பாதுகாப்பான முதலீட்டு திட்டங்களாக உள்ளன. இந்த நிலையில், அஞ்சல் அலுவலக மாதாந்திர வருமானத் திட்டம், அஞ்சலக சேமிப்புக் கணக்கு, தபால் அலுவலகம் தொடர் வைப்புத்தொகை, தபால் அலுவலக நேர வைப்புத்தொகை போன்றவற்றுடன், 7.4% வட்டி விகிதத்துடன் அதிக வருவாய் ஈட்டும் திட்டங்களில் ஒன்றாகும்.

திட்டத்தின் சிறப்புகள்

நீங்கள் ஒரு தபால் அலுவலகத்தில் மாதாந்திர வருமானத் திட்டக் கணக்கைத் திறக்கும்போது, ​​5 ஆண்டுகளுக்கு முன்பு அந்தக் கணக்கில் டெபாசிட் செய்யப்பட்ட தொகையை உங்களால் எடுக்க முடியாது. இந்தத் திட்டத்தில் அதிகபட்சமாக ரூ.9 லட்சம் முதலீடு செய்யலாம். நீங்கள் பல அஞ்சலகங்களில் இந்தத் திட்டத்தை வைத்திருந்தாலும், உங்கள் வைப்புத்தொகையின் மொத்தத் தொகை ரூ.9 லட்சத்துக்கு மேல் இருக்கக்கூடாது. திட்டத்தில் குறைந்தப்பட்ச முதலீடு ரூ.1000 ஆகும். அதன்பின்னர் ரூ.1000 மடங்குகளில் முதலீடு செய்ய வேண்டும்.

திட்டத்தின் வகைகள்

1. தனிநபர் திட்டம் ரூ.9 லட்சம்
2. கூட்டு திட்டம் ரூ.15 லட்சம்

திட்டம் தொடங்க தேவையான ஆவணங்கள்

• அடையாள ஆவணங்கள்: பாஸ்போர்ட், வாக்காளர் அடையாள அட்டை, ஓட்டுநர் உரிமம் அல்லது ஆதார் உள்ளிட்டவை.
• முகவரி ஆவணங்கள்: அரசால் ஆதரிக்கப்பட்ட ஆதார் அட்டை அல்லது லேண்ட்லைன் அல்லது கேஸ் பில்கள்.
• புகைப்பட ஆதாரம்: பாஸ்போர்ட், ஆதார் ஆவணங்கள்.

யார் யார் திட்டத்தை தொடங்கலாம்?

1. இந்திய குடிமகன்
2. இந்தியர் அல்லாத குடிமக்கள் இந்தத் திட்டத்தில் முதலீடு செய்ய இயலாது.
3. 18 வயதை பூர்த்தி அடைந்து இருத்தல் வேண்டும்.
4. 10 வயதை கடந்த மைனர் பெயரில் பாதுகாவலர் கணக்கை தொடங்கலாம். 18 வயதுக்கு பின்னர் கணக்கு
5. உரியவரிடம் ஒப்படைக்கப்படும்.
6. மைனர் மேஜர் ஆனப் பின்பு கணக்கு மாற்றப்படும்.

ரூ.5500 மாதம் பெறுவது எப்படி?

இந்தத் திட்டத்தில், ஒரு கணக்கில் ரூ.9 லட்சமும், கூட்டுக் கணக்கில் ரூ.15 லட்சமும் டெபாசிட் செய்யலாம். நீங்கள் விரும்பினால், உங்களின் மொத்த அசல் தொகை 5 வருட முதிர்வு காலத்திற்குப் பிறகு திருப்பித் தரப்படும். அதே நேரத்தில், இது 5-5 ஆண்டுகளுக்கு நீட்டிக்கப்படலாம். ஒவ்வொரு 5 வருடங்களுக்கும் பிறகு, உங்கள் அசல் தொகையை எடுக்க அல்லது திட்டத்தை நீட்டிக்க ஒரு விருப்பம் இருக்கும்.
கணக்கில் பெறப்பட்ட வட்டி ஒவ்வொரு மாதமும் தபால் நிலையத்தின் சேமிப்புக் கணக்கில் செலுத்தப்படுகிறது. தபால் அலுவலக மாதாந்திர வருமான திட்டத்தில் முதலீடு செய்யும் போது TDS கழிக்கப்படுவதில்லை. இருப்பினும், உங்களுக்கு வரும் வட்டிக்கு வரி விதிக்கப்படும். இதில் ரூ.9 லட்சம் முதலீடு செய்தால், ஆண்டு வட்டி 7.4 சதவீதம் கிடைக்கும். இதன்மூலம், மாதம் ரூ.5550 வட்டி கிடைக்கும்.

இதையும் படிங்க : மீண்டும் எஃப்.டி வட்டியை உயர்த்திய எஸ்.பி.ஐ: புதிய வட்டி தெரியுமா?