Rashmika Mandanna: யாருன்னு எல்லாருக்கும் தெரியும் – காதலர் பற்றி ராஷ்மிகா பேச்சு!
Actress Rashmika Mandanna : கன்னட திரைப்படங்களின் மூலம் நடிகையாகப் பிரபலமானவர்தான் நடிகை ராஷ்மிகா மந்தனா. கன்னடம் மட்டுமில்லாமல் தமிழ், தெலுங்கு, இந்தி எனப் பான் இந்தியா கதாநாயகியாக வலம்வருகிறார். அதைத் தொடர்ந்து தெலுங்கு மற்றும் தமிழ் போன்ற திரைப்படங்களில் முன்னணி நடிகையாக இருந்துவரும் இவர் நடித்துள்ள புஷ்பா 2 டிசம்பர் 5 ஆம் தேதி வெளியாக உள்ளது.
ராஷ்மிகா மந்தனா: தமிழ், தெலுங்கு, கன்னடம் மற்றும் இந்தி என பல மொழி திரைப்படங்களில் முன்னணி கதாநாயகியாக இருந்து வருபவர் நடிகை ராஷ்மிகா மந்தனா. இவர் 2016ம் ஆண்டு வெளியான “கிரிக் பார்ட்டி” என்ற நகைச்சுவை திரைப்படத்தின் மூலம் கன்னட திரைப்படங்களில் கதாநாயகியாக அறிமுகமாகினார். தொடர்ந்து திரைப்படங்களில் நடிப்பதில் மும்முரமாக இறங்கிய இவர் முன்னணி நடிகர்களான விஜய், அபிஷேக் பச்சன், அல்லு அர்ஜுன் போன்ற பிரபலமான நடிகர்களுடன் ஜோடியாக நடித்துப் பல ரசிகர்களின் மனதில் இடம்பிடித்துள்ளார். இவரின் நடிப்பில் தற்போது புஷ்பா 2 திரைப்படம் வருகின்ற டிசம்பர் 5ம் தேதி வெளியாக உள்ளது.
இந்த நிலையில் படத்தின் ப்ரோமோஷன் வேலைகள் விறுவிறுப்பாக நடந்துவருகிறது. இந்நிலையில் நேற்று சென்னையில் நடைபெற்ற ப்ரோமோஷன் நிகழ்ச்சியில் நடிகர் அல்லு அர்ஜுன், ராஷ்மிகா மந்தனா, ஸ்ரீலீலா மற்றும் இயக்குநர் சுகுமார் எனப் பலரும் கலந்துகொண்டனர். இதில் நடிகை தனது காதலைப் பற்றிக் கூறிய தகவல் இணையத்தில் வைரலாகி வருகிறது.
இதையும் படிங்க:புதுப்பேட்டை படத்தில் நடிகை சினேகா நடிக்க யார் காரணம் தெரியுமா?
நேற்று சென்னையில் நடைபெற்ற புஷ்பா 2 திரைப்படம் ப்ரோமோஷன் நிகழ்ச்சியில் கலந்துகொண்ட நடிகை ராஷ்மிகா மந்தனாவிடம் மேடையில் பல கேள்விகள் கேட்கப்பட்டது. அந்த கேள்விகளுக்கு அசால்டாக பதிலளித்த ராஷ்மிகாவிடம் தொடர்ந்து அவரின் காதலரைக் குறித்தும் கேள்விகள் கேட்கப்பட்ட நிலையில் அந்த கேள்விகளுக்கு அவர் ட்ராக்கை மாத்தி பேசி சமாளித்தார்.
தொடர்ந்து கேள்வியைக் கேட்ட தொகுப்பாளர் உங்களின் வருங்கால கணவராக இருக்கப் போகிறவர் சினிமா துறையைச் சேர்ந்தவரா அல்லது வேறு எந்த துறையும் சேர்ந்தவரா என்று கேட்டபோது “எல்லாருக்கும் தெரிந்தது தான்” என நாசுக்காகப் பதிலளித்துள்ளார். நடிகை ராஷ்மிகா கூறிய பதிலினால் இவர் நடிகர் விஜய் தேவரகொண்டா உடன் டேட்டிங் செய்துவருவதாக இணையத்தில் தகவல்கள் பரவி வருகின்றன. இதைத் தொடர்ந்து விஜய் தேவராகொண்டா உடனான காதலைப் பற்றி மறைமுகமாக மேடையில் கூறி இருக்கிறார் என்று பலரும் தெரிவித்துள்ளனர்.
