Vanangaan: காத்திருப்புக்கு பலன்.. அருண் விஜய்யின் வணங்கான் ரிலீஸ் தேதி அறிவிப்பு!

Vanangaan Release Date : தமிழ்த் திரைப்படங்களில் நடிகராகவும், வில்லனாகவும் முக்கிய கதாபாத்திரத்தில் நடித்து வருபவர்தான் அருண் விஜய். திரைப்படங்களில் தனது அசாதாரணமான நடிப்பினால் மக்களின் கவனத்தை ஈர்த்து வருகிறார். இந்நிலையில் இவர் "வணங்கான்" என்ற திரைப்படத்தில் நடித்துவந்த நிலையில் அப்படத்தின் ரிலீஸ் தேதியை படக்குழு வெளியிட்டுள்ளது.

வணங்காண் திரைப்படம்

Barath Murugan | Published: 19 Nov 2024 15:28 PM

தமிழ்த் திரைப்பட பிரபல நடிகர் விஜயகுமாரின் மகன்தான் நடிகர் அருண் விஜய். இவர் 1995ம் ஆண்டு சுந்தர் சி. இயக்கத்தில் வெளியான ‘முறை மாப்பிள்ளை” என்ற திரைப்படத்தின் மூலமாகத் தமிழ் சினிமாவில் நடிகராக அறிமுகமாகினார். தொடர்ந்து தமிழ், தெலுங்கு உள்ளிட்ட மொழிகளில் பல வித்தியாசமான கேரக்டரில் நடித்து ரசிகர்களிடம் பாராட்டு பெற்றுள்ளார். இந்நிலையில் இவர் இதுவரைக்கும் நடித்திடாத மாறுபட்ட கதைக்களத்துடன் உருவாகியுள்ள திரைப்படம் தான் “வணங்கான்”. இந்த படம் பிரபல இயக்குநர் பாலாவின் இயக்கத்தில் உருவாகியுள்ளது.

இயக்குநர் பாலா, நாச்சியார் என்ற படத்தை கடைசியாக இயக்கியிருந்தார். இந்த படம் 2018 ஆம் ஆண்டு தியேட்டரில் வெளியானது. அதன்பின் விக்ரம் மகன் துருவை வைத்து வர்மா என்ற படத்தை இயக்கினார். இந்த படம் மிகப்பெரிய சர்ச்சைகளுக்கு இடையே ஓடிடி தளத்தில் வெளியானது. பின் தற்போது 5 வருடங்களுக்குப் பிறகு பாலா இயக்கத்தில் வெளியீட்டிற்குத் தயாராக உள்ள திரைப்படம் வணங்கான்.

அருண் விஜய், ரோஷ்னி பிரகாஷ், சமுத்திரக்கனி, ஆர்.கதிரவன், ஜான் விஜய், மிஸ்கின் மற்றும் ராதா ரவி எனப் பல பிரபலங்களும் இந்த திரைப்படத்தில் நடித்துள்ளார். இந்த திரைப்படமானது படப்பிடிப்பு, போஸ்ட ப்ரொடக்ஷன் எனப் படத்தின் வேலைகள் முடிந்த நிலையில் முதலில் இத்திரைப்படம் டிசம்பர் மாதத்தில் வெளியாகும் என்று கூறப்பட்டிருந்தது. இந்நிலையில் தற்போது திரைப்படத்தின் அதிகாரப்பூர்வமான வெளியிட்டு தகவல் படக்குழு அறிவித்துள்ளது.

இதையும் படிங்க :டிசம்பரில் கீர்த்தி சுரேஷ் திருமணம்.. மாப்பிள்ளை யார் தெரியுமா?

2022ம் ஆண்டு வணங்கான் படத்தை இயக்க உள்ளதாக இயக்குநர் பாலா அறிவித்திருந்த நிலையில் முதலில் இப்படத்தில் நடிகராக சூர்யாவின் நடிப்பில் அவரது 2டி எண்டர்டென்மெண்ட் நிறுவனம் தயாரிக்க இருந்தது. பின் சில காரணங்களால் சூர்யா இந்த திரைப்படத்திலிருந்து விலகினார். தொடர்ந்து இந்த திரைப்படத்தில் அருண் விஜய் நடிக்க இருப்பதாகத் தகவல் வெளியாகிய நிலையில் படத்தின் ஷூட்டிங் விறுவிறுப்பாக நடைபெற்று வந்தது.

இதையும் படிங்க :சபரிமலைக்கு மாலை.. தர்காவில் வழிபாடு.. ராம்சரண் சம்பவம்!

இதைத் தொடர்ந்து இவர் நடிப்பில் உருவாகிவரும் திரைப்படம் “வணங்கான்”. இயக்குநர் பாலா இயக்கத்தில், பாலாவின் தயாரிப்பிலும் , வி ஹவுஸ் புரொடக்ஷன்ஸின் இணைந்து தயாரித்து வருகிறது. அருண் விஜய் மற்றும் ரோஷிணி பிரகாஷ் இருவரின் நடிப்பில் உருவாக்கி வந்த திரைப்படம் தற்போது வெளியீட்டிற்குத் தயாராகி உள்ளது.

