சாலையோர ஓட்டலில் லஞ்ச் சாப்பிட்ட அல்லு அர்ஜுன்… இணையத்தை கலக்கும் போட்டோ!

மனைவியுடன் அல்லு அர்ஜுன்

நடிகர்கள் அல்லு அர்ஜுன், ராஷ்மிகா மந்தனா, ஃபஹத் ஃபாசில், சுனில் உள்ளிட்டோர் நடித்து கடந்த 2021-ம் ஆண்டு வெளியான படம், ‘புஷ்பா: தி ரைஸ்’. இயக்குநர் சுகுமார் இயக்கிய இந்தப் படத்துக்கு தேவி ஸ்ரீ பிரசாத் இசை அமைத்திருந்தார். வட மாநிலங்களில் இந்தப் படம் பெரும் வெற்றி பெற்றதுடன் ரூ.300 கோடிக்கு அதிகமாக வசூலித்து ஆச்சரியப்படுத்தியது. சமந்தாவின் ‘ஊ சொல்றியா மாமா’ பாடல் பட்டி தொட்டி எங்கும் அதிர்ந்தது. இந்தப் படம் வெற்றி பெற்றதை அடுத்து, இதன் அடுத்த பாகம் இப்போது உருவாகியுள்ளது. ‘புஷ்பா தி ரூல்’ எனப் பெயரிடப்பட்டுள்ள இப்படத்தின் படப்பிடிப்பு இறுதிக்கட்டத்தை எட்டியுள்ளது. ஆக.15-ம் தேதி படம் திரையரங்குகளில் வெளியாகும் என அறிவிக்கப்பட்டுள்ளது.

சமீபத்தில் வெளியான டீசரில், தெலங்கானாவில் பழங்குடி மக்களின் திருவிழாவான ‘ஜடாரா’வுடன் டீசர் தொடங்குகிறது. காதில் தோடு, காலில் சலங்கை, கழுத்தில் மாலை, ஆபரணங்களுடன் சேலை அணிந்து வித்தியாசமான மேக்கப் அப்புடன் புதுவித தோற்றத்தில் காட்சியளிக்கிறார் அல்லு அர்ஜூன். இது இணையத்தில் அதிகமாக பார்க்கப்பட்டது. இதனை தொடர்ந்து படத்தின் முதல் சிங்கிள் வீடியோ கடந்த மே 1-ம் தேதி இணையத்தில் வெளியானது. ‘புஷ்பா புஷ்பா’ என தொடங்கும் அந்த பாடல் ரசிகரக்ள் மத்தியில் கலவையான விமர்சனத்தை பெற்றது.

Also read… பாக்கியலட்சுமி சீரியலில் இருந்து வெளியேறியதும் விஷால் போட்ட இன்ஸ்டா போஸ்ட்… இணையத்தில் வைரலாகும் வீடியோ!

இந்த நிலையில், இப்படத்தின் வெளியீட்டுக்கு முன்பான வணிகம் மிகப்பெரிய அளவில் நடந்து வருகிறது என சினிமா வட்டாரங்களில் தகவல்கள் பரவி வருகின்றது. அந்த வகையில் ஒவ்வொரு மாநில வெளியீட்டு உரிமமும் அதிக தொகைக்கு விற்பனை செய்யப்பட உள்ளதாம். இதுவே, அல்லு அர்ஜுன் படங்களிலேயே அதிக வசூலைக் குவித்த படமாக இருக்கும் என்றும் கணிக்கப்பட்டுள்ளது.

இந்த நிலையில், அல்லு அர்ஜூன் தனது மனைவியுடன் அமர்ந்து சாப்பிடும் புகைப்படம் வைரலாகி வருகிறது. அதில் நடிகர் அல்லு அர்ஜுன் மற்றும் அவரது மனைவி ஸ்னேகா இருவரும் சாதாரண தாபா ஒன்றில் அமர்ந்து சாப்பிடுகின்றனர். இதனை இணையத்தில் பகிர்ந்த அல்லு அர்ஜுனின் ரசிகர்கள் அவர் எவ்வளவு எளிமையாக உள்ளார் என்றும் கமெண்ட் செய்து வருகின்றனர்.