‘கங்குவா’ படத்திலிருந்து வெளியானது ’மன்னிப்பு’ வீடியோ பாடல்

நடிகர் சூர்யாவின் ‘கங்குவா’ படத்திலிருந்து வெளியானது ‘மன்னிப்பு’ பாடலின் வீடியோ. சூர்யாவின் நடிப்பில் தற்போது உருவாகி ரசிகர்கள் மத்தியில் பெரும் எதிர்பார்ப்பை ஏற்படுத்திய படம் கங்குவா. இந்த படத்தினை இயக்குநர் சிறுத்தை சிவா இயக்கியுள்ளார். மன்னர் காலக் கதையைக் கொண்டு எடுக்கப்பட்ட இந்த படம்தான் சூர்யாவின் நடிப்பில் அதிக பொருட்செலவில் உருவாக்கப்பட்ட படம் ஆகும். தேவி ஸ்ரீ பிரசாத் இந்த படத்துக்கு இசையமைத்துள்ளார். இப்படத்தில் திஷா பதானி, பாபி தியோல், கோவை சரளா, யோகிபாபு, ரெட்டின் கிங்ஸ்லி, நடராஜன் சுப்பிரமணியன், ஜெகபதி பாபு, கே.எஸ்.ரவிகுமார் உள்ளிட்ட பலர் இணைந்து நடித்துள்ளனர். இந்த நிலையில் கங்குவா படத்தின் ’மன்னிப்பு’ என்று தொடங்கும் இந்தப் பாடலின் வீடியோ தற்போது இணையத்தில் வைரலாகி வருகின்றது.