இது குடும்பங்களுக்கான படம்… ஸ்டார் படத்தின் சென்சார் அப்டேட்!

சீரியல்கள் மற்றும்  பிக்பாஸ்  நிகழ்ச்சியின் மூலம் கவனம் ஈர்த்தவர்  நடிகர் கவின். லிப்ட் திரைப்படத்தை தொடர்ந்து டாடா திரைப்படத்தில் கவின் நடித்திருந்தார். இந்த திரைப்படத்தை அவரின் கல்லூரி நண்பரான கணேஷ் கே.பாபு என்பவர் இயக்கினார். இதில் கவினுடன் பீஸ்ட் திரைப்படத்தில் நடித்த அபர்ணா தாஸ், ‘முதலும் நீ முடிவு நீ’ ஹரிஷ் மற்றும் கே.பாக்யராஜ், வி.டி.வி.கணேஷ் உள்ளிட்டோர் நடித்திருந்தனர்.

சிம்பிள் கதையாக இருந்தாலும் புது கோணத்தில் எடுக்கப்பட்டதால் டாடா திரைப்படம் அனைவரின் கவனத்தை ஈர்த்தது. தற்போதைய சூழலில் இருக்கும் ஒரு இளைஞனின் பின்னணியில் டாடா திரைப்படத்தின் கதை எழுதப்பட்டது. கல்லூரி மாணவன் தொடங்கி, பொறுப்பான அப்பாவாக மாறும் தருணம் வரை காட்சிகள் இடம்பெற்று கவனம் ஈர்த்தது.

இதனை தொடர்ந்து கவின் நடிப்பில் தற்போது ஸ்டார் படம் உருவாகியுள்ளது. பியார் பிரேமா காதல் இளன் இயக்கியுள்ள ஸ்டார் திரைப்படம் வரும் 10-ம் தேதி வெளியாக உள்ளது. யுவன் சங்கர் ராஜா இப்படத்திற்கு இசையமைத்துள்ளார்.
இந்நிலையில் சமீபத்தில் வெளியான ஸ்டார் படத்தின் ட்ரெய்லர் இணையத்தில் பார்வையாளர்களின் கவனத்தை ஈர்த்தது. இதனால் படத்தின் மீதான ரசிகர்களின் எதிர்பார்ப்பும் அதிகரித்தது.

Also read… தனது சினிமா பயணம் குறித்து மனம் திறந்த நடிகை டாப்ஸி!

இந்த படத்தில் கவின் உடன் லால், கீதா கைலாசம், அதிதி பொஹங்கர், ப்ரீத்தி முகுந்தன் ஆகியோர் முன்னணி கதாப்பாத்திரத்தில் நடித்துள்ளனர். இப்படத்தின் சென்சார் விவரங்களை படக்குழு வெளியிட்டுள்ளது. அதன்படி ஸ்டார் படத்திற்கு சென்சார் போர்டு “யு” சான்றிதழ் வழங்கியுள்ளது.