Bigg Boss Tamil Season 8: பிக்பாஸில் இந்த வாரம் டபுள் எவிக்ஷனா? யார் அந்த இரண்டு பேர்
இந்த வாரம் நாமினேஷனில் ஜாக்குலின், ஆனந்தி, அன்ஷிதா, மஞ்சரி, ரயான், சாச்சனா, விஷால், சத்யா, ரஞ்சித் மற்றும் சிவக்குமார் ஆகியோர் நாமினேட் ஆகியுள்ளனர். இந்த வாரம் டபுள் எவிக்ஷன் நடக்க உள்ளதாகவும் யார் யார் வெளியேறப்போகிறார்கள் என்பது குறித்த தகவல் வைரலாகி வருகின்றது.
பிக்பாஸ் தமிழ் சீசன் 8 நிகழ்ச்சியில் இந்த வாரம் டபுள் எவிக்ஷன் நடக்க உள்ளதாகவும் யார் யார் வெளியேறப்போகிறார்கள் என்பது குறித்த தகவல் இணையத்தில் வைரலாகி வருகின்றது. கடந்த 7 சீசன்களாக இல்லாத ஒன்றாக இந்த 8-வது சீசனில் பிக்பாஸ் வீடு இரண்டாக பிரிந்து ஆண்கள் மற்றும் பெண்கள் என இரண்டு அணிகளாக விளையாடினர். இந்த சீசனில் பல மாற்றங்கள் கொண்டுவரப்பட்டிருந்தது. இந்திய மொழிகளில் தமிழ், தெலுங்கு, மலையாளம், கன்னடம் மற்றும் இந்தி என பல்வேறு மொழிகளில் நடைபெற்று வரும் இந்த நிகழ்ச்சியில் பல முன்னணி நட்சத்திரங்கள் இதுவரை தொகுத்து வழங்கி வந்துள்ளனர். விஜய் டிவியில் பிக்பாஸ் நிகழ்ச்சி கடந்த 2017-ம் ஆண்டு முதல் ஒளிபரப்பாகி வருகிறது. கடந்த மாதம் 6-ம் தேதி பிக்பாஸ் தமிழ் 8-வது சீசன் தொடங்கியது.
கடந்த 7 சீசன்களாக நடிகர் கமல் ஹாசன் இந்த நிகழ்ச்சியை தொகுத்து வந்த நிலையில் அவர் நிகழ்ச்சியை விட்டு விலகினார். அதன் பிறகு தற்போது விஜய் சேதுபதி இந்த 8-வது சீசனை தொகுத்து வழங்குகிறார். இந்த நிகழ்ச்சியில் ரவீந்தர் சந்திரசேகர், அருண் பிரசாத், அன்ஷிதா, தீபக், தர்ஷிகா, தர்ஷா குப்தா, ஜாக்குலின், முத்துக்குமார், ஜெப்ரி, அர்னவ், ரஞ்சித், பவித்ரா ஜனனி, ஆர்.ஜே.ஆனந்தி, சாச்சனா, சத்யா,சுனிதா, செளந்தர்யா, வி.ஜே. விஷால் என 18 போட்டியாளர்கள் பிக்பாஸ் வீட்டிற்குள் அனுப்பப்பட்டனர்.
மேலும் 6 போட்டியாளர்கள் வைல்ட் கார்ட் என்ட்ரியாக வீட்டிற்குள் அனுப்பப்பட்டனர் கடந்த 3-ம் தேதி அன்று. அதில் ரியா தியாகராஜன், சிவகுமார், ரானவ், மஞ்சரி, ரயான், வர்ஷினி ஆகியவர்கள் பிக்பாஸ் வீட்டிற்குள் போட்டியாளர்களாக களம் இறங்கியுள்ளனர். இதனால் போட்டியின் நிலவரம் சற்று சூடு பிடித்தது.
முதல் வார நாமினேஷனில் இடம் பிடித்த ரவீந்தர் குறைந்த வாக்குகள் பெற்றதன் அடிப்படையில் பிக்பாஸ் வீட்டை விட்டு வெளியேற்றப்பட்டார். அதனைத் தொடர்ந்து இரண்டாவது வார நாமினேஷனில் இடம் பிடித்த அர்னவ் பிக்பாஸ் வீட்டை விட்டு வெளியேற்றப்பட்டார். மூன்றாவது வாரம் தர்ஷாவும் பிக்பாஸ் வீட்டை விட்டு வெளியேற்றப்பட்டார்.
