மகள் திருமணம் முடிந்த ஒரு வாரத்தில் மருத்துவமனையில் அனுமதிக்கப்பட்ட பிரபல நடிகர்
Sonakshi Sinha Father Shatrughan Sinha: மகள் திருமணம் முடிந்து ஒரு வாரம் கூட ஆகாத நிலையில், திடீரென சத்ருவின் சின்ஹா உடல்நலக்குறைவு ஏற்பட்டு மருத்துவமனையில் அனுமதிக்கப்பட்டுள்ளார். 77 வயதாகும் சத்ருகன் சின்ஹா திடீரென மருத்துவமனையில் அனுமதிக்கப்பட்டது பாலிவுட் வட்டாரத்தில் பெரும் பரப்பரப்பை ஏற்படுத்தியுள்ளது.
பிரபல பாலிவுட் நடிகை சோனாக்ஷி சின்ஹாவின் தந்தையும் நடிகருமான சத்ருகன் சின்ஹாவிற்கு திடீரென உடல்நலக்குறைவு ஏற்பட்டதன் காரணமாக மருத்துவமனையில் அனுமதிக்கப்பட்டுள்ளதாக பரபரப்பு தகவல்கள் வெளியாகியுள்ளன. பாலிவுட்டில் முன்னணி நடிகைகளின் பட்டியலில் இருப்பவர் சோனாக்ஷி சின்ஹா. நடிகர் சத்ருகன் சின்ஹாவின் மகளான இவர் தமிழில் இயக்குநர் கே.எஸ்.ரவிக்குமார் இயக்கத்தில் நடிகர் ரஜினிக்கு ஜோடியாக ‘லிங்கா’ படத்தில் நடித்ததன் மூலம் தமிழ் ரசிகர்களின் கவனத்தைப் பெற்றவர். இந்த நிலையில் தனது 7 வருட காதலரை தற்போது கரம் பிடித்துள்ளார் சோனாக்ஷி சின்ஹா. நடிகை சோனாக்ஷி சின்ஹா சுமார் 7 ஆண்டுகளாக பாலிவுட் நடிகர் ஜாகிர் இக்பாலை காதலித்து வருவதாக கிசுகிசுக்கப்பட்டு வந்த நிலையில் கடந்த ஜூன் 23-ம் தேதி திருமணம் செய்து கொண்டார்.
கே.எஸ். ரவிக்குமார் இயக்கத்தில் நடிகர் ரஜினிகாந்த், அனுஷ்கா, சந்தானம், ராதா ரவி உள்ளிட்ட பலர் நடித்த லிங்கா திரைப்படம் கடந்த 2014 ஆம் ஆண்டு வெளியானது. அந்தப் படத்தில் அப்பா ரஜினிக்கு நாயகியாக நடித்திருந்தார் சோனாக்ஷி சின்ஹா. பாலிவுட் நடிகை கிராமத்து பெண்ணாக கலக்கியிருப்பார். படம் பெரிய அளவில் வெற்றி பெறவில்லை என்றாலும் சோனாக்ஷி ஷின்ஹாவின் கதாப்பாத்திரம் மக்களிடையே பேசப்பட்டது. இந்தியில் முன்னணி நடிகையாக வலம் வரும் சோனாக்ஷி சின்ஹா இந்த ஆண்டு ஹீரமண்டி வெப்சீரிஸ் மற்றும் படே மியான் சோட்டே மியான் படத்தில் முக்கிய கதாபாத்திரத்திலும் நடித்திருந்தார்.
Also read… “முயற்சி செய்யாதவனுக்கு தோல்வி கூட கிடைக்காது” – ஒன் 2 ஒன் ட்ரெய்லர் இதோ!
நடிகர்கள் சோனாக்ஷி சின்ஹா மற்றும் ஜாகீர் இக்பால் இருவரும் கடந்த 2022 ஆம் ஆண்டு வெளியான டபுள் எக்ஸ்எல் என்ற திரைப்படத்தில் சேர்ந்து நடித்தனர். அந்த படத்தில் நடிக்கும் போது காதலித்தாக கூறப்படுகிறது. ஆனால் அதற்கு முன் 2020ம் ஆண்டில் இருந்தே இருவரும் டேட்டிங் செய்யத் தொடங்கியதாகவும் ஒருபுறம் கூறப்படுகிறது. படவிழாக்கள், பொது நிகழ்வுகளில் இருவரும் பல இடங்களில் ஒன்றாக காணப்பட்ட போது அவர்களை குறித்து கிசுகிசுகளும் பரவத் தொடங்கியது. இந்நிலையில் கடந்த ஜூன் 23-ம் தேதி அன்று சோனாக்ஷி – ஜாகீர் திருமணம், மிகவும் எளிமையாக சத்ருகன் சின்ஹாவின் வீட்டில் பதிவு திருமணமாக நடந்தது. இந்தப் புகைப்படங்கள் வெளியாகி இணையத்தில் வைரலானது.
மகள் திருமணம் முடிந்து ஒரு வாரம் கூட ஆகாத நிலையில், திடீரென சத்ருவின் சின்ஹா உடல்நலக்குறைவு ஏற்பட்டு மருத்துவமனையில் அனுமதிக்கப்பட்டுள்ளார். 77 வயதாகும் சத்ருகன் சின்ஹா திடீரென மருத்துவமனையில் அனுமதிக்கப்பட்டது பாலிவுட் வட்டாரத்தில் பெரும் பரப்பரப்பை ஏற்படுத்தியுள்ளது.