இதையும் படிங்க :மூக்குத்தி அம்மன் 2’ இயக்காததற்கு இதுதான் காரணம்.. விஷயத்தை கூறிய ஆர்.ஜே. பாலாஜி

ஆக்ஷன் கதைக்களத்துடன் உருவாகியுள்ள இந்த திரைப்படம் இந்த ஆண்டு வெளியாகும் என்று கூறப்பட்டு வந்தநிலையில் தற்போது இந்த திரைப்படத்தின் தயாரிப்பாளர் சுரேஷ் காமாட்சி படத்தின் ரிலீஸ் அப்டேட்டை வெளியிட்டுள்ளார்.

தித்திக்கும் உங்களின் இப் பிறந்த நாளில் தமிழர் திருநாளாம் பொங்கல் நாளில் வணங்கான் வெளியீடு என்ற கரும்பின் சுவையைப் பரிசாகத் தருகிறோம். மகிழ்ச்சியின் இனிப்பு மனதாரப் பரவி, புன்னகை என்றும் எங்கும் வழிந்தோடி, வெற்றியின் பிள்ளைகளைத் தாலாட்டி வென்று வாழ இயற்கையும்.. இறையும் துணை… pic.twitter.com/VDLXKrCoHR

— sureshkamatchi (@sureshkamatchi) November 19, 2024

இசையமைப்பாளர் ஜி.வி. பிரகாஷ் இசையமைப்பில் உருவாகிவரும் வணங்கான் திரைப்படம் வருகின்ற 2025ம் ஆண்டு தமிழர் திருநாளான பொங்கல் விழாவோடு வெளியாகும் என்று கூறியுள்ளார். இன்று அருண் விஜய்யின் பிறந்தநாளை முன்னிட்டு இத்திரைப்படத்தின் ரிலீஸ் தினத்தின் தகவலை படக்குழு வெளியிட்டுள்ளது.

அருண் விஜய் திரைப்பயணம்

தமிழ்த் திரைப்படத்தில் முறை மாப்பிள்ளை திரைப்படத்தின் மூலம் நடிகராக அறிமுகமான அருண் விஜய், தனது முதல் திரைப்படத்தின் மூலமாகவே மக்கள் மத்தியில் பிரபலமானர். இந்நிலையில் இவர் தொடர்ந்து துள்ளித் திரிந்த காலம், பாண்டவர் பூமி, மாஞ்சாவேலு போன்ற திரைப்படங்களில் தொடர்ந்து நடித்துவந்தார். இதில் அவர் நடித்த பாண்டவர் பூமி திரைப்படம் பிளாக் பஸ்டர் ஹிட் திரைப்படமாக அமைந்தது.

இதில் வெளியான ‘தோழா தோழா” என்ற பாடல் இன்றுவரையிலும் மக்கள் மத்தியில் பிரபலமாகத்தான் இருக்கிறது. 90ஸ் பெண்களின் கனவு நாயகனாக இருந்துவந்த அருண் விஜய் தொடர்ந்து திரைப்படங்களில் நடிப்பதற்கு ஆர்வம் காட்டி வந்தார். இவர் தமிழ்த் திரைப்படங்களில் மட்டுமில்லாமல், தெலுங்கு மற்றும் கன்னடம் போன்ற மொழிகளிலும் திரைப்படங்களில் நடித்திருக்கிறார். அதிலும் இவர் 2015ம் ஆண்டு இயக்குநர் கவுதம் வாசுதேவ் மேனன் இயக்கத்தில் வெளியான “என்னை அறிந்தால்” திரைப்படத்தில் வில்லன் கதாபாத்திரத்தில் நடித்து அசத்தியிருப்பார்.

இதையும் படிங்க :ஜெயம் ரவியின் “காதலிக்க நேரமில்லை” – வெளியான புதிய அப்டேட்!

இந்த வில்லன் கதாபாத்திரத்தில் நடித்துப் பிரபலமான இவருக்கு அதன் பிறகுதான் தெலுங்கு மற்றும் கன்னட சினிமாவில் வாய்ப்புகள் தேடிவந்தது.இதன் மூலமாகத் தெலுங்கு மற்றும் கன்னட சினிமாவிலும் நடிகராக அறிமுகமானார். இந்த திரைப்படத்தை அடுத்ததாக இவருக்கு தமிழில் வெற்றியாக அமைந்த திரைப்படம் குற்றம் 23.அருண் விஜய் இந்த திரைப்படத்தில் போலீஸ் கதாபாத்திரத்தில் மக்களின் கவனத்தை ஈர்த்துவந்தார். இந்த திரைப்படங்களின் வெற்றிக்கு பிறகு நீண்ட நாட்களாக வெற்றியை எதிர்பார்த்து காத்திருக்கிறார். அது வணங்கான் படம் மூலம் சாத்தியமாகும் என ரசிகர்களுடன் அருண் விஜய்யும் நம்பிக்கையாக காத்திருக்கிறார்.

சேனலை பின்தொடர்க

Tamil Movie Updates