ICAI CA Inter & Final Result 2024: CA முடிவுகள் வெளியானது.. இணையத்தில் எப்படி பார்ப்பது?
CA இன்டர் தேர்வுகளில், பிவாடியின் குஷாக்ரா ராய் 89.67 சதவீதத்துடன் அகில இந்திய ரேங்க் தர வரிசையில் முதலாம் இடம் பிடித்துள்ளார். இரண்டாவது இடத்தை யுஜ் சச்சின் கரியா மற்றும் யோக்யா லலித் சந்தக் 89.67 சதவீத மதிப்பெண்களுடன் இடம் பிடித்துள்ளனர். மூன்றாவது இடத்தை மஞ்சித் சிங் பாட்டியா மற்றும் ஹிரேஷ் காஷிராம்கா 86.50 சதவீதத்துடன் இடம் பிடித்துள்ளனர்.
கோப்பு புகைப்படம்
பட்டயக் கணக்கு முடிவுகள்: இந்திய பட்டயக் கணக்காளர்கள் நிறுவனம் (ICAI) CA இன்டர் மற்றும் இறுதித் தேர்வு 2024 ஆம் ஆண்டின் முடிவுகளை அறிவித்துள்ளது. தேர்வு எழுதியவர்கள் தங்கள் முடிவுகளை அதிகாரப்பூர்வ வலைத்தளமான icai.nic.in அல்லது icaiexam.icai.org இலிருந்து பதிவிறக்கம் செய்து கொள்ளலாம் என தெரிவிக்கப்பட்டுள்ளது. டெல்லியைச் சேர்ந்த சிவம் மிஸ்ரா CA இறுதித் தேர்வில் 83.33% (500 மதிப்பெண்கள்) பெற்று முதலிடம் பிடித்துள்ளார். இரண்டாவது இடத்தில் 480 மதிப்பெண்களுடன் வர்ஷா அரோராவும், மும்பையைச் சேர்ந்த கிரண் மன்ரல் மற்றும் கில்மான் சலீம் அன்சாரி ஆகியோர் பகிர்ந்து கொண்டுள்ளனர்.
CA இன்டர் தேர்வுகளில், பிவாடியின் குஷாக்ரா ராய் 89.67 சதவீதத்துடன் அகில இந்திய ரேங்க் தர வரிசையில் முதலாம் இடம் பிடித்துள்ளார். இரண்டாவது இடத்தை யுஜ் சச்சின் கரியா மற்றும் யோக்யா லலித் சந்தக் 89.67 சதவீத மதிப்பெண்களுடன் இடம் பிடித்துள்ளனர். மூன்றாவது இடத்தை மஞ்சித் சிங் பாட்டியா மற்றும் ஹிரேஷ் காஷிராம்கா 86.50 சதவீதத்துடன் இடம் பிடித்துள்ளனர்.
Also Read: ‘மக்களுடன் முதல்வர் திட்டம்’ என்றால் என்ன? மக்களுக்கு எப்படி உதவியாக இருக்கும்.. முழு விளக்கம்!
குரூப் I இல், 74887 இறுதியாண்டு தேர்வெழுதியவர்களில் 20479 பேர் தேர்ச்சி பெற்று 27.35% தேர்ச்சி பெற்றனர், அதேபோல், குரூப் II இல் 58891 மாணவர்கள் தேர்வெழுதி அதில் 21408 பேர் தேர்வில் தேர்ச்சி பெற்றுள்ளனர். தேர்ச்சி சதவீதம் 36.35% ஆகும். இரு பிரிவுகளிலும், 35819 பேர் தேர்வெழுதினர், அதில் 7122 பேர் மட்டுமே தேர்ச்சி பெற்றனர். தேர்ச்சி விகிதம் 19.88% ஆக உள்ளது.
CA குரூப் 1 இன்டர் தேர்வில் 1,17,764 தேர்வாளர்களில், 31,978 (27.15 சதவீதம்) பேர் தகுதி பெற்றுள்ளனர். CA இன்டர் குரூப் 2ல் மொத்தம் 71,145 பேர் தேர்வெழுதினர், அவர்களில் 13,008 பேர் தேர்ச்சி பெற்றனர் (தேர்ச்சி விகிதம் 18.28 சதவீதம்). இரு பிரிவிலும் 59,956 பேர் தேர்வெழுதினர், அதில் 11,041 பேர் (18.42 சதவீதம்) தேர்ச்சி பெற்றனர். icai.nic.in என்ற அதிகாரப்பூர்வ இணையதளம் மூலம் தேர்வு முடிவுகளை பார்க்கலாம். ரோல் எண் மற்றும் பதிவு எண் போன்ற உங்கள் நற்சான்றிதழ்களை உள்ளிட்டு தேர்வு முடிவுகளை தெரிந்துக்கொள்ளலாம்.
பாடநெறியின் படி மூன்று வெவ்வேறு நிலைகளில் தேர்வு நடத்தப்படுகிறது மேலும், பட்டயக் கணக்காளராகச் சான்றளிக்கப்படுவதற்கு, விண்ணப்பதாரர்கள் அனைத்து பாட நிலைகளையும் தேர்ச்சி பெற வேண்டும். CA அறக்கட்டளை பாடத் தேர்வு (நான்கு தாள்கள்), CA இடைநிலைத் தேர்வு (புதிய பாடத்திட்டத்தின் அடிப்படையில் எட்டு தாள்கள் மற்றும் பழைய பாடத்திட்டத்தின் அடிப்படையில் எட்டு தாள்கள்), CA இறுதித் தேர்வு (புதிய பாடத்திட்டத்தின் அடிப்படையில் எட்டு தாள்கள் மற்றும் பழைய பாடத்திட்டத்தின் அடிப்படையில் 8 தாள்கள்) என மூன்று நிலைகளை கொண்டது இந்த தேர்வு.
Also Read: கனமழை எச்சரிக்கை.. அடுத்த 2 நாட்களுக்கு வெளுக்கப்போகும் மழை.. எந்தெந்த பகுதிகளில்?