Bigg Boss Tamil Season 8: பிக்பாஸ் வீட்டில் வெடித்த பிரச்சனை… மோதிக்கொள்ளும் ஆண்கள் மற்றும் பெண்கள்
இந்தவார எவிக்ஷன் நாமினேஷனில் இடம் பிடித்தவர்கள் முத்துகுமரன், தீபக், அருண், ரஞ்சித், விஷால் ஆகிய ஐந்து பேர் ஆண்கள் அணியிலிருந்தும் ஜாக்குலின், பவித்ரா ஜனனி, ஆர்.ஜே.ஆனந்தி, அன்ஷிதா, சாச்சனா மற்றும் சுனிதா ஆகிய 6 பேர் பெண்கள் அணியில் இருந்தும் நாமினேட் ஆகியுள்ளனர். இதிலிருந்து ஒருவர் கட்டாயம் இந்த வீட்டை விட்டு வரும் வாரம் வெளியேருவார்கள். மேலும் இந்த வார ஸ்வாப்பில் ஆண்கள் அணியில் இருந்து ரானவ் பெண்கள் அணிக்கும் பெண்கள் அணியில் இருந்து ஜாக்குலின் ஆண்கள் அணிக்கும் இடம் மாறியுள்ளனர்.
பிக்பாஸ்
பிக்பாஸ் தமிழ் சீசன் 8-ன் 30-வது நாளிற்கான முதல் ப்ரோமோ வீடியோவை நிகழ்ச்சி குழு வெளியிட்டுள்ளது. தமிழ், தெலுங்கு, மலையாளம், கன்னடம் மற்றும் இந்தி என பல்வேறு மொழிகளில் நடைபெற்று வரும் இந்த நிகழ்ச்சியில் பல முன்னணி நட்சத்திரங்கள் இதுவரை தொகுத்து வழங்கி வந்துள்ளனர். விஜய் டிவியின் பிக்பாஸ் நிகழ்ச்சி கடந்த 2017 ஆம் ஆண்டு முதல் ஒளிபரப்பாகி வருகிறது. கடந்த 6-ம் தேதி பிக்பாஸ் தமிழ் 8-வது சீசன் தொடங்கியது. இதில், ரவீந்தர் சந்திரசேகர், அருண் பிரசாத், அன்ஷிதா, தீபக், தர்ஷிகா, தர்ஷா குப்தா, ஜாக்குலின், முத்துக்குமார், ஜெப்ரி, அர்னவ், ரஞ்சித், பவித்ரா ஜனனி, ஆர்.ஜே.ஆனந்தி, சாச்சனா, சத்யா,சுனிதா, செளந்தர்யா, வி.ஜே. விஷால் என 18 போட்டியாளர்கள் பிக்பாஸ் வீட்டிற்குள் அனுப்பப்பட்டனர். கடந்த 7 சீசன்களாக நடிகர் கமல் ஹாசன் இந்த நிகழ்ச்சியை தொகுத்து வந்த நிலையில் அவர் நிகழ்ச்சியை விட்டு விலகிய பிறகு தற்போது விஜய் சேதுபதி இந்த 8-வது சீசனை தொகுத்து வழங்குகிறார்.
முதல் வார நாமினேஷனில் இடம் பிடித்த ரவீந்தர் குறைந்த வாக்குகள் பெற்றதன் அடிப்படையில் பிக்பாஸ் வீட்டை விட்டு வெளியேற்றப்பட்டார். அதனைத் தொடர்ந்து இரண்டாவது வார நாமினேஷனில் இடம் பிடித்த அர்னவ் குறைந்த வாக்குகள் பெற்றதன் அடிப்படையில் பிக்பாஸ் வீட்டை விட்டு வெளியேற்றப்பட்டார். மூன்றாவது வாரம் நாமினேஷனில் இடம் பிடித்த தர்ஷா குறைந்த வாக்குகள் பெற்றதன் அடிப்படையில் பிக்பாஸ் வீட்டை விட்டு வெளியேற்றப்பட்டார். கடந்த வாரம் தீபாவளி பண்டிகையை முன்னிட்டு எவிக்ஷன் இல்லை என்று விஜய் சேதுபதி அறிவித்தார்.
