”எதிர்நீச்சல் சீரியலில் நடிக்க எனக்கு விருப்பமே இல்லை”.. பிரபல நடிகை ஓபன் டாக்!

எதிர்நீச்சல்

2022 பிப்ரவரி மாதம் முதல் இரவு 9.30 மணிக்கு ஒளிபரப்பாகி வரும் சீரியல் எதிர்நீச்சல். இந்த சீரியலில் சத்யப்ரியா, வேல ராமமூர்த்தி, ஹரிப்பிரியா, பிரியதர்ஷினி, கனிகா, மதுமிதா, கமலேஷ் உள்ளிட்ட பலர் நடித்து வருகின்றனர். கோலங்கள் சீரியலுக்கு பிறகு இயக்குநர் திருச்செல்வம் மீண்டும் சன் தொலைக்காட்சியில் எதிர்நீச்சல் சீரியலை இயக்கி வருகிறார். சமூக செயற்பாட்டாளராக ஜீவானந்தம் என்ற கதாபாத்திரத்தில் இயக்குநர் திருச்செல்வம் இந்த சீரியலில் நடித்து வருகிறார்.

ஆணாதிக்கம் மிக்க அண்ணன் – தம்பிகள் தங்கள் வீட்டு பெண்களை எவ்வாறு அடிமைப் படுத்துகிறார்கள் என்பதும், அதை அந்தப் பெண்கள் எதிர்கொண்டு எவ்வாறு மீண்டெழுகிறார்கள் என்பதே எதிர்நீச்சல் சீரியலின் கதைகளம்.

ஜனனியின் அப்பாவின் அண்ணன் மகன்கள் கிருஷ்ணசாமி மெய்யப்பன் ராமசாமி மெய்யப்பன் ஆகிய இருவரும் எதிர்நீச்சலில் புதிய வில்லன்களாக அறிமுகமாகியுள்ள நிலையில் புதிதாக ஜனனியின் அப்பா நாச்சியப்பனின் அம்மாவாக நடிகை டி.கே.கலா நடிக்கிறார். இவர் கில்லி படத்தில் பிரகாஷ்ராஜின் அம்மாவாக நடித்தவர் என்பது குறிப்பிடதக்கது.

Also read… கைதி போல பாடல்களே இல்லாத படத்திற்கு இசையமைக்கும் அனிருத்… ஹீரோ யார் தெரியுமா?

இந்நிலையில் சமீபத்தில் அவர் அளித்த பேட்டி ஒன்றில் எதிர்நீச்சல் சீரியலில் முதலில் நடிக்கும் போது எனக்கு விருப்பம் இல்லாமல் தான் சம்மதம் சொன்னேன். இந்த சீரியலில் நடிக்க எனக்கு ஒரு முக்கியமான நபரிடம் இருந்து அழைப்பு வந்தது, அதை மறுக்க முடியாமல் தான் நான் ஆரம்பத்தில் நடிக்க சென்றேன். எனக்கு சீரியலில் நடிப்பதும் பெரிய அளவில் கஷ்டமாக இல்லை, இயல்பாக இருப்பது போன்று தான் இருக்கிறது என பேசியுள்ளார்.