அட்லீயின் அடுத்த திரைப்படம்.. டூயல் ஹீரோவாக பாலிவுட், கோலிவுட் முன்னணி நடிகர்கள்..!

அட்லீ மற்றும் சல்மான் கான்

தமிழ் சினிமாவில் 2013ம் ஆண்டு வெளியான “ராஜா ராணி” திரைப்படத்தை இயக்கியவர் அட்லீ. இவரின் இயக்கத்தில் வெளியான முதல் திரைப்படம் இவருக்கு வசூல் ரீதியாகவும், விமர்சனங்கள் ரீதியாகவும் பெரும் வரவேற்பை கொடுத்தது. தொடர்ந்து விஜய்,  ஷாருக்கான் போன்ற முன்னணி நடிகர்களை வைத்து திரைப்படங்களை இயக்க ஆரம்பித்தார். இந்நிலையில் இவரின் இயக்கத்தில் கடைசியாக வெளியான “ஜவான்” திரைப்படம் இவருக்குப் பாலிவுட்டிலும் சரி, தமிழ் சினிமாவிலும் சரி பிரமாண்ட வெற்றிப் படமாக அமைந்தது. இந்தத் திரைப்படத்தில் முன்னணி நடிகர்களாக ஷாருக்கான் மற்றும் நயன்தாரா நடித்திருந்தனர். இதைத்தொடர்ந்து பாலிவுட் கதாநாயகர்களைக் கொண்டு திரைப்படங்களை இயக்க ஆரம்பித்த இவர் தற்போது, சல்மான் கான் நடிப்பில் அடுத்த திரைப்படத்தை இயக்க உள்ளார்.

அட்லீயின் இந்தத் திரைப்படம் ஃபேன்டஸி கதைக்களத்துடன் டூயல் ஹீரோக்கள் இந்த திரைப்படத்தில் நடிக்கப் போவதாகக் கூறப்படுகிறது. இதில் தமிழ் பிரபல நடிகர்களான கமல்ஹாசன் மற்றும் சூப்பர் ஸ்டார் ரஜினிகாந்த் இவர்கள் இருவரிடமும் பேச்சுவார்த்தை நடந்து வருவதாகக் கூறப்படுகிறது.

மிகப் பெரிய பட்ஜெட்டில் உருவாகும் இந்த திரைப்படம் கடந்த காலம் மற்றும் நிகழ் காலம் எனச் சுவாரஸ்யமான கதைகளுடன் உருவாகும் என்று கூறப்படுகிறது. பிரபல நடிகர்கள் நடிக்கும் இந்த திரைப்படத்தின் படப்பிடிப்பு வருகின்ற 2025ம் ஆண்டு ஏப்ரல் அல்லது மே மாதம் தொடங்கும் என்று எதிர்பார்க்கப்படுகிறது.

இதையும் படிங்க :மனைவி ஷாலினிக்கு பிறந்த நாள்.. அசத்தல் காரை பரிசளித்த அஜித்!

இயக்குநர் அட்லீயின் சினிமா பயணம்..

தமிழ் சினிமாவில் பிரபல இயக்குநராக இருந்துவருபவர் அட்லீ. ஆரம்பத்தில் இயக்குநர் எஸ். ஷங்கரின் இயக்கத்தில் உருவான திரைப்படங்களில் உதவி இயக்குநராக பணிபுரிந்த இவர் தொடர்ந்து இயக்குநராக மாறும் நோக்கில் திரைப்படங்களை இயக்க ஆரம்பித்தார். எந்திரன் மற்றும் நண்பன் போன்ற திரைப்படங்களில் உதவி இயக்குநராக இருந்துவந்த இவர் முதன் முதலாக இயக்குநராக அறிமுகமாகிய திரைப்படம்தான் ராஜா ராணி.

