மனைவி ஷாலினிக்கு பிறந்த நாள்.. அசத்தல் காரை பரிசளித்த அஜித்!

தமிழ்த் திரைப்படங்களில் ஒன்றாக நடித்து பின் காதலித்து திருமணம் செய்தவர்கள் பட்டியலில் முன்னிலை வகிக்கும் ஜோடியாக இருந்து வருபவர்கள் நடிகர் அஜித், ஷாலினி. தற்போது தமிழ் சினிமாவில் முன்னணி கதாநாயகனாக இருந்துவரும் நடிகர் அஜித் தனது மனைவி ஷாலினியின் பிறந்தநாளுக்காக விலை உயர்ந்தாராகக் காரை பரிசாக வழங்கியுள்ளார். கடந்த நவம்பர் 20ம் தேதி நடிகை ஷாலினியின் பிறந்தநாளை முன்னிட்டு கடந்த வியாழக்கிழமை அன்று நடிகர் அஜித் குமார் விலை உயர்ந்த லெக்ஸஸ் காரை தனது மனைவி ஷாலினிக்கு பிறந்தநாள் பரிசாக அளித்துள்ளார். நடிகை ஷாலினி அந்த லெக்ஸஸ் காருடன் இருக்கும் புகைப்படம் இணையத்தில் வைரலாகிவருகிறது. அமர்க்களம் திரைப்படத்தின் மூலம் திரைப்படத்தில் ஜோடியாக இணைந்த இவர்கள் தொடர்ந்து தற்போது வரை தமிழ் சினிமாவில் பிரபல ஜோடியாக நிஜவாழ்க்கையில் இருந்து வருகின்றனர்.

நடிகை ஷாலினியின் சினிமா பயணம்..

நடிகை ஷாலினி மலையாளம் மற்றும் தமிழ் சினிமாவில் முன்னணி கதாநாயகியாக இருந்துவந்தவர். திரைப்படங்களில் குழந்தை நட்சத்திரமாக அறிமுகமாகி தனது திரைப்பட வாழ்க்கையைத் தொடர்ந்த இவர் பின் தொலைக்காட்சி தொடர்களிலும் நடித்துள்ளார். மலையாள திரைப்படத்தின் மூலம் தனது வாழ்க்கையைத் தொடங்கினாலும் இவர் “பெசவாடா பெப்புலி” என்ற தெலுங்கு திரைப்படத்தின் மூலமாகவே நடிகையாக அறிமுகமாகினார்.

இதையும் படிங்க :விஜயின் தளபதி 69 படத்திலிருந்து விலகிய பிரபல நடிகர்?

பின் “ஊமக்குயில்” என்ற மலையாள திரைப்படத்தில் நடித்துவந்த இவர் தமிழ் சினிமாவில் குழந்தை நட்சத்திரமாகப் பல திரைப்படங்களில் நடித்துள்ளார். பிள்ளை நிலா, விடுதலை மற்றும் நிலவே மலரே போன்ற திரைப்படங்களைக் குழந்தை நட்சத்திரமாக நடித்துவந்த இவர் 1997ம் ஆண்டு வெளியான “காதலுக்கு மரியாதை” என்ற திரைப்படத்தில் நடிகர் விஜய்க்கு ஜோடியாக நடித்து கதாநாயகியாக அறிமுகமாகினார்.

தொடர்ந்து கதாநாயகியாகத் தமிழ், மற்றும் மலையாளம் போன்ற திரைப்படங்களில் நடித்துவந்த இவர் 1999ம் ஆண்டு இயக்குநர் சரண் இயக்கத்தில் வெளியான “அமர்க்களம்” என்ற திரைப்படத்தில் நடிகர் அஜித்திற்கு ஜோடியாக நடித்திருந்தார்.

இதையும் படிங்க : புஷ்பா 2 படத்தில் நடிக்க ஃபகத் பாசில் வாங்கிய சம்பளம் இவ்வளவா? பரவும் தகவல்!

