ஓடிடியில் கலக்கும் ’லக்கி பாஸ்கர்’ படத்தின் மொத்த வசூல் எவ்வளவு தெரியுமா?

நடிகர் துல்கர் சல்மான் நடிப்பில் தீபாவளி பண்டிகையை முன்னிட்டு கடந்த அக்டோபர் மாதம் 31-ம் தேதி திரையரங்குகளில் வெளியாகி சூப்பர் ஹிட் அடித்த ‘லக்கி பாஸ்கர்’ படம் தற்போது ஓடிடியில் வெளியாகி ரசிகர்களிடையே நல்ல வரவேற்பைப் பெற்று வருகின்றது. இந்த நிலையில் படத்தின் மொத்த வசூல் குறித்த விவரம் இணையத்தில் வெளியாகி வைரலாகி வருகின்றது. படங்களுக்காக உடல் எடையை கூட்டுவது, குறைப்பது என பெரிய மெனக்கெடல் எதுவும் இல்லாமல் படங்களில் நடித்தாலும் தனது இயல்பான நடிப்பால் ரசிகர்களின் மனதில் நீங்காத இடம் பிடித்தவர் துல்கர். இதுவரை இவரது நடிப்பில் வெளியான படங்கள் அனைத்தும் ரசிகர்களிடையே நல்ல வரவேற்பைப் பெற்று வருகின்றது.

நடிகர் மம்மூட்டியின் மகனான துல்கர் சல்மான் தமிழ், தெலுங்கு, மலையாளம், ஹிந்தி என அனைத்து மொழிகளிலும் பிரபலமான நடிகராக இருக்கிறார். கேரள மாநிலத்தில் உள்ள கொச்சியில் 1983-ம் ஆண்டு ஜூலை 28-ம் தேதி துல்கர் சல்மான் பிறந்தார். சினிமாவில் நடிப்பதற்கு எண்ட்ரி கொடுப்பதற்கு முன் பேரி ஜான் ஆக்டிங் ஸ்டுடியோவில் மூன்று மாத நடிப்புப் படிப்பை படித்துள்ளார்.

கடந்த 2012-ம் ஆண்டு வெளியான ‘செக்கண்ட் ஷோ’ என்ற படத்தின் மூலம் தனது நடிப்பு வாழ்க்கையை தொடங்கினார் துல்கர். அதனை தொடர்ந்து வெளியான ‘உஸ்தாத் ஹோட்டல்’ படம் ரசிகர்களின் மனதில் நீங்காத இடத்தைக் கொடுத்தது. பின்னர் துல்கர் சல்மானின் நடிப்பில் வெளியான ஏபிசிடி, நீலாகாஷம் பச்சைக்கடல் செவ்வண்ண பூமி, பேங்களூர் டேய்ஸ் படங்கள் விமர்சன ரீதியாகவும், வசூல் ரீதியாகவும் நல்ல வரவேற்பை பெற்றது.

2014-ம் ஆண்டு வெளியான வாயை மூடி பேசவும் படத்தின் மூலம் தமிழில் அறிமுகமானார் துல்கர் சல்மான். அதனைத் தொடர்ந்து மணிரத்னம் இயக்கிய ஓ காதல் கண்மணி, தேசிங்கு பெரியசாமி இயக்கிய கண்ணும் கண்ணும் கொள்ளையடித்தால் படத்தில் நடித்து தமிழ் ரசிகர்களிடம் கவனத்தைப் பெற்றார் துல்கர்.

இயக்குநர் வெங்கி அட்லுரி நடிகர் துல்கர் சல்மானை வைத்து தற்போது ‘லக்கி பாஸ்கர்’ என்ற படத்தை இயக்கினார். பான் இந்தியன் படமாக உருவாகியுள்ள இதில் துல்கர் சல்மான் உடன் இணைந்து மீனாட்சி சவுத்ரி நடித்தார். ஜி.வி பிரகாஷ் இதற்கு இசை அமைக்திருந்தார். இந்த படத்தை சித்தாரா எண்டர்டெயின்மெண்ட் மற்றும் பார்ச்சூன் ஃபோர் சினிமா ஆகிய நிறுவனங்கள் இணைந்து தயாரித்துள்ளனர்.

Also read… இணையத்தை தெரிக்கவிடும் விடாமுயற்சி டீசர்… 1 கோடி பார்வைகளை கடந்தது

இந்த நிலையில் படம் ரசிகர்களிடையே திரையரங்குகளில் நல்ல வரவேற்பைப் பெற்றது. ஊரை சுற்றி கடனால் வாடும் துல்கரின் காதல் மனைவிதான் மீனாட்சி சவுத்ரி. தனது கணவனின் சுயமரியாதையை விட்டுக்கொடுக்காத மனைவியாக தனது நடிப்பை சிறப்பாக வெளிப்படுத்தியிருப்பார்.

குடும்ப கஷ்டத்தை தனது கணவருடன் இணைந்து சரி செய்ய முயற்சிக்கும் மனைவியாக நடித்திருந்தார். மிடில் கிளாஸ் குடும்பத்தில் பிறந்த துல்கர் ஒரு பேங்கில் கேஷியராக பணிபுரிகிறார். மாத வருமானம் அப்பாவின் மருத்துவ செலவிற்கும் தம்பி, தங்கை கல்லூரி படிப்புக்கும், தனது 6 வயது மகனின் பள்ளி செலவிற்கும் பத்தாமலே செல்கிறது.

வேலை செய்யும் இடத்தில் பதவி உயர்வு கிடைக்கும் என்று எதிர்பார்த்து காத்திருந்த துல்கருக்கு ஏமாற்றம் கிடைக்க வங்கியில் இருந்து பணத்தை கைமாத்தும் வேலையில் ஈடுபடுகிறார் துல்கர். இதன் காரணமாக தனது குடும்பத்தின் பண பிரச்னையில் இருந்து மீழ்கிறார் துல்கர்.

Also read… இணையத்தில் வைரலாகும் சோபிதாவின் நலங்கு போட்டோஸ்

பணத்தை எடுத்து கைமாற்றி பல தொழில்களில் ஈடுபடும் துல்கர் மாட்டிக் கொள்கிறாரா இல்லையா என்பதே படத்தின் கதை. படம் வெளியான போது தமிழகத்தில் பெரிய அளவில் திரையரங்குகள் கிடைக்கவில்லை என்றாலும் அதன் பிறகு திரையரங்குகளில் நல்ல வரவேற்பு கிடைத்தது.

இந்த நிலையில் படம் கடந்த 28-ம் தேதி நெட்ஃபிளிக்ஸ் ஓடிடியில் வெளியானது. தியேட்டரில் படத்தை பார்க்க தவறியவர்கள் அனைவரும் ஓடிடியில் பார்த்து கொண்டாடி வருகின்றனர். இந்த நிலையில் படத்தின் மொத்த வசூல் நிலவரம் குறித்த தகவல் இணையத்தில் வைரலாகி வருகின்றது. அதன்படி படம் உலகம் முழுவதும் 115 கோடிக்கும் அதிகமாக வசூலித்ததாக வைரலாகி வருகின்றது.