இணையத்தில் வைரலாகும் நடிகர் அஜித்தின் வீடியோ!

நடிகர் அஜித்

நடிகர் அஜித் குமார் காரில் உட்கார்ந்து மகிழ்ச்சியாக சிரித்துக்கொண்டு இருக்கும் வீடியோ இணையத்தில் வைரலாகி வருகின்றது. நடிகர் அஜித்குமார் விடாமுயற்சி மற்றும் குட் பேட் அக்லி என அடுத்தடுத்த இரு படங்களில் ஒரே நேரத்தில் கவனம் செலுத்தி வருகிறார். விடாமுயற்சி படத்தின் ஷூட்டிங் கடந்த ஆண்டு அசர்பைஜானில் துவங்கப்பட்டு சில மாதங்கள் விறுவிறுப்பாக நடத்தப்பட்ட நிலையில், கடந்த ஆறு மாதங்களாக இந்த படத்தின் சூட்டிங் நிறுத்தப்பட்டது. படம் தீபாவளி ரிலீசுக்கு திட்டமிடப்பட்டு வருவதாக அஜித்தின் மேனேஜர் சுரேஷ் சந்திரா தனது சமீபத்திய பேட்டியில் தெரிவித்திருந்தார். அதனை அஜித் ரசிகர்கள் ’தல’ தீபாவளி இந்த வருடம் என்று சமூக வலைதளங்களில் கொண்டாடித் தீர்த்தனர்.

சமீபத்தில் இப்படத்தில் நடிக்கும் நடிகர்களின் போஸ்டர்கள் தொடர்ந்து வெளியாகி ரசிகர்களிடையே படத்தின் மீதான எதிர்பார்ப்பும் அதிகரித்தது. இந்த படத்தில் நடிகர் அர்ஜுன், நடிகை த்ரிஷா, ஆரவ், ரெஜினா கசாண்ட்ரா ஆகியோர் முக்கிய கதாப்பாத்தில் நடித்துள்ளனர்.

இந்நிலையில் இந்த படத்திற்கு அடுத்ததாக இயக்குநர் ஆதிக் ரவிசந்திரன் இயக்கத்தில் அஜித் நடிக்க உள்ளதாக அதிகாரப்பூர்வ அறிவுப்புகள் சமீபத்தில் வெளியானது. ‘குட் பேட் அக்லி’ என பெயரிடப்பட்ட அந்த படத்தின் ஃபர்ஸ்ட் லுக் போஸ்டர் வெளியாகி ரசிகர்களிடம் வரவேற்பை பெற்றது. மைத்ரீ மூவி மேக்கர் தயாரிக்கும் இப்படத்தின் படப்பிடிப்பு கடந்த ஜூன் மாதம் ஐதராபாத்தில் தொடங்கி நடைபெற்றது. ஒரு மாதம் நடந்த அப்படத்தின் முதற்கட்ட படப்பிடிப்பு ஜூலை மாதம் நிறைவடைந்தது.

Also read… தனுஷின் குபேரா… ரிலீஸ் தேதியை வெளியிட்டது படக்குழு!

தற்போது அடுத்த கட்ட படப்பிடிப்பிற்கு படக்குழு தயாராகி வருகிறது. அஜித் ரசிகர்களின் ஏக்கத்தை புரிந்துகொண்டு அதற்கேற்ற வகையில் அவ்வப்போது அப்டேட் கொடுத்து வருவதால் ரசிகர்களிடம் இப்படத்திற்கு வரவேற்பு அதிகரித்துள்ளது. அஜித் குமார், த்ரிஷா நடிப்பில் குட் பேட் அக்லி படம் உருவாகி வருகிறது. வரும் பொங்கலுக்கு திரையரங்குகளில் குட் பேட் அக்லி படம் வெளியாக உள்ள நிலையில், விடாமுயற்சி மற்றும் குட் பேட் அக்லி என இரண்டு படங்களிலும் பிசியாக அனைத்து வேலைகளையும் அஜித் பார்த்து வருகிறார்.

Also read… கங்குவா குறித்து மாஸ் அப்டேட் கொடுத்த தயாரிப்பாளர்!

பல வருடங்களாக கார் ரேஸ் பந்தையங்களில் கலந்து கொள்ளாமல் இருந்த நடிகர் அஜித்குமார் தற்போது, மீண்டும் கார் ரேஸில் கலந்து கொள்ளப்போகின்றார் என்ற தகவல் சமீபத்தில் வெளியானது. கடந்த 2003 ஆம் ஆண்டு முதல் கார் ரேசிங்கில் ஈடுபட்டு வரும் தல அஜித் மீண்டும் தனது கார் ரேஸின் பயணத்தை துவங்க உள்ளதாக சில தகவல்கள் வெளியாகி உள்ளது. இதற்கு முன்னதாக கடந்த 2003ஆம் ஆண்டு நடைபெற்ற “ஃபார்முலா பிஎம்டபிள்யூ ஏசியா” என்கின்ற கார் பந்தயத்தில் பங்கேற்று, அந்த போட்டியில் 12வது இடத்தை பிடித்தார் நடிகர் அஜித். அது மட்டுமில்லாமல் 2010 ஆம் ஆண்டு நடைபெற்ற ஃபார்முலா 2 பந்தயங்களிலும் அவர் பங்கேற்று இருக்கிறார் என்பது குறிப்பிடத்தக்கது.

அஜித் நடிப்பது மட்டுமல்லாமல் ரேசிங்கிலும் அதிகம் ஆர்வம் காட்டும் நபராவார். சமீபத்தில் விலைஉயர்ந்த ஸ்போர்ட்ஸ் கார் இரண்டை வாங்கியுள்ளார். இது தொடர்பாக வீடியோ ஒன்று இணையத்தில் வைரலாகி வருகிறது. அஜித் குமார் கார் வாங்கும் முன் அதில் உட்கார்ந்து ஸ்டார்ட் செய்து ஆக்சிலேடர் அலுத்தி ரசிக்கும் வீடியோ ஒன்று இணையத்தில் பதிவிட்டுள்ளனர். இந்த வீடியோ தற்போது இணையத்தில் வைரலாகி வருகின்றது.