Bigg Boss Tamil Season 8: பிக்பாஸில் இந்த வாரம் நீயும் பொம்மை நானும் பொம்மை டாஸ்க்… ஆரம்பமே கலேபரமா இருக்கு

விஜய் தொலைக்காட்சியில் ஒளிபரப்பாகும் பிக்பாஸ் தமிழ் சீசன் 8-ன் 51-வது நாளிற்கான புரோமோ வீடியோவைப் நிகழ்ச்சி குழு வெளியிட்டுள்ளது. கடந்த 7 சீசன்களாக இல்லாத ஒன்றாக இந்த 8-வது சீசனில் பிக்பாஸ் வீடு இரண்டாக பிரிந்து ஆண்கள் மற்றும் பெண்கள் என இரண்டு அணிகளாக விளையாடினர். இந்த சீசனில் பல மாற்றங்கள் கொண்டுவரப்பட்டிருந்தது. கடந்த 50 நாட்களாக இரண்டு அணிகளாக பிரிந்து விளையாடி ஆண்கள் மற்றும் பெண்கள் அணியினரை இந்த வாரம் முதல் ஒன்றாக்கி இனி அணிகளுக்கு இடையே போட்டி இல்லை தனி நபர்களுக்கு இடையே போட்டி என்று தற்போது அறிவிக்கப்பட்டுள்ளது. இந்த நிலையில் இந்த வாரம் பிக்பாஸ் வீட்டில் தீபக் கேப்டனாக தேர்வாகியுள்ளார். நேற்று இவரது கேப்டன்சியை பார்த்த பிக்பாஸ் இதுவரை எந்த சீசனிலும் இப்படி ஒரு கேப்டனை பார்த்தது இல்லை என்று பாராட்டியுள்ளார்.

இந்திய மொழிகளில் தமிழ், தெலுங்கு, மலையாளம், கன்னடம் மற்றும் இந்தி என பல்வேறு மொழிகளில் நடைபெற்று வரும் இந்த நிகழ்ச்சியில் பல முன்னணி நட்சத்திரங்கள் இதுவரை தொகுத்து வழங்கி வந்துள்ளனர். விஜய் டிவியில் பிக்பாஸ் நிகழ்ச்சி கடந்த 2017-ம் ஆண்டு முதல் ஒளிபரப்பாகி வருகிறது.

கடந்த மாதம் 6-ம் தேதி பிக்பாஸ் தமிழ் 8-வது சீசன் தொடங்கியது. கடந்த 7 சீசன்களாக நடிகர் கமல் ஹாசன் இந்த நிகழ்ச்சியை தொகுத்து வந்த நிலையில் அவர் நிகழ்ச்சியை விட்டு விலகினார். அதன் பிறகு தற்போது விஜய் சேதுபதி இந்த 8-வது சீசனை தொகுத்து வழங்குகிறார்.

இந்த நிகழ்ச்சியில் ரவீந்தர் சந்திரசேகர், அருண் பிரசாத், அன்ஷிதா, தீபக்,  தர்ஷிகா, தர்ஷா குப்தா, ஜாக்குலின், முத்துக்குமார்,  ஜெப்ரி, அர்னவ், ரஞ்சித், பவித்ரா ஜனனி, ஆர்.ஜே.ஆனந்தி, சாச்சனா, சத்யா,சுனிதா, செளந்தர்யா, வி.ஜே. விஷால் என 18 போட்டியாளர்கள் பிக்பாஸ் வீட்டிற்குள் அனுப்பப்பட்டனர்.

மேலும் 6 போட்டியாளர்கள் வைல்ட் கார்ட் என்ட்ரியாக வீட்டிற்குள் அனுப்பப்பட்டனர் கடந்த 3-ம் தேதி அன்று. அதில் ரியா தியாகராஜன், சிவகுமார், ரானவ், மஞ்சரி, ரயான், வர்ஷினி ஆகியவர்கள் பிக்பாஸ் வீட்டிற்குள் போட்டியாளர்களாக களம் இறங்கியுள்ளனர். இதனால் போட்டியின் நிலவரம் சற்று சூடு பிடித்தது.