மேலும் முன்னதாக 15 போட்டியாளர்கள் பிக்பாஸ் வீட்டில் இருந்த நிலையில் மேலும் 6 போட்டியாளர்கள் வைல்ட் கார்ட் என்ட்ரியாக வீட்டிற்குள் அனுப்பப்பட்டனர் கடந்த ஞாயிறு அன்று. அதில் ரியா தியாகராஜன், சிவகுமார், ரானவ், மஞ்சரி, ராயன், வர்ஷினி ஆகியவர்கள் பிக்பாஸ் வீட்டிற்குள் போட்டியாளர்களாக களம் இறங்கியுள்ளனர்.
Also read… சிவப்பு நிற உடையில் கலக்கும் நடிகை ஹன்சிகாவின் நியூ ஆல்பம்!
மேலும் இந்த வாரத்திற்கான பிக்பாஸ் கேப்டனாக சத்யா தேர்வாகியுள்ளார். இந்த சீசனில் நேற்று முதல் முறையாக ஓபன் நாமினேஷன் பிக்பாஸில் நடைப்பெற்றது. அதில் புதிதாக வீட்டிற்குள் வந்தவர்களை நாமினேட் செய்ய முடியாது என்று பிக்பாஸ் அறிவித்த பிறகு ஆண்கள் பெண்களையும் பெண்கள் ஆண்களையும் நாமினேட் செய்ய அறிவுறுத்தப்பட்டது. இதில் டைரக்ட் நாமினேஷ்ன் பாஸ் வைத்திருந்த விஷால் பெண்கள் அணியில் இருந்து ஜாக்குலினை நாமினேட் செய்தார். சௌந்தர்யா ஆண்கள் அணியில் இருந்த விஷாலை நாமினேட் செய்தார்.
அதனைத் தொடர்ந்து நடந்த இந்தவார எவிக்ஷன் நாமினேஷனில் இடம் பிடித்தவர்கள் முத்துகுமரன், தீபக், அருண், ரஞ்சித், விஷால் ஆகிய ஐந்து பேர் ஆண்கள் அணியிலிருந்தும் ஜாக்குலின், பவித்ரா ஜனனி, ஆர்.ஜே.ஆனந்தி, அன்ஷிதா, சாச்சனா மற்றும் சுனிதா ஆகிய 6 பேர் பெண்கள் அணியில் இருந்தும் நாமினேட் ஆகியுள்ளனர். இதிலிருந்து ஒருவர் கட்டாயம் இந்த வீட்டை விட்டு வரும் வாரம் வெளியேருவார்கள். மேலும் இந்த வார ஸ்வாப்பில் ஆண்கள் அணியில் இருந்து ரானவ் பெண்கள் அணிக்கும் பெண்கள் அணியில் இருந்து ஜாக்குலின் ஆண்கள் அணிக்கும் இடம் மாறியுள்ளனர்.
இந்த நிலையில் நேற்று பிக்பாஸ் வீட்டில் டாஸ்க் வழங்குவது தொடர்பாக பெண்கள் அணியினருக்கும் ஆண்கள் அணியினருக்கும் இடையே சலசலப்பு ஏற்பட்டது. அந்த பிரச்சனைக்கு தீர்வு எட்டாமலே நேற்றைய எபிசோட் முடிவடைந்த நிலையில் இன்றும் அதே பிரச்சனை நீழ்வது பிக்பாஸ் குழு வெளியிட்ட ப்ரோமோ வீடியோ மூலம் தெரியவந்துள்ளது. இன்று வெளியான ப்ரோமோ வீடியோவிலும் அதே சண்டை நடப்பது தெளிவாகியுள்ளது.