கைதி போல பாடல்களே இல்லாத படத்திற்கு இசையமைக்கும் அனிருத்… ஹீரோ யார் தெரியுமா?

தமிழ் சினிமாவில் முன்னனி இசையமைப்பாளராக வலம் வருபவர் அனிருத். இவர் தனுஷ் நடிப்பில் வெளியான 3 படத்தின் மூலம் இசையமைப்பாளராக அறிமுகமானார். அந்த படத்தில் அமைத்த பாடல்கள் அனைத்தும் மிகப் பெரிய ஹிட் ஆன நிலையில் ரசிகர்கள் மனதில் நீங்காத இடத்தை பிடித்தார்.

அதனை தொடர்ந்து கத்தி, காக்கிச் சட்டை, பிகில், பேட்டை, விக்ரம், ஜெயிலர் என இவர் இசையமைத்த அனைத்து படத்தின் பாடல்களும் சொல்லிவைத்தது போல ஹிட் அடித்தது. அனிருத் இசையில் தமிழ், ஹிந்தி மற்றும் தெலுங்கு ஆகிய மூன்று மொழிகளிலும் பல திரைப்படங்கள் வெளியாகி உள்ளது. பின்னனி பாடகராகவும் பல திரைப்படங்களில் பணியாற்றியுள்ளார். ஜவான் படம் மூலம் இந்தியில் அறிமுகமானார். தற்போது தலைவர் 171 படத்திலும், இந்தியன் 2 படத்திலும் இசையமைத்து வருகிறார்.

Also read… சீதையாக நடிக்கும் சாய் பல்லவி… ராமாயணம் ஷூட்டிங்கில் இருந்து கசிந்த போட்டோஸ்!

இந்த நிலையில் தற்போது தெலுங்கில் விஜய் தேவரகொண்டா நடிக்கும் அவரது 12வது படத்திற்கு இசையமைக்க கமிட்டாகி இருக்கிறார் அனிருத். கவுதம் என்பவர் இயக்கும் இப்படத்தின் படப்பிடிப்பு ஹைதராபாத்தில் நடந்து வருகிறது. ஆனால் இந்த திரைப்படத்தில் பாடல் ஏதும் இடம்பெறாது என்றும், அனிருத்தின் பின்னணி இசையே மிகப்பெரிய முக்கியத்துவம் பெறும் என்றும் அறிவிக்கப்பட்டுள்ளார். தமிழில் வெளியான கைதி படம் போல விறுவிறுப்பான இந்த கதைக்கு பாடல்கள் தேவைப் படாததால் இந்த முடிவை படக்குழு எடுத்துள்ளதாக சொல்லப்படுகிறது.