’மூக்குத்தி அம்மன் 2’ இயக்காததற்கு இதுதான் காரணம்.. விஷயத்தை கூறிய ஆர்.ஜே. பாலாஜி

தமிழ்த் திரைப்படங்களில் முன்னணி கதாநாயகர்களில் ஒருவராக இருந்து வருபவர் ஆர்.ஜே.பாலாஜி. திரைப்படங்களில் நடிப்பது மட்டுமில்லாமல் தற்போது திரைப்படங்களை இயக்குவதில் ஆர்வம் காட்டி வருகிறார். தமிழ் சினிமாவில் “தீயா வேலை செய்யணும் குமாரு” துணைக் கதாபாத்திரமாக அறிமுகமாகிய இவர் தொடர்ந்து திரைப்படங்களில் நடித்து வருகிறார். தமிழ் திரைப்படங்களின் மூலம் மக்கள் மத்தியில் பிரபலமான இவர் மூக்குத்தி அம்மன், மற்றும் வீட்ல விசேஷம் போன்ற திரைப்படங்களை இயக்கியுள்ளார். அதிலும் அவர் இயக்கிய மூக்குத்தி அம்மன் திரைப்படத்தின் மூலமாக மிகவும் பிரபலமானார்.

கலியுக அம்மனை கொண்டுவரும் வகையில் அமைக்கப்பட்ட திரைக்கதைகளுடன் உருவான இந்த திரைப்படத்தில் நயன்தாரா, ஊர்வசி மற்றும் ஆர்.ஜெ.பாலாஜி ஆகியோரும் நடித்துள்ளனர். இந்நிலையில் இந்த திரைப்படத்தின் வெற்றியினை தொடர்ந்து இப்படத்தின் அடுத்த பாகம் வெளியாக்கு என்று தகவல்கள் வெளியாகி வந்த நிலையில் இப்படத்தை இயக்குநர் சுந்தர். சி இயக்க உள்ளதாக அறிவிப்புகள் வெளியாகியது.

காரணம் இதுதான்

மூக்குத்தி அம்மன் பாகம் 2 திரைப்படத்தை இயக்குநர் சுந்தர் சி. இயக்க உள்ள நிலையில் இதிலும் நடிகை நயன்தாரா தான் மீண்டும் அம்மனாக நடிக்க உள்ளார். இந்நிலையில் நடிகர் ஆர்.ஜே. பாலாஜி சொர்க்கவாசல் என்ற திரைப்படத்தில் நடித்து தற்போது அந்த திரைப்படம் வருகின்ற நவம்பர் 29ம் தேதி வெளியாக உள்ள நிலையில் அத்திரைப்பட ப்ரோமோஷன் நேர்காணல் ஒன்றில் மூக்குத்தி அம்மன் 2 இயக்காததற்கான காரணத்தைத் தெரிவித்துள்ளார்.

அந்த நேர்காணலில் ” முதலில் நான் மூக்குத்தி அம்மன் 2 திரைப்படத்தை இயக்குவதில் எனக்கு ஆர்வம் இல்லை, சுந்தர் சி அதை இயக்குற ஆர்வத்தில் இருந்தார், எனக்கு அந்த ஐடியா இல்லை என்றும் அதனால் அவருடன் அதைக் கொடுத்தேன், இதையடுத்து தெரிவித்த அவர் மூக்குத்தி அம்மன் இல்லையென்றால் வேறு ஏதாவது திரைப்படத்தை இயக்குவேன் என்றும் , மூக்குத்தி அம்மன் இல்லையென்றால் மாசாணி அம்மன், அதுவும் இல்லை என்றால் 108 அம்மன் பெயர்கள் இருக்கிறது அதில் ஏதாவது ஒரு திரைப்படத்தை இயக்குவேன் என்றும் கூறியுள்ளார்.

ஆர்.ஜே.பாலாஜி சினிமா பயணம்

நடிகர் ஆர்.ஜே.பாலாஜி ஆரம்பக்காலத்தில் ரேடியோ ஜாக்கியாக FMவில் பணிபுரிந்து வந்த இவர் பின் தொலைக்காட்சி ரீயாலிட்டி நிகழ்ச்சிகளான உங்களில் யார் அடுத்த பிரபு தேவா, வைய் திஸ் கொலவெறி போன்ற நிகழ்ச்சிகளின் தொகுப்பாளராக பணிபுரிந்த இவர் தொடர்ந்து திரைப்படங்களில் துணைக் கதாபாத்திரங்களில் நடிக்க ஆரம்பித்தார். பின் நானும் ரவுடிதான் போன்ற திரைப்படத்தில் நகைச்சுவை கதாநாயகனாக பேமஸ் ஆனார்.

இதையும் படிங்க :ஹாப்பி பர்த்டே நயன்தாரா..லேடி சூப்பர் ஸ்டார் பற்றிய சுவாரஸ்ய தகவல்..!

தொடர்ந்து திரைப்படங்களில் நடிப்பதில் ஆர்வம் காட்டி வந்த இவர் வாயை மூடி பேசவும், வடகறி, இது என்ன மாயம், புகழ், இவன் தந்திரன் மற்றும் எல்.ஜி.கே போன்ற திரைப்படங்களில் நடித்துள்ளார். அதிலும் 2019ம் ஆண்டு வெளியான எல்.கே.ஜி. திரைப்படத்தின் மூலமாகத்தான் இவர் கதாநாயகனாக அறிமுகமாகினார். காமெடி கதைக்களத்துடன் வெளியான இந்த திரைப்படத்தில் நடிகை பிரியா ஆனந்த்துடன் இணைந்து நடித்திருந்தார்.

தொடர்ந்து நடிப்பில் ஆர்வம் காட்டி வந்த இவர் மூக்குத்தி அம்மன், வீட்ல விஷேஷம், ரன் பேபி ரன் போனார் திரைப்படங்களில் நடித்து மிகவும் பிரபலமானார். இதிலும் அவர் இயக்கிய மூக்குத்தி அம்மன் திரைப்படம் பயங்கர ஹிட்டானது.

இதையும் படிங்க :‘தைரியம் கொடுத்த சமந்தாவின் அந்த கதாபாத்திரம்’: நடிகை ஐஸ்வர்யா லட்சுமி ஓப்பன் டாக்!

சொர்க்கவாசல்

தற்போது இவர் நடிப்பில் வெளியாக உள்ள சொர்க்கவாசல் திரைப்படத்தை ஒட்டி தொடர்ந்து திரைப்படங்களில் நடித்துவருகிறார். நடிகர் சூர்யாவின் சூர்யா45 திரைப்படத்தை இயக்கி வரும் இவர் அத்திரைப்படத்தினை இயக்குவதில் பிசியாக உள்ளார். இந்த திரைப்படமானது 2025ம் ஆண்டு இறுதியில் வெளியாகும் என்று எதிர்பார்க்கப்படுகிறது.