Post Office FD : வெறும் ரூ.5 லட்சம் முதலீடு செய்து ரூ.15,00,000 பெறலாம்.. அசத்தலான அஞ்சலக FD திட்டம்.. முழு விவரம் இதோ!

Best return FD | நீங்கள் சிறந்த வட்டியுடன் நல்ல வரவு தரக்கூடிய ஒரு திட்டத்தில் முதலீடு செய்ய வேண்டும் என்று விரும்பினால் உங்களுக்கு அஞ்சலக FD எனப்படும் நிலையான முதலீட்டு திட்டம் சிறந்த தேர்வாக இருக்கும். இந்த திட்டத்தில் நீங்கள் வெறும் ரூ.5 லட்சம் முதலீடு செய்வதன் மூலம் உங்களால் ரூ.15 லட்சம் வருமானம் ஈட்ட முடியும்.

மாதிரி புகைப்படம்

Vinalin Sweety | Updated On: 24 Jul 2024 11:17 AM

சேமிப்பு திட்டம் : சேமிப்பு குறித்த சரியான திட்டமிடல் இருந்தால் பாதுகாப்பான எதிர்காலமும், நிலையான பொருளாதாரமும் இருக்கும். இதன் காரணமாகவே பலரும் சேமிப்பு திட்டங்களில் முதலீடு செய்கின்றனர். அடுத்த 5 அல்ல 10 ஆண்டுகளில் ஏதேனும் வாங்க நினைத்தாலோ அல்லது தொழில் தொடங்க நினைத்தாலோ இந்த வகையான சேமிப்பு திட்டங்களில் முதலீடு செய்வது சிறப்பானதாக இருக்கும். பெற்றோர்கள் தங்கள் பிள்ளைகளின் எதிர்காலத்திற்காக இன்றே முதலீடு செய்வது அவர்களின் கல்வி மற்றும் திருமண தேவைகளை பூர்த்தி செய்ய உதவும். அந்த வகையில் வெறும் ரூ.5 லட்சம் முதலீடு செய்து ரூ.15 லட்சம் வருமானம் ஈட்டக்கூடிய அசத்தல் திட்டம் குறித்து விரிவாக பார்க்கலாம்.

நீங்கள் சிறந்த வட்டியுடன் நல்ல வரவு தரக்கூடிய ஒரு திட்டத்தில் முதலீடு செய்ய வேண்டும் என்று விரும்பினால் உங்களுக்கு அஞ்சலக FD எனப்படும் நிலையான முதலீட்டு திட்டம் சிறந்த தேர்வாக இருக்கும். இந்த திட்டத்தில் நீங்கள் வெறும் ரூ.5 லட்சம் முதலீடு செய்வதன் மூலம் உங்களால் ரூ.15 லட்சம் வருமானம் ஈட்ட முடியும்.

ரூ.5 லட்சம் முதலீட்டில் ரூ.15 லட்சம் ரிட்டன் பெறுவது எப்படி?

அஞ்சலக நிலையான முதலீட்டு திட்ட டெபாசிட்களுக்கு 7.5% வட்டி வழங்கப்படுகிறது. இந்நிலையில் நீங்கள் ரூ.5 லட்சம் இந்த திட்டத்தில் 5 ஆண்டுகளுக்கு முதலீடு செய்கிறீர்கள் என்று வைத்துக்கொள்வோம். இதன் மூலம் 5 ஆண்டுகளில் உங்களுக்கு வட்டியாக ரூ.2,24,974 கிடைக்கும். முதலீடு மற்றும் வட்டியை சேர்த்து உங்களுக்கு ரூ.7, 24,974 கிடைக்கும். அதை அப்படியே அடுத்த 5 ஆண்டுகளுக்கு முதலீடு செய்ய வேண்டும். இப்போது உங்களுக்கு ரூ.10,51,175 கிடைக்கும். இப்பொழுது இந்த ரூ.10,51,175 தொகையை அடுத்த 5 ஆண்டுகளுக்கு முதலீடு செய்ய வேண்டும். அவ்வாறு செய்யும்போது வட்டியுடன் சேர்த்து ரூ.15,24,149 கிடைக்கும். இவ்வாறு மீண்டும் மீண்டும் முதலீடு செய்வதன் மூலம் வெறும் ரூ.5 முதலீட்டில் 15 ஆண்டுகளுக்குள் உங்களால் ரூ.15 லட்சம் வருமான ஈட்ட முடியும்.

இதையும் படிங்க : Gold Price : தங்கம் விலை வரும் நாட்களில் குறையுமா? எவ்வளவு வரை எதிர்பார்க்கலாம்? நிபுணர்கள் கணிப்பு இதுதான்!