விடாமுயற்சி ஷூட்டிங்கில் மீண்டும் இணைந்த அஜித்… நடிகர் ஆரவ் போட்ட போட்டோ!

நடிகர் அஜித் உடன் நடிகர் ஆரவ் தனது சமூக வலைதள பக்கத்தில் பேக் அகெய்ன் என்று ஒரு புகைப்படத்தை பதிவிட்டுள்ளார். அதைப் பார்த்த ரசிகர்கள் அஜித் மீண்டும் விடாமுயற்சி ஷூட்டிங்கில் கலந்துகொண்டார் என இணையத்தை கலக்கி வருகின்றனர். நடிகர் அஜித், துணிவு படத்துக்குப் பிறகு நடித்து வரும் படம் விடாமுயற்சி. மகிழ் திருமேனி இயக்கத்தில் உருவாகி வரும் இப்படத்தை லைகா நிறுவனம் தயாரித்து வருகிறது. அனிருத் இசையமைத்துள்ள இப்படத்தில், த்ரிஷா, அர்ஜுன், ரெஜினா, ஆரவ் உட்பட பலர் நடித்துள்ளனர். இதன் படப்பிடிப்பு அஜர்பைஜானில் தொடங்கியது. இந்த படத்தின் படப்பிடிப்பு 70 முதல் 80 சதவீதம் மட்டுமே முடிவடைந்து இருப்பதாகவும் இந்த படத்தின் அடுத்த கட்ட படப்பிடிப்பு குறித்து அதிகாரப்பூர்வ தகவல் எதுவும் இன்னும் வெளியாகவில்லை.

இந்நிலையில் இந்த படத்திற்கு அடுத்ததாக இயக்குநர் ஆதிக் ரவிசந்திரன் இயக்கத்தில் அஜித் நடிக்க உள்ளதாக அதிகாரப்பூர்வ அறிவுப்புகள் சமீபத்தில் வெளியானது. ‘குட் பேட் அக்லி’ என பெயரிடப்பட்ட அந்த படத்தின் ஃபர்ஸ்ட் லுக் போஸ்டர் வெளியாகி ரசிகர்களிடம் வரவேற்பை பெற்றது. மைத்ரீ மூவி மேக்கர் தயாரிக்கும் இப்படத்தின் படப்பிடிப்பு கடந்த மாதம் ஐதராபாத்தில் தொடங்கி நடைபெற்றது. ஒரு மாதம் நடந்த அப்படத்தின் முதற்கட்ட படப்பிடிப்பு அண்மையில் நிறைவடைந்தது.

Also read… சூரியின் ‘கருடன்’ படம் ஓடிடியில் எப்போ ரிலீஸ் தெரியுமா? – வைரலாகும் தகவல்!

இந்நிலையில், சமீபத்தில் ஊடகம் ஒன்றுக்கு பேட்டி அளித்துள்ள அஜித்தின் மேனேஜர் சுரேஷ் சந்திரா, விடாமுயற்சி படத்தின் அடுத்த கட்ட படப்பிடிப்பிற்காக படக்குழுவினர் மற்றும் அஜித் அஜர்பைஜான் சென்று விட்டதாகவும், மேலும் இந்த படத்தின் இறுதிகட்ட படப்பிடிப்பை விறுவிறுப்பாக முடித்துவிட்டு வரும் தீபாவளி அன்று இந்த படத்தை வெளியிட படக்குழு திட்டமிட்டுள்ளதாக கூறினார்.

 

View this post on Instagram

 

A post shared by Arav (@actorarav)

இதனை உற்தி செய்யும் விதமாக ஆரவ் வெளியிட்ட போட்டோ ரசிகர்களிடையே மகிழ்ச்சியை ஏற்படுத்தியுள்ளது. விடாமுயற்சி படப்பிடிப்பு தொடங்கியதில் இருந்தே நடிகர் ஆரவ் நடிகர் அஜித்துடன் இருக்கும் புகைப்படங்களை தொடர்ந்து வெளியிட்டு வருவது வழக்கம். அந்த வகையில் நேற்று அவர் ’Back again’ என்று அஜித்துடன் வெளியிட்ட புகைப்படத்தால் அஜித் மீண்டும் விடாமுயற்சி ஷூட்டிங்கில் கலந்துகொண்டார் என ரசிகரக்ள் உற்சாகத்தில் உள்ளனர்.