ரியல் எஸ்டேட் முதல் சிறு நிறுவனம் வரை.. புதிய IPO-க்களை நோட் பண்ணுங்க!
இந்திய பங்குச் சந்தைகளில், டிசம்பர் முதல் வாரத்தில் மொத்தம் இரண்டு ஐ.பி.ஓ.க்கள் வெளியாக உள்ளன. இதில், ஒன்று மெயின்போர்டிலும், மற்றொன்று சிறு மற்றும் நடுத்தர நிறுவனங்கள் பிரிவிலும் உள்ளது.
டிசம்பர் மாத ஐ.பி.ஓ வெளியீடு
இந்த வார ஐ.பி.ஓ வெளியீடு : இந்தியப் பங்குச் சந்தைகள் டிசம்பரில் தொடர்ந்து சலசலக்கின்றன. இதற்கிடையில், ஐ.பி.ஓ. பங்கு வெளியீடு மூலமாக 2024ல் இதுவரை ரூ. 1 லட்சம் கோடிக்கு மேல் திரட்டப்பட்டுள்ளது. இந்த முதலீடு வரும் நாள்களிலும் அதிகரிக்கக் கூடும் என்று எதிர்பார்க்கப்படுகிறது. அவ்வப்போது பங்குச் சந்தைத் திருத்தங்கள் இருந்தபோதிலும், ஒட்டுமொத்த முதன்மைச் சந்தை புதிய வெளியீடுகளின் தடையின்றி காணப்படுகிறது. இதற்கிடையில், இந்த வாரம் இரண்டு ஐ.பி.ஓ.-க்கள் வெளியாகின்றன. இதில் ஒன்று மெயின்போர்டிலும், மற்றொன்று சிறு மற்றும் நடுத்தர நிறுவனங்கள் பிரிவிலும் வருகிறது. தற்போது அந்த ஐ.பி.ஓ.க்கள் குறித்து பார்க்கலாம்.
ப்ராபர்டி ஷேர் ஆர்.இ.ஐ.டி பங்கு
ப்ராபர்டி ஷேர் ஆர்.இ.ஐ.டி பங்கு முதலீட்டாளர்களுக்கான இன்று (டிச.2, 2024) திறக்கப்படுகிறது. இந்த ஐ.பி.ஓ முதலீட்டின் கடைசி தேதி டிச.4, 2024 ஆகும்.
இதில் ஒர் பங்கின் விலை ரூ.10 லட்சம் முதல் ரூ.15 லட்சம் வரை நிர்ணயிக்கப்பட்டுள்ளது. இந்த ரியல் எஸ்டேட் முதலீட்டு அறக்கட்டளைகள் (REIT) பரந்த அளவிலான சொத்துத் துறைகளில் வருமானம் தரும் ரியல் எஸ்டேட்டை சொந்தமாக வைத்துள்ளது.
இந்த முதலீடுகள் சொத்துக்களை நேரடியாக வாங்கவோ, மேற்பார்வையிடவோ அல்லது நிதியுதவி செய்யவோ ரியல் எஸ்டேட்டில் இருந்து வருமானம் ஈட்ட உதவுகிறது.
இதற்கிடையில், ஐபிஓவுக்கான ஒதுக்கீடு டிசம்பர் 5 ஆம் தேதி இறுதி செய்யப்படும் என்றும், டிசம்பர் 9 ஆம் தேதி எக்ஸ்சேஞ்ச்களில் பட்டியலிடப்படும் என்றும் எதிர்பார்க்கப்படுகிறது. இந்த ஐ.பி.ஓ மெயின்போர்ட்டில் வருகிறது.
இதையும் படிங்க: 8.20 சதவீதம் வரை வட்டி.. டாப் 4 போஸ்ட் ஆபீஸ் ஸ்கீம்கள் தெரியுமா?
நிசூஸ் ஃபைனான்ஸ் சர்வீசஸ் ஐ.பி.ஓ
இந்த சிறு மற்றும் நடுத்தர நிறுவனங்கள் பிரிவில் உள்ள நிசூஸ் ஃபைனான்ஸ் சர்வீசஸ் ஐ.பி.ஓ டிசம்பர் 4 ஆம் தேதி தொடங்கப்பட்டு டிசம்பர் 6 ஆம் தேதி முடிவடைகிறது.
மேலும், இந்த ஐ.பி.ஓ 56.46 லட்சம் புதிய பங்குகள் மற்றும் 7.01 லட்சம் பங்குகள் விற்பனைக்கான சலுகை ஆகியவற்றை அறிவித்துள்ளது.
இதன் மூலம் 114.24 கோடி ரூபாய் திரட்டுவதை நோக்கமாகக் கொண்டுள்ளது. ஐபிஓவின் விலைக் குழு ஒரு ஈக்விட்டி பங்கிற்கு ரூ.170 முதல் ரூ.180 வரை இருக்கும் எனத் தெரிவிக்கப்பட்டுள்ளது.
இந்தப் பங்குகள் ஒதுக்கீடு டிசம்பர் 9 ஆம் தேதி இறுதி செய்யப்படும் என எதிர்பார்க்கப்படுகிறது. தொடர்ந்து, இந்தப் புதிய ஐ.பி.ஓ டிசம்பர் 11 ஆம் தேதி மும்பை பங்குச் சந்தையில் சிறு மற்றும் நடுத்தர நிறுவனங்கள் தளத்தில் பட்டியலிடப்படும் என்பது குறிப்பிடத்தக்கது.
இதையும் படிங்க : நீங்களும் கோடீஸ்வரர் ஆகலாம்.. மாதம் ரூ.10 ஆயிரம் முதலீடு, ரூ.1 கோடி ஈஸி ரிட்டன்!