முதல் வார நாமினேஷனில் இடம் பிடித்த ரவீந்தர் குறைந்த வாக்குகள் பெற்றதன் அடிப்படையில் பிக்பாஸ் வீட்டை விட்டு வெளியேற்றப்பட்டார். அதனைத் தொடர்ந்து இரண்டாவது வார நாமினேஷனில் இடம் பிடித்த அர்னவ் பிக்பாஸ் வீட்டை விட்டு வெளியேற்றப்பட்டார். மூன்றாவது வாரம் தர்ஷாவும் பிக்பாஸ் வீட்டை விட்டு வெளியேற்றப்பட்டார்.

Also read… ஏ ஆர் ரகுமான் எனக்கு அப்பா மாதிரி… மோகினி டே ஓபன் டாக்!

4-வது வாரம் தீபாவளி பண்டிகையை முன்னிட்டு எவிக்‌ஷன் இல்லை என்று விஜய் சேதுபதி அறிவித்தார். அதனை தொடர்ந்து 5-வது வாரம் சுனிதா குறைவான வாக்குகள் பெற்றதன் அடிப்படையில் பிக்பாஸ் வீட்டை விட்டு வெளியேற்றப்பட்டார். மேலும் கடந்த 6-வது வாரம் வைல்ட் கார்ட் என்ட்ரியாக உள்ளே வந்த ரியா தியாகராஜன் பிக்பாஸ் வீட்டை விட்டு எவிக்ட் ஆனார்.

இதனை தொடர்ந்து கடந்த 7-வது வாரம் பிக்பாஸ் வீட்டில் இருந்து வர்ஷா வெளியேற்றப்பட்டார். வாரம் முழுவதும் குறைவான வாக்குகள் பெற்றது சாச்சனா தான் வெளியேறுவார் என்று பார்வையாளர்கள் எதிர்பார்த்திருந்த நிலையில் வர்ஷா வெளியேறியது ரசிகர்களிடையே அதிர்ச்சியை ஏற்படுத்தியது.

Also read… நியூ லுக்கில் நடிகை பார்வதி… வைரலாகும் போட்டோஸ்!

இந்த நிலையில் இந்த வாரம் பிக்பாஸ் வீட்டில் தீபக் கேப்டனாக தேர்வாகியுள்ளார். மேலும் வீட்டில் ஆண்கள் பெண்கள் என இல்லை அனைவரும் தனித்தனியாக விளையாட வேண்டும் என்று அறிவுறுத்தப்பட்ட நிலையில் யார் யாரை வேண்டுமானாலும் நாமினேட் செய்யலாம் என்றும் தெரிவிக்கப்பட்டது.

இதனை தொடர்ந்து இந்த வாரம் நாமினேஷனில் ஜாக்குலின், ஆனந்தி, அன்ஷிதா, மஞ்சரி, ரயான், சாச்சனா, விஷால், சத்யா, ரஞ்சித் மற்றும் சிவக்குமார் ஆகியோர் நாமினேட் ஆகியுள்ளனர். இதில் இருந்து யார் வெளியேறுவார்கள் என்று இந்த வார இறுதியில் தெரியவரும்.

இந்த நிலையில் இந்த வாரம் பிக்பாஸ் டாஸ்க்கில் நீயும் பொம்மை நானும் பொம்மை டாஸ்க் வழங்கப்பட்டுள்ளது. அது தொடர்பான வீடியோ இன்று வெளியாகியுள்ளது. முந்தைய சீசனை போலவே இந்த சீசனிலும் யார் ஜெயிக்க கூடாது என நினைக்கிறார்களோ அவர்களது பொம்மையை வேண்டும் என்றே எடுத்துவைத்துக் கொள்கின்றனர். இதனால் வீட்டில் சண்டை ஏற்படுவது போன்ற வீடியோ வெளியாகியுள்ளது.