Bigg Boss Tamil Season 8: இந்தவாரம் பிக் பாஸ் வீட்டில் எவிக்ஷன் இல்லை! வைல்ட் கார்ட் என்ட்ரிதான்?
தமிழ் நிகழ்ச்சிகளில் மக்கள் மத்தியில் பெரும் வரவேற்புகளைப் பெற்றுவருவது பிக் பாஸ் நிகழ்ச்சியாகும். கடந்த 7 சீசன்களையும் நடிகர் கமல் தொகுத்துவந்த நிலையில் தற்போது பிக் பாஸ் சீசன் 8 நிகழ்ச்சியை நடிகர் விஜய் சேதுபதி தொகுத்துவருகிறார். இந்நிகழ்ச்சி தொடங்கி 4 வாரங்களான நிலையில் இந்த பிக் பாஸ் வீட்டில் 4வது வாரத் தலைவராக முத்துக்குமாரன் இருந்துவருகிறார். அதனைத் தொடர்ந்து இந்தவார நாமினேஷனில் சுனிதா, ஜாக்குலின், அன்ஷிதா, பவித்ரா, சத்யா, தீபக், ரஞ்சித், ஜெஃப்ரி மற்றும் அருண் என மொத்தம் 9 போட்டியாளர்கள் இந்த வாரம் எவிக்ஷன் லிஸ்டிலில் உள்ளனர். இதனைத் தொடர்ந்து 4வது வார எவிக்ஷனில் யார் வெளியேறுவார் என மக்கள் மத்தியில் எதிர்பார்ப்புகள் எழுந்துவரும் நிலையில் புது அப்டேட் ஒன்று வெளியாகியுள்ளது.
பிக் பாஸ் சீசன் 8
தமிழ் பிக் பாஸ் சீசன் 8 நிகழ்ச்சி தொடங்கி இன்றோடு 28 நாட்களான நிலையில் வார இறுதியான இன்று முதல் ப்ரோமோவை வெளியிட்டுள்ளது. பிக் பாஸ் வீட்டில் 3-வது வாரம் நாமினேஷனில் குறைந்த வாக்குகள் அடிப்படையில் தர்ஷா குப்தா வெளியேற்றப்பட்டார். அதனைத் தொடர்ந்து இந்தவாரம் சுமார் 9 போட்டியாளர்கள் நாமினேஷன் லிஸ்டில் இருக்கின்றனர். தமிழ் ரியாலிட்டி நிகழ்ச்சிகளில் கடந்த 2017ல் இருந்து தமிழ் தொலைக்காட்சியில் ஒளிபரப்பப்பட்டு வரும் நிகழ்ச்சிதான் பிக் பாஸ். தினமும் இரவு 9: 30 முதல் விஜய் டிவியில் ஒளிபரப்பப்படும் இந்த பிக் பாஸ் மக்கள் மத்தியில் மிகவும் பிரபலமான நிகழ்ச்சியாகும். பிக் பாஸ் நிகழ்ச்சி தமிழ் மட்டுமில்லாமல் மலையாளம், இந்தி , தெலுங்கு மற்றும் கன்னடம் போன்ற பல மொழிகளிலும் ஒளிபரப்பாகிவருகிறது.
தமிழில் பிக் பாஸ் சீசன் முதல் சீசன் 7 வரை நடிகர் கமல்ஹாசன் தொகுத்து வழங்கிய நிலையில் தற்போது வெளியாகிவரும் பிக் பாஸ் சீசன் 8 நிகழ்ச்சியை நடிகர் விஜய் சேதுபதி தொகுத்து வழங்கி வருகிறார். இவர் தொகுக்கும் விதம் நடிகர் கமல்ஹாசனை விடவும் நன்றாக இருக்கிறது என்றும், சில மக்கள் கமல் இருந்திருந்தால் இப்போது நன்றாக இருந்திருக்கும் எனக் கலவையான விமர்சனங்களை ஏற்படுத்தி வருகின்றனர்.
தமிழ் விஜய் தொலைக்காட்சியில் கடந்த அக்டோபர் 6 முதல் ஒளிபரப்பப்பட்டு வரும் பிக் பாஸ் சீசன் 8 போட்டியாளர்களாக அன்ஷிதா,அர்னவ், ஆர்.ஜே.ஆனந்தி, ரஞ்சித், சத்யா , பவித்ரா ஜனனி, ரவீந்தர் சந்திரசேகர்,அருண் பிரசாத், வி.ஜே. விஷால், தீபக்,தர்ஷா குப்தா, சுனிதா, தர்ஷிகா, சாச்சனா, ஜெப்ரி, முத்துக்குமார், ஜாக்குலின், செளந்தர்யா என மொத்தம் 18 போட்டியாளர்கள் கலந்து கொண்டனர்.இந்நிலையில் முதல் வாரம் ரவிந்தர், இரண்டாவது வாரம் அர்னவ் மற்றும் மூன்றாவது வாரம் தர்ஷா குப்தா என மூன்று போட்டியாளர்கள் வெளியேற்றப்பட்டுள்ளனர்.
