Bigg Boss Tamil Season 8: பிக்பாஸில் இந்த வாரம் வெளியேறப்போவது இவரா? வைரலாகும் தகவல்

பிக்பாஸ் தமிழ் சீசன் 8-ல் இருந்து இந்த வாரம் யார் வெளியேறப்போகிறார் என்பது குறித்த தகவல் தற்போது இணையத்தில் வைரலாகி வருகின்றது. தமிழ், மலையாளம், தெலுங்கு, கன்னடம் மற்றும் இந்தி என பல்வேறு மொழிகளில் இந்த நிகழ்ச்சி நடைபெற்று வருகிறது. இந்த நிகழ்ச்சியை பல முன்னணி நட்சத்திரங்கள் இதுவரை தொகுத்து வழங்கி வந்துள்ளனர். கடந்த 2017 ஆம் ஆண்டு முதல் விஜய் டிவியின் பிக்பாஸ் நிகழ்ச்சி ஒளிபரப்பாகி வருகிறது. கடந்த மாதம் 6-ம் தேதி பிக்பாஸ் தமிழ் 8-வது சீசன் தொடங்கியது. கடந்த 7 சீசன்களாக நடிகர் கமல் ஹாசன் இந்த நிகழ்ச்சியை தொகுத்து வந்த நிலையில் அவர் நிகழ்ச்சியை விட்டு விலகினார். அதன் பிறகு தற்போது விஜய் சேதுபதி இந்த 8-வது சீசனை தொகுத்து வழங்குகிறார்.

இந்த பிக்பாஸ் சீசன் எப்போதும் இல்லாத அளவிற்கு நிறைய மாற்றங்களைப் பெற்றிருந்தது. சீசன் ஆரம்பிக்கும் முதல் நாளே ஆண்கள் மற்றும் பெண்கள் என போட்டியாளர்கள் பிரிக்கப்பட்டனர். பிக்பாஸ் வீட்டிற்கு நடுவே ஒரு கோடு போடபட்டு ஆண்கள் அணியினர் பெண்கள் வீட்டுக்கும், பெண்கள் அணியினர் ஆண்கள் வீட்டுக்கும் போகக்கூடாது என்று தடை போடப்பட்டது.

கடந்த அக்டோபர் மாதம் தொடங்கிய இந்த நிகழ்ச்சியில் ரவீந்தர் சந்திரசேகர், அருண் பிரசாத், அன்ஷிதா, தீபக்,  தர்ஷிகா, தர்ஷா குப்தா, ஜாக்குலின், முத்துக்குமார்,  ஜெப்ரி, அர்னவ், ரஞ்சித், பவித்ரா ஜனனி, ஆர்.ஜே.ஆனந்தி, சாச்சனா, சத்யா,சுனிதா, செளந்தர்யா, வி.ஜே. விஷால் என 18 போட்டியாளர்கள் பிக்பாஸ் வீட்டிற்குள் அனுப்பப்பட்டனர்.

முதல் வார நாமினேஷனில் இடம் பிடித்த ரவீந்தர் குறைந்த வாக்குகள் பெற்றதன் அடிப்படையில் பிக்பாஸ் வீட்டை விட்டு வெளியேற்றப்பட்டார். அதனைத் தொடர்ந்து இரண்டாவது வார நாமினேஷனில் இடம் பிடித்த அர்னவ் குறைந்த வாக்குகள் பெற்றதன் அடிப்படையில் பிக்பாஸ் வீட்டை விட்டு வெளியேற்றப்பட்டார்.

மூன்றாவது வாரம் நாமினேஷனில் இடம் பிடித்த தர்ஷா குறைந்த வாக்குகள் பெற்றதன் அடிப்படையில் பிக்பாஸ் வீட்டை விட்டு வெளியேற்றப்பட்டார். கடந்த வாரம் தீபாவளி பண்டிகையை முன்னிட்டு எவிக்‌ஷன் இல்லை என்று விஜய் சேதுபதி அறிவித்தார். அதனை தொடர்ந்து கடந்த 5-வது வாரம் சுனிதா குறைவான வாக்குகள் பெற்றதன் அடிப்படையில் பிக்பாஸ் வீட்டை விட்டு வெளியேற்றப்பட்டார்.

