Surya 45: 19 ஆண்டுக்கு பின் சூர்யாவுக்கு ஜோடி.. யார் இந்த பிரபலம்?

நடிகர் சூர்யா, இயக்குநர் சிறுத்தை சிவா கூட்டணியில் மிகப் பிரம்மாண்ட பட்ஜெட்டில் உருவாகி வெளியான திரைப்படம்தான் கங்குவா. கடந்த 2022ம் ஆண்டு இத்திரைப்படத்தின் படப்பிடிப்பு ஆரம்பமான நிலையில் தொடர்ந்து 2 ஆண்டுகள் முயற்சியும் கடின உழைப்பினாலும் இந்த திரைப்படம் உருவாக்கி உள்ளது. கடந்த நவம்பர் 14ம் தேதி வெளியான இந்த திரைப்படம் ரசிகர்கள் மத்தியில் கலவையான விமர்சனங்களைப் பெற்றது. தொடர்ந்து இந்த திரைப்படம் திரையரங்குகளில் வெளியாகி வெற்றிநடைபோட்டு வரும் நிலையில் இந்த திரைப்படத்தை அடுத்து நடிகர் சூர்யா தற்போது சூர்யா 44 என்ற தற்காலிகமாகப் பெயரிடப்பட்ட திரைப்படத்தில் நடித்துவருகிறார். இயக்குநர் கார்த்திக் சுப்புராஜ் இயக்கிவரும் இந்த திரைப்படமானது தற்போது இறுதிக்கட்ட பணியில் இருந்துவருகிறது. படப்பிடிப்புகள் முடிந்து போஸ்ட் ப்ரோடோக்சன் பணியில் இருந்துவரும் இந்தத்திரைப்படத்தில் நடிகர் சூர்யாவிற்கு ஜோடியாக பூஜா ஹெக்டே நடித்துள்ளார். இந்த திரைப்படத்தைத் தொடர்ந்து இவர் அடுத்ததாக நடித்துவரும் திரைப்படம்தான் சூர்யா45.  ஆர்.ஜே பாலாஜி இயக்கும் இந்த திரைப்படத்தில் நடிகையாக யார் நடிக்க உள்ளார் என்ற தகவல்கள் வெளியாகி வருகின்றன.

இதையும் படிங்க :இந்த வாரம் திரையரங்குகளில் வெளியாகும் திரைப்படங்கள்! எப்போது தெரியுமா?

ஆர்.ஜே பாலாஜி இயக்கத்தில் மூக்குத்தி அம்மன், மற்றும் வீட்ல விசேஷம் போன்ற திரைப்படங்கள் வெளியாகி மக்களிடையே நல்ல வரவேற்பைப் பெற்றுள்ளன. இந்நிலையில் இவரின் இயக்கத்தில் மூன்றாவதாக உருவாக்கி உள்ள திரைப்படம்தான் சூர்யா 45.

இந்த “சூர்யா45” முதல் அப்டேட் வெளியாகி மக்கள் மத்தியில் நல்ல வரவேற்புகள் இருந்த நிலையில் அந்த போஸ்டரில் அரிவாள் மற்றும் குதிரை போன்றவை இடம்பெற்றிருந்தனர். இதனால் ரசிகர்கள் இந்த திரைப்படத்தின் பெயர் “கருப்பு” என்று தாங்களே முடிவு செய்து இணையத்தில் பகிர்ந்துவந்தனர்.

அந்த அப்டேட்டை தொடர்ந்து இந்த திரைப்படத்தைப் பற்றிய எந்த ஒரு தகவல்களும் வெளியாகாத நிலையில் இந்த திரைப்படத்தில் யார் யார் நடிக்க இருக்கிறார்கள் என்று மக்கள் மத்தியில் சந்தேகம் எழுந்து வந்தநிலையில் தற்போது இந்த திரைப்படத்தில் தமிழ் முன்னணி நடிகை இணைய உள்ளதாகத் தகவல்கள் வெளியாகி வருகிறது.

அதிலும் சூர்யா 45 திரைப்படத்தில் சுமார் 19 ஆண்டுகளுக்குப் பிறகு ஜோடியாகப் பிரபல நடிகை நடிக்க இருப்பதாகக் கூறப்பட்டு வருகிறது. அந்த நடிகை வேற யாரும் இல்லை மௌனம் பேசியதே மற்றும் ஆறு போன்ற திரைப்படங்களில் இணைந்து நடித்த நடிகை த்ரிஷா கிருஷ்ணன்தான். இவர்தான் சூர்யாவின் 45வது திரைப்படத்தில் நடிகர் சூர்யாவிற்கு ஜோடியாக நடிக்க உள்ளார்.

இதையும் படிங்க : காத்திருப்புக்கு பலன்.. அருண் விஜய்யின் வணங்கான் ரிலீஸ் தேதி அறிவிப்பு!

தமிழ்த் திரைப்படங்களில் முன்னணி கதாநாயகனாக வலம்வருபவர் நடிகர் சூர்யா. தனது 22ம் வயது முதல் திரைப்படங்களை நடிக்க ஆரம்பித்த இவர் நேருக்கு நேர் என்ற திரைப்படத்தின் மூலமாக நடிகராக அறிமுகமாகினார். தொடர்ந்து இவர் நந்தா, காக்கக் காக்க மற்றும் பிதாமகன் போன்ற திரைப்படங்களில் தொடர்ந்து நடித்திருந்தார்.

இதைத் தொடர்ந்து 2022ம் ஆண்டு இயக்குநர் அமீர் இயக்குநராக அறிமுகமாகி இயக்கிய திரைப்படம் “மௌனம் பேசியதே”. காதல் மற்றும் ஆக்ஷ்ன் கதைக்களத்துடன் அமைந்துள்ள இந்த திரைப்படத்தில் சூர்யா மற்றும் த்ரிஷா இணைந்து ஜோடியாக நடித்திருந்தனர்.

1999 ஆண்டு ஜோடி திரைப்படத்திற்கு அடுத்தாக நடிகை த்ரிஷா முன்னணி கதாநாயகியாக நடித்த முதல் தமிழ்த் திரைப்படம் இந்த மௌனம் பேசியதே. இந்த திரைப்படம் வெளியாகி மக்களிடையே வரவேற்பைப் பெற்ற நிலையில் இந்த திரைப்படத்தைத் தொடர்ந்து இவர்கள் இருவரும் 3 வருடங்களுக்குப் பிறகு “ஆறு” என்ற திரைப்படத்தில் ஜோடியாக நடித்து அசத்தியிருந்தனர்.

இதையும் படிங்க :தொடர்ந்து அதிகரிக்கும் வசூல்… ஓடிடி வெளியீட்டில் தள்ளிப்போகும் ‘லக்கி பாஸ்கர்’

இவர்கள் இருவரின் ஜோடி காமினேஷன் நன்றாக இருக்கிறது என்று ரசிகர்கள் தெரிவித்தனர். இந்த திரைப்படத்தின் வெற்றியை அடுத்ததாக இவர் இருவரும் ஜோடியாக எந்த திரைப்படத்திலும் நடிக்க வில்லை. தற்போது சுமார் 19 ஆண்டுகளுக்குப் பிறகு இவர்கள் இருவரும் ஜோடியாக நடிக்க இருப்பதாகத் தகவல்கள் வெளியாகி வருகின்றன.