இந்நிலையில் தற்போது பிக் பாஸ் வீட்டில் மொத்தம் 15 போட்டியாளர்கள் மட்டுமே உள்ளனர். மொத்தம் 18 போட்டியாளர்களுடன் ஆரம்பமான இந்த நிகழ்ச்சியில் ரவீந்தர், அர்னவ் மற்றும் தர்ஷா குப்தா எனக் குறைந்த வாக்குகள் அடிப்படையில் வெளியேற்றப்பட்டார். தற்போது இந்தவார நாமினேஷனில் சுனிதா, ஜாக்குலின், அன்ஷிதா, பவித்ரா, சத்யா, தீபக், ரஞ்சித், ஜெஃப்ரி மற்றும் அருண் என மொத்தம் 9 போட்டியாளர்கள் இந்த வாரம் எவிக்ஷன் லிஸ்டிலில் உள்ளனர்.
இதையும் படிங்க :Bigg Boss Tamil Season 8: பிக்பாஸ் வீட்டில் நடந்த பட்டாசு டாஸ்க்… வைரலாகும் வீடியோ
தமிழ் மக்களிடையே எந்த அளவிற்கு வரவேற்புகளைப் பெறுகிறதோ அதைபோல் இந்த நிகழ்ச்சியானது தமிழ், மலையாளம், தெலுங்கு, கன்னடம் மற்றும் இந்தி போன்ற பல மொழிகளில் ஒளிபரப்பாகி வருகிறது. இந்நிகழ்ச்சி மொழிகளின் அடிப்படையில் பல பிரபலங்களைக் கொண்டு தொகுக்கப்பட்டு வருகிறது. இந்தியில் சல்மான்கான், மலையாளத்தில் மோகன் லால், தெலுங்கில் நாகா அர்ஜுனன் மற்றும் தமிழில் மக்கள் செல்வன் விஜய் சேதுபதி எனப் பல திரை பிரபலங்களால் இந்நிகழ்ச்சி தொகுக்கப்பட்டு வருகிறது.
தற்போது தமிழில் ஒளிபரப்பப்பட்டு வரும் பிக் பாஸ் சீசன் 8 நிகழ்ச்சி 4 வாரங்களாலான நிலையில் இந்த வாரம் பிக் பாஸ் வீட்டின் தலைவராக முத்துக்குமாரன் இருந்துவருகிறார். இந்த வாரம் தொடர்ந்து சிவகார்த்திகேயன் மற்றும் கவின் என முன்னணி நடிகர்கள் தங்களின் திரைப்படத்தின் ப்ரோமோஷனிற்காக வந்திருந்தனர். அதனைத் தொடர்ந்து தீபாவளி பண்டிகை மற்றும் வீக்லி டாஸ்க் என இந்தவாரம் அமர்க்களமாக இருந்தது.
இதையும் படிங்க :TVK Vijay: விஜய்க்கு ஆளக்கூடிய தகுதி வந்துவிட்டது.. இயக்குநர் பிரவீன் காந்தி புகழாரம்!
தற்போது வார இறுதியான இன்று பிக் பாஸ் குழு முதல் ப்ரோமோ வீடியோவை வெளியிட்டுள்ளது. இந்நிலையில் தற்போது 15 போட்டியாளர்களுடன் இருக்கும் பிக் பாஸ் வீட்டில் மேலும் இந்தவாரம் வைல்டு கார்டு என்ட்ரி உள்ளதாக கூறப்பட்டுள்ள நிலையில் சுமார் 6 போட்டியாளர்கள் இந்த போட்டியில் இணையுள்ளதாகத் தகவல் வெளியாகிவருகிறது. இதில் ராணவ், டி.எஸ்.கே,மஞ்சரி, வர்ஷினி வெங்கட் மற்றும் சிவாஜி தேவ் எனப் பல போட்டியாளர்கள் வைல்ட் கார்ட் என்ரியாக நுழைய உள்ளனர் எனக் கூறப்படுகிறது. பல சுவாரஸ்ய விஷயங்களுடன் இந்தவாரம் அமையும் என எதிர்பார்க்கப்படுகிறது.
இதையும் படிங்க :Diwali Movies: ஹவுஸ்புல்லாகும் அமரன்.. மற்ற தீபாவளி படங்களின் நிலை என்ன?