4-வது வாரம் தீபாவளி பண்டிகையை முன்னிட்டு எவிக்ஷன் இல்லை என்று விஜய் சேதுபதி அறிவித்தார். அதனை தொடர்ந்து 5-வது வாரம் சுனிதா குறைவான வாக்குகள் பெற்றதன் அடிப்படையில் பிக்பாஸ் வீட்டை விட்டு வெளியேற்றப்பட்டார். மேலும் கடந்த 6-வது வாரம் வைல்ட் கார்ட் என்ட்ரியாக உள்ளே வந்த ரியா தியாகராஜன் பிக்பாஸ் வீட்டை விட்டு எவிக்ட் ஆனார். இதனை தொடர்ந்து கடந்த 7-வது வாரம் பிக்பாஸ் வீட்டில் இருந்து வர்ஷா வெளியேற்றப்பட்டார்.
Also read… இணையத்தில் கவனம்பெறும் நயன்தாராவின் ‘KARMA SAYS’ இன்ஸ்டா ஸ்டோரி
கடந்த 50 நாட்களாக இரண்டு அணிகளாக பிரிந்து விளையாடி ஆண்கள் மற்றும் பெண்கள் அணியினரை இந்த வாரம் முதல் ஒன்றாக்கி இனி அணிகளுக்கு இடையே போட்டி இல்லை தனி நபர்களுக்கு இடையே போட்டி என்று தற்போது அறிவிக்கப்பட்டுள்ளது. இந்த நிலையில் இந்த வாரம் பிக்பாஸ் வீட்டில் தீபக் கேப்டனாக தேர்வாகியுள்ளார்.
இந்த வாரம் நாமினேஷனில் ஜாக்குலின், ஆனந்தி, அன்ஷிதா, மஞ்சரி, ரயான், சாச்சனா, விஷால், சத்யா, ரஞ்சித் மற்றும் சிவக்குமார் ஆகியோர் நாமினேட் ஆகியுள்ளனர். இதில் இருந்து யார் வெளியேறுவார்கள் என்று இந்த வார இறுதியில் தெரியவரும். இந்த நிலையில் இந்த வாரம் பிக்பாஸ் டாஸ்க்கில் நீயும் பொம்மை நானும் பொம்மை டாஸ்க் வழங்கப்பட்டது.
இதில் போட்டியாளர்களிடையே பல பிரச்னைகள் வெடித்தது. இந்த டாஸ்க் தொடங்கியது முதலே தனித்தனியாக விளையாட போட்டியாளர்களுக்கு வாய்ப்பு வழங்கிய முதல் வாரத்திலேயே கூட்டம் கூட்டமாக இணைந்து இந்த போட்டியில் விளையாடினர். இதனால் பல மோதல்களும் ஏற்பட்டது. இறுதியாக இந்த போட்டியில் ஜெஃப்ரி வெற்றிப் பெற்றார்.
இந்த டாஸ்கில் வெற்றிப்பெற்ற ஜெஃப்ரியை அடுத்த வாரம் யாரும் நாமினேட் செய்யமுடியாது என்று பிக்பாஸ் அறிவித்துள்ளார். இந்த வாரம் நாமினேஷனில் இல்லாத ஜெஃப்ரி அடுத்த வாரமும் நாமினேட் ஆகமாட்டார் என்பதால் கண்டிப்பாக 3 வாரங்கள் அவர் பிக்பாஸ் வீட்டில் இருப்பது உறுதியாகியுள்ளது.
இந்த நிலையில் இந்த வாரம் பிக்பாஸ் வீட்டில் நாமினேஷனில் இடம் பிடித்த போட்டியாளர்களில் ஓட்டிங்கிள் கடைசி மூன்று இடங்களில் சிவக்குமார், ஆனந்தி, சாச்சனா ஆகியோர் இடம் பிடித்துள்ளனர். அதன்படி இந்த வாரம் டபுள் எவிக்ஷன் நடைப்பெற்றால் ஆனந்தி மற்றும் சாச்சனா வெளியேற வாய்ப்பு உள்ளதாக இணையத்தில் தகவல்கள் வைரலாகி வருகின்றது.