2013ம் ஆண்டு அட்லீயின் இயக்கத்தில் இயக்குநர் ஏ.ஆர். முருகதாஸ் தயாரிப்பிலும் வெளியான இந்த திரைப்படத்தில் ஆர்யா, நயன்தாரா, நஸ்ரியா ஃபகத், சந்தானம் மற்றும் ஜெய் எனப் பலரும் இணைந்து நடித்திருந்தனர். காதல் காட்சிகளுடன் அசத்தலான கதைக்களத்துடன் வெளியான இந்த திரைப்படம் தமிழ் ரசிகர்களிடையே நல்ல வரவேற்பைப் பெற்றது. தனது முதல் திரைப்படத்தை இயக்கியதன் மூலம் வெற்றி கண்ட இவர் தொடர்ந்து திரைப்படங்களை இயக்க ஆரம்பித்தார்.

இதையும் படிங்க :நடிகை மீனாட்சி சவுத்ரிக்கு திருமணமா? பரவிய தகவல்.. அவரே கொடுத்த விளக்கம்!

பின் விஜய்யின் நடிப்பில் தெறி திரைப்படத்தை இயக்கினார் இப்படம் இவருக்கு பிளாக் பஸ்டர் ஹிட் திரைப்படமாக அமைந்த நிலையில் விஜய்யின் நடிப்பில் தொடர்ந்து மெர்சல் மற்றும் பிகில் என விஜய்யின் காமினேஷனில் மூன்று திரைப்படங்களை இயக்கினார். தான் இயக்கிய திரைப்படங்களின் தொடர் வெற்றியின் காரணமாகப் பிரபல இயக்குநர்களில் ஒருவராக மாற தொடங்கினார்.

ஜவான் திரைப்பட வெற்றி..

பின் இவரின் இயக்கத்தில் பாலிவுட் மற்றும் கோலிவுட் சினிமாவை மையமாகக் கொண்டு பிரம்மாண்டமாக வெளியான திரைப்படம் “ஜவான்”. நடிகர்கள் ஷாருக்கான் மற்றும் நயன்தாரா எனத் தமிழ் மற்றும் இந்தி முன்னணி நடிகர்களை ஒன்றிணைத்து வெளியான இந்த அத்திரைப்படம் உலகளாவிய வசூலில் சுமார் ரூ 1000 கோடிகளுக்கு மேல் வசூல் செய்து பயங்கர வெற்றி திரைப்படமாக அமைந்தது.

இதையும் படிங்க :இங்க யார் போலீஸ்… யார் அக்யூஸ்ட்னு தெரியல.. ஆர்.ஜே.பாலாஜியின் ‘சொர்க்க வாசல்’ ட்ரெய்லர் இதோ!

அட்லீயின் புதிய திரைப்படம் குறித்த அப்டேட் ..

தற்போது இந்த திரைப்படத்தின் வெற்றியைத் தொடர்ந்து நடிகர் சல்மான் கானுடன் இணைந்து அடுத்த திரைப்படத்தை இயக்க உள்ளதாகத் தகவல்கள் வெளியாகி வந்த நிலையில் அந்த திரைப்படத்தில் டூயல் ஹீரோக்கள் நடிக்க உள்ளதாகச் செய்திகள் வெளியாகி வருகிறது.

இந்நிலையில் தமிழ் மற்றும் இந்தி மொழியை அடிப்படையாகக் கொண்டு உருவாகும் இந்த திரைப்படத்தில் நடிகர் சல்மான்கானுடன் இணைந்து கமல்ஹசன் அல்லது ரஜினிகாந்த் நடிக்க இருப்பதாகக் கூறப்படுகிறது. இந்த திரைப்படம் தொடர்பாக இவர்கள் இருவரிடமும் பேச்சுவார்த்தை நடந்துவருவதாகவும் விரைவில் தகவல்கள் வெளியாகும் என்று எதிர்பார்க்கப் படுகிறது.

இதையும் படிங்க :ஓடிடியில் இந்த வாரம் கண்டிப்பாக பார்க்கவேண்டிய திரைப்படங்கள்!