இதையும் படிங்க:தமிழில் தான் பேசுவேன்.. தெலுங்கு ரசிகர்களுக்கு ஷாக் கொடுத்த அல்லு அர்ஜூன்!
ராஷ்மிகா மந்தனா திரைப்பயணம்
இந்நிலையில் ராஷ்மிகா மந்தனா கடந்த 2021ம் ஆண்டு வெளியான புஷ்பா: தி ரைஸ் படத்தில் ஹீரோயினாக நடித்து மிகவும் பிரபலமானார். 2018ம் ஆண்டு வெளியான கீதா கோவிந்தம் திரைப்படத்தின் மூலம் தெலுங்கு சினிமாவில் அறிமுகமான இவர் முதல் திரைப்படத்தின் மூலமாகவே ரசிகர்களிடையே பேசப்பட்டார்.
தொடர்ந்து நடிப்பதில் ஆர்வம் காட்டிய இவர் தமிழ், தெலுங்கு மற்றும் இந்தி போன்ற மொழிகளில் பல படங்களில் நடித்து மிகவும் பிரபலமானார். இதனைத் தொடர்ந்து இவர் நடித்த புஷ்பா தி ரைஸ் வெளியாகிப் பல மொழிகளில் வெற்றி பெற்ற நிலையில் இதன் இரண்டாம் பாகமும் டிசம்பர் 5 ஆம் தேதி வெளியாகும் என்று அறிவிக்கப்பட்டிருந்தது.
இதனைத் தொடர்ந்து இந்த புஷ்பா தி ரூல் திரைப்படத்தின் படப்பிடிப்பு கடந்த 2022ம் ஆண்டு இறுதியில் ஆரம்பிக்கப்பட்டது. மிகப் பிரம்மாண்ட பட்ஜெட்டான சுமார் ரூ.350ல் இருந்து ரூ.400கோடி தயாரிப்பில் உருவாக்கி உள்ளதாக சொல்லப்படுகிறது. இந்த திரைப்படத்தில் நடிகர் அல்லு அர்ஜுன், ரஷ்மிகா மந்தனா, , ஃபஹத் பாசில் , ஜெகபதி பாபு , தனஞ்சயா , ராவ் ரமேஷ் , சுனில் மற்றும் அனசுயா பரத்வாஜ் எனப் பல முன்னணி பிரபலங்கள் இணைந்து நடித்துள்ளனர்.
இதையும் படிங்க:’அமரன்’ படத்தின் ஓடிடி ரிலீஸ் எப்போது? இணையத்தில் வைரலாகும் தகவல்
இந்த திரைப்படத்தின் கதையான பாகம் 1ன் தொடர்ச்சியை அடிப்படையாகக் கொண்டு உருவாக்கி உள்ளது. மிகப் பிரம்மாண்ட திரைப்படமாக அமைந்துள்ள இந்த திரைப்படத்தின் ட்ரெய்லர் வெளியாகிய சில மணி நேரங்களில் பல கோடி பார்வையாளர்களைக் கடந்து சாதனை படைத்துள்ளது. புஷ்பா பாகம் 1 திரைப்படத்தில் சிறப்புப் பாடலுக்கு நடிகை சமந்தாவின் நடனம் மிக வரவேற்பைப் பெற்ற நிலையில் இந்த இரண்டாம் பாகத்தில் சிறப்புப் பாடலுக்கு நடிகை ஸ்ரீலீலா நடனமாடி உள்ளார்.
இந்த “கிஸ்க்கி” என்ற சிறப்புப் பாடல் நேற்று வெளியாகி உள்ள நிலையில் மில்லியன் பார்வையாளர்களைக் கடந்து சாதனை படைத்துள்ளது. தெலுங்கில் மட்டுமில்லாமல் ஒட்டுமொத்த இந்தியாவிலும் பிரம்மாண்ட வரவேற்பைப் பெற்றுள்ளது குறிப்பிடத்தக்கது.