அஜித், ஷாலினி காதல் வாழ்க்கை..

இந்த திரைப்படத்தின் மூலமாகத்தான் இவர்கள் இருவருக்கும் காதல் மலர்ந்தது.இதனைத் தொடர்ந்து அடுத்த வருடமே இருவரும் திருமணம் செய்து கொண்டனர். 2000ம் ஆண்டு ஏப்ரல் 24ம் தேதி திருமணம் செய்துகொண்ட இவர்களுக்கு தற்போது ஒரு மகளும் மற்றும் ஒரு மகனும் இருக்கிறார்கள். திருமணத்திற்குப் பிறகு திரைப்படங்களில் நடிப்பதைக் குறைத்துக் கொண்டு நடிகை ஷாலினி முழுவதுமாக குடும்ப வாழ்க்கையில் இறங்கினார்.

சமூக வலைத்தளங்களில் எப்போதும் ஆக்டிவாக இருக்கும் ஷாலினி நடிகர் அஜித் மற்றும் தனது குடும்ப புகைப்படங்களை அவ்வப்போது பதிவிடுவது உண்டு. குடும்பத்துடன் வெளிநாடு, வெளி மாநிலங்கள் எனச் சுற்றுலா மேற்கொள்ளும் அஜித், ஷாலினியின் வீடியோக்கள் அவ்வப்போது இணையதளங்களில் வைரலாகுவது உண்டு. இதைத் தொடர்ந்து கடந்த நவம்பர் 20ம் தேதி நடிகை ஷாலினியின் 44வது பிறந்த நாளை முன்னிட்டு நடிகர் அஜித் அவருக்கு “லெக்ஸஸ்” என்ற விலை உயர்ந்த காரை பரிசளித்துள்ளார்.

இதையும் படிங்க :சூர்யாவின் கங்குவா திரைப்படத்தின் ஒரு வார வசூல்.. வெளியான தகவல்!

நடிகை ஷாலினி அந்த காருடன் இருக்கும் புகைப்படம் இணையத்தில் வைரலாகி வருகிறது. தனது மனைவிக்கு சர்ப்ரைஸாக கார் வழங்கிய நடிகர் அஜித் விடாமுயற்சி திரைப்படத்தினை தொடர்ந்து தற்போது இயக்குநர் ஆதிக் ரவிச்சந்திரன் இயக்கத்தில் உருவாகிவரும் “குட் பேட் அக்லி ” திரைப்படத்தில் நடித்துவருகிறார். இத்திரைப்படத்தின் படப்பிடிப்பு வேலைகள் இறுதிக்கட்ட பணியிலிருந்துவரும் நிலையில் இந்த திரைப்படம் 2025ம் ஆண்டு பொங்கல் திருநாளோடு வெளியாக உள்ளது.

விடாமுயற்சி திரைப்படத்தின் அப்டேட் குறித்து..

தொடர்ந்து அவர் இந்த ஆண்டு நடித்துவரும் குட் பேட் அக்லி திரைப்படத்தின் அப்டேட் வெளியாகி மக்களிடையே வரவேற்பைப் பெற்றுவரும் நிலையில் இந்த திரைப்படத்திற்கு முன் நடித்த இயக்குநர் மகிழ் திருமேனி இயக்கிய விடாமுயற்சி திரைப்படத்தைப் பற்றிய எந்த ஒரு தகவலும் வெளி வராத காரணத்தால் அஜித் ரசிகர்கள் வருத்தத்தில் இருந்து வருகின்றன. இந்த திரைப்படங்களைத் தொடர்ந்து வருகின்ற 2025ம் ஆண்டுக்கு கார் ரேஸ் மற்றும் மோட்டார் வாகன பந்தய வாழ்க்கையில் இறங்க உள்ளார் என்று கூறப்படுகிறது.

இதையும் படிங்க :திருமணத்தில் ஆர்வம் இல்லாமல் போனதற்கு இதுதான் காரணம் – நடிகை ஐஸ்வர்யா லட்சுமி!