டோலிவுட்டில் நடிகையாக களமிறங்கும் அதிதி ஷங்கர்..! எந்த திரைப்படத்தில் தெரியுமா?

தமிழ்த் திரைப்படங்களில் பிரபல நடிகையாக இருந்துவரும் அதிதி ஷங்கர் பிரபல இயக்குநர் எஸ்.ஷங்கரின் மகளும் ஆவார். 2022ம் ஆண்டு இயக்குநர் முத்தையா இயக்கத்தில் வெளியான “விருமன்” திரைப்படத்தின் மூலம் நடிகையாக அறிமுகமாகிய இவர் தொடர்ந்து தமிழ் சினிமாவில் அடுத்தடுத்த திரைப்படங்களில் முன்னணி கதாபாத்திரத்தில் நடித்து வருகிறார். இவருக்குச் சிறுவயதிலிருந்து திரைப்படங்களில் நடிப்பதற்கு ஆர்வம் இருந்தாலும் இவரின் பெற்றோரின் ஆசைக்காக இவர் சென்னையில் ஸ்ரீ ராமச்சந்திரா மருத்துவக் கல்லூரியில் மருத்துவ படிப்பைப் படித்துள்ளார். பின் விருமன் திரைப்படத்தின் மூலம் நடிகர் கார்த்திக் உடன் கதாநாயகியாகியாக அறிமுகமான இவருக்கு முதல் திரைப்படத்தில் மக்கள் மத்தியில் கடும் விமர்சனங்கள் ஏற்பட்டது. இந்நிலையிலும் அந்த திரைப்படம் ஓரளவு வரவேற்பைப் பெற்றது. இந்நிலையில் பல திரைப்படங்களில் தொடர்ந்து நடித்துவரும் இவர் தற்போது தமிழில் வெளியான “கருடன்” ரீமேக் திரைப்படமான “பைரவம்” என்ற திரைப்படத்தின் மூலம் தெலுங்கு சினிமாவில் நடிகையாக அறிமுகமாகவுள்ளார்.

தமிழ்த் திரைப்படங்களில் பிரபல இயக்குநராகவும், பாடலாசிரியராகவும் பணியாற்றி வருபவர் ஆர்.எஸ்.துரை செந்தில்குமார் இவர் இயக்கத்திலும் கிராஸ் ரூட் பிலிம் கம்பெனி மற்றும் லார்க் ஸ்டுடியோஸின் கீழ் வெற்றிமாறன் இணைந்து தயாரிப்பில் வெளியான திரைப்படம் கருடன். தமிழ் திரையரங்குகளில் கடந்த மே 31ம் தேதி வெளியான இந்த திரைப்படத்தில் சசிகுமார், சூரி, உன்னி முகுந்தன் என முன்னணி நடிகர்களுடன் ரோஷ்ணி ஹிப்ரியன், ஷிவதா மற்றும் ரேவதி ஷர்மா ஆகியோரின் நடிப்பில் மிகப் பிரம்மாண்டமாக வெளியாகியது.

இதையும் படிங்க:Amaran: அமரன் வெற்றி.. தாறுமாறாக உயர்ந்த சிவகார்த்திகேயன், சாய் பல்லவி சம்பளம்!

தமிழ் சினிமாவில் வெளியான சூரியின் வெற்றி திரைப்படங்களில் இந்த திரைப்படம் முன்னிலை வகிக்கிறது. நடிகர்கள் சசிகுமார் மற்றும் சூரியின் முக்கிய நடிப்பில் வெளியான கருடன் திரைப்படம் விமர்சனம், வசூல், மற்றும் வரவேற்பு வாயிலாக வெளியாகி பிரம்மாண்ட ஹிட் திரைப்படமாக வெற்றி பெற்றது. வெறும் ரூ 20 கோடி பட்ஜெட்டில் உருவான இந்த திரைப்படமானது மொத்த வசூலில் சுமார் 40 கோடிகளுக்கு மேல் வசூல் செய்து பிளாக் பஸ்டர் ஹிட் திரைப்படமாகியது.

தமிழ் சினிமாவின் வெற்றியைத் தொடர்ந்து இந்த திரைப்படம் தெலுங்கிலும் ரீமேக் செய்யப்பட உள்ளது என்று தகவல்கள் வெளியாகி வந்த நிலையில் இப்படத்திற்கு ‘பைரவம்” என்ற டைட்டில் வைக்கவுள்ளதாக அதிகாரப்பூர்வமான தகவல் வெளியாகியது. இதையடுத்து மேலும் இந்த ரீமேக் திரைப்படத்தில் பிரபல நடிகர்கள் பெல்லம் கொண்டா ஸ்ரீனிவாஸ், மஞ்சு மனோஜ், நரா ரோஹித் உள்ளிட்ட நடித்து வருகின்றனர் என்று கூறப்பட்டு வந்த நிலையில் தற்போது நடிகை அதிதி ஷங்கர் இப்படத்தில் முக்கிய கதாநாயகியாக நடிக்க உள்ளார் என்ற அதிகாரப்பூர்வ தகவலைப் படக்குழு வெளியிட்டுள்ளது.

இதையும் படிங்க:ஒரு பாடலுக்கு இத்தனை கோடியா? – புஷ்பா 2 படத்துக்காக ஸ்ரீலீலா பெற்ற சம்பளம்!

இந்த திரைப்படத்தில் அதிதி ஷங்கருடன் இணைந்து, ஆனந்தி, திவ்யா பிள்ளை போன்ற நடிகைகளும் இணைந்து நடித்துவருகின்றனர். தமிழ் சினிமாவில் வெற்றியினை தொடர்ந்து தெலுங்கில் ரீமேக்காகும் இந்த திரைப்படத்தின் படப்பிடிப்பு வேலைகள் வருகின்ற டிசம்பர் மாதத்திற்குள் முடிப்பதற்குத் திட்டமிட்டுள்ளனர். இந்த பைரவம் திரைப்படத்தை “நந்தி” திரைப்படத்தை இயக்கிய தெலுங்கு பிரபல இயக்குநர் விஜய் கனகமெடலா இயக்கி வருகிறார்.

இத்திரைப்படத்தின் படப்பிடிப்பு வேலைகள் தொடர்ந்து நடந்துவருவதால் தற்போது நடிகை அதிதி ஷங்கர் நடிக்கும் கதாபாத்திரத்தின் போஸ்டரை படக்குழு வெளியிட்டுள்ளது. இப்படத்தில் அதிதி ஷங்கர் “வெண்ணிலா” என்ற கதாபாத்திரத்தில் நடிக்க உள்ளதாகவும், இந்த திரைப்படத்தின் மூலம் தெலுங்கு சினிமாவில் அறிமுகமாக உள்ளதாகவும் அந்த போஸ்டரில் இடம் பெற்றுள்ளது.

இதையும் படிங்க:மிரளவைக்கும் திகில் படம்.. ஓடிடியில் மிஸ் பண்ணாம இதை பாருங்க!

இந்த போஸ்டரில் அச்சு அசல் கிராமத்துப் பெண் போல போஸ்டரில் இருக்கிறது. இந்த திரைப்படம் 2025ம் ஆண்டு வெளியாகும் என்று தகவல்கள் வெளியாகி வந்த நிலையில் தற்போது அதிதி சங்கரி அறிமுக போஸ்டரை படக்குழு வெளியிட்டுள்ளது.