மேலும் 6 போட்டியாளர்கள் வைல்ட் கார்ட் என்ட்ரியாக வீட்டிற்குள் அனுப்பப்பட்டனர் கடந்த 3-ம் தேதி அன்று. அதில் ரியா தியாகராஜன், சிவகுமார், ரானவ், மஞ்சரி, ரயான், வர்ஷினி ஆகியவர்கள் பிக்பாஸ் வீட்டிற்குள் போட்டியாளர்களாக களம் இறங்கியுள்ளனர். இதனால் போட்டியின் நிலவரம் சற்று சூடு பிடித்தது.

Also read… உன் காதல் வாசம் என் தேகம்  பூசும்… ஹூமா குரேசி லேட்டஸ்ட் போட்டோஸ்

இந்த நிலையில் இந்த வாரத்திற்கான வீட்டு பணி டாஸ்க் கடந்த திங்கள் அன்று நடைப்பெற்றது. அதில் பெண்கள் அணியினர் வெற்றிப்பெற்றனர். இதனால் இந்த வாரம் முழுவதும் வீட்டில் உள்ள அனைத்து வேலைகளையும் ஆண்கள் அணியினர் செய்ய வேண்டும். இதனை தொடர்ந்து வீடு பிக்பாஸ் ரெசிடென்சியல் பள்ளியாக மாறியது.

இதில் கடந்த வாரம் யாரெல்லாம் சரியாக தெரியவில்லை என்று விமர்சனத்திற்கு ஆளானார்களோ அவர்கள் தங்களை பங்களிப்பை சிறப்பாக வெளிப்படுத்தினர். இதில் பெஸ்ட் பர்ஃபாமர்ஸ் என்று ஆண்கள் அணியில் இருந்து விஷால் மற்றும் பெண்கள் அணியில் இருந்து மஞ்சரி தேர்வாகினர்.

இந்த சீசனில் இந்த  வாரமும் ஓபன் நாமினேஷன் பிக்பாஸில் நடைப்பெற்றது. இதனை தொடர்ந்து டைரக்ட் நாமினேஷன் பாஸ் வைத்திருந்த ரானவ் பெண்கள் அணியில் இருந்து சௌந்தர்யாவை நாமினேட் செய்தார். ஜாக்குலின் ஆண்கள் அணியில் இருந்த சிவக்குமாரை நாமினேட் செய்தார்.

Also read… சீரியல் நடிகை சைத்ரா ரெட்டி வீட்டில் நடந்த விசேஷம்… வாழ்த்தும் ரசிகரக்ள்

அதில் ஆண்கள் பெண்களையும் பெண்கள் ஆண்களையும் நாமினேட் செய்ய அறிவுறுத்தப்பட்டது. முன்னதாக கடந்த வாரம் நடைபெற்ற டாஸ்கில் பாம் பெற்ற தீபக் மற்றும் சிறப்பான பங்களிப்பு இல்லை என்று தேர்வான வர்ஷினி மற்றும் முத்துகுமரன் நேரடியாக நாமினேஷனின் இடம் பிடித்தனர்.

அதனைத் தொடர்ந்து நடந்த இந்தவார எவிக்‌ஷன் நாமினேஷனில் இடம் பிடித்தவர்கள் முத்துகுமரன், தீபக், சிவகுமார், சத்யா, ஜெஃப்ரி, ரானவ், வர்ஷினி, ஜாக்குலின், தர்ஷிகா, ரியா, மஞ்சரி, ஜாக்குலின், சௌந்தர்யா மற்றும் சாச்சனா ஆகிய 14 நபர்கள் நாமினேட் ஆகியுள்ளனர்.

இந்த நிலையில் 6-வது வாரத்தில் யார் வெளியேறப்போகிறார்கள் என்பது குறித்த தகவல் இணையத்தில் வெளியாகியுள்ளது. அதன்படி இந்த வாரமும் பெண்கள் அணியில் இருந்து ஒருவர் வெளியேற உள்ளார். அது வைல்ட்கார்ட் என்ட்ரியாக பிக்பாஸ் வீட்டிற்குள் வந்த ரியா வெளியேற உள்ளதாக தகவல்கள் வைரலாகி வருகின்றது.