Bigg Boss Tamil Season 8: பள்ளிக்கூடமாக மாறிய பிக்பாஸ் வீடு… அட்டகாசம் பன்னும் போட்டியாளர்கள்

பிக்பாஸ் தமிழ் சீசன் 8-ன் 37-வது நாளிற்கான முதல் ப்ரோமோ வீடியோவை நிகழ்ச்சி குழு வெளியிட்டுள்ளது. கடந்த மாதம் 6-ம் தேதி பிக்பாஸ் தமிழ் 8-வது சீசன் தொடங்கியது. இதில், ரவீந்தர் சந்திரசேகர், அருண் பிரசாத், அன்ஷிதா, தீபக்,  தர்ஷிகா, தர்ஷா குப்தா, ஜாக்குலின், முத்துக்குமார்,  ஜெப்ரி, அர்னவ், ரஞ்சித், பவித்ரா ஜனனி, ஆர்.ஜே.ஆனந்தி, சாச்சனா, சத்யா,சுனிதா, செளந்தர்யா, வி.ஜே. விஷால் என 18 போட்டியாளர்கள் பிக்பாஸ் வீட்டிற்குள் அனுப்பப்பட்டனர். மேலும் 6 போட்டியாளர்கள் வைல்ட் கார்ட் என்ட்ரியாக வீட்டிற்குள் அனுப்பப்பட்டனர் கடந்த 3-ம் தேதி அன்று. அதில் ரியா தியாகராஜன், சிவகுமார், ரானவ், மஞ்சரி, ரயான், வர்ஷினி ஆகியவர்கள் பிக்பாஸ் வீட்டிற்குள் போட்டியாளர்களாக களம் இறங்கியுள்ளனர். இதனால் போட்டியின் நிலவரம் சற்று சூடு பிடித்தது.

தமிழ், தெலுங்கு, மலையாளம், கன்னடம் மற்றும் இந்தி என பல்வேறு மொழிகளில் நடைபெற்று வரும் இந்த நிகழ்ச்சியில் பல முன்னணி நட்சத்திரங்கள் இதுவரை தொகுத்து வழங்கி வந்துள்ளனர். கடந்த 7 சீசன்களாக நடிகர் கமல் ஹாசன் இந்த நிகழ்ச்சியை தொகுத்து வந்த நிலையில் அவர் நிகழ்ச்சியை விட்டு விலகினார்.

அதன் பிறகு தற்போது விஜய் சேதுபதி இந்த 8-வது சீசனை தொகுத்து வழங்குகிறார். விஜய் டிவியின் பிக்பாஸ் நிகழ்ச்சி கடந்த 2017 ஆம் ஆண்டு முதல் ஒளிபரப்பாகி வருகிறது. கடந்த மாதம் 6-ம் தேதி பிக்பாஸ் தமிழ் 8-வது சீசன் தொடங்கியது.

முதல் வார நாமினேஷனில் இடம் பிடித்த ரவீந்தர் குறைந்த வாக்குகள் பெற்றதன் அடிப்படையில் பிக்பாஸ் வீட்டை விட்டு வெளியேற்றப்பட்டார். அதனைத் தொடர்ந்து இரண்டாவது வார நாமினேஷனில் இடம் பிடித்த அர்னவ் குறைந்த வாக்குகள் பெற்றதன் அடிப்படையில் பிக்பாஸ் வீட்டை விட்டு வெளியேற்றப்பட்டார்.

மூன்றாவது வாரம் நாமினேஷனில் இடம் பிடித்த தர்ஷா குறைந்த வாக்குகள் பெற்றதன் அடிப்படையில் பிக்பாஸ் வீட்டை விட்டு வெளியேற்றப்பட்டார். கடந்த வாரம் தீபாவளி பண்டிகையை முன்னிட்டு எவிக்‌ஷன் இல்லை என்று விஜய் சேதுபதி அறிவித்தார். அதனை தொடர்ந்து கடந்த 5-வது வாரம் சுனிதா குறைவான வாக்குகள் பெற்றதன் அடிப்படையில் பிக்பாஸ் வீட்டை விட்டு வெளியேற்றப்பட்டார்.

Also read… 10 நாட்களில் துல்கரின் ‘லக்கி பாஸ்கர்’ படம் வசூல் செய்தது எவ்வளவு தெரியுமா?

மேலும் இந்த வாரத்திற்கான பிக்பாஸ் கேப்டனாக அருண் பிரசாத் தேர்வாகியுள்ளார். இந்த சீசனில் இந்த  வாரமும் ஓபன் நாமினேஷன் பிக்பாஸில் நடைப்பெற்றது. அதில் ஆண்கள் பெண்களையும் பெண்கள் ஆண்களையும் நாமினேட் செய்ய அறிவுறுத்தப்பட்டது. முன்னதாக கடந்த வாரம் நடைபெற்ற டாஸ்கில் பாம் பெற்ற தீபக் மற்றும் சிறப்பான பங்களிப்பு இல்லை என்று தேர்வான வர்ஷினி மற்றும் முத்துகுமரன் நேரடியாக நாமினேஷனின் இடம் பிடித்தனர்.

இதனை தொடர்ந்து டைரக்ட் நாமினேஷன் பாஸ் வைத்திருந்த ரானவ் பெண்கள் அணியில் இருந்து சௌந்தர்யாவை நாமினேட் செய்தார். ஜாக்குலின் ஆண்கள் அணியில் இருந்த சிவக்குமாரை நாமினேட் செய்தார். அதனைத் தொடர்ந்து நடந்த இந்தவார எவிக்‌ஷன் நாமினேஷனில் இடம் பிடித்தவர்கள் முத்துகுமரன், தீபக், சிவகுமார், சத்யா, ஜெஃப்ரி, ரானவ், வர்ஷினி, ஜாக்குலின், தர்ஷா, ரியா, மஞ்சரி, ஜாக்குலின், சௌந்தர்யா மற்றும் சாச்சனா ஆகிய 14 நபர்கள் நாமினேட் ஆகியுள்ளனர்.

Also read… பிரதர் படத்திலிருந்து வெளியான “ஸ்னீக் பீக்” வீடியோ!

அதனை தொடர்ந்து இந்த வாரம் ஆண்கள் அணியில் இருந்த ரயான் பெண்கள் அணிக்கும், பெண்கள் அணியில் இருந்து அன்ஷிதா ஆண்கள் அணிக்கும் ஸ்வாப் ஆகியுள்ளனர். இந்த நிலையில் நேற்று நடைப்பெற்ற பட்ஜெட் டாஸ்கில் ஆண்கள் அணியினர் 4000 பிபி கரெண்சியையும், பெண்கள் அணியினர் 8000 பிபி கரெண்சியையும் போட்டியில் வெண்றனர். பின்னர் ஷாப்பிங் நேரத்திலும் அவர்கள் வென்ற பணத்தில் ஷாப்பிங் செய்ததால் அவர்கள் செய்த ஷாப்பிங் பொருட்கள் அனைத்தும் முழுவதுமாக அனுப்பப்பட்டது.

இந்த நிலையில் இன்று 37-வது நாளிற்கான முதல் ப்ரோமோ வீடியோவை பிக்பாஸ் நிகழ்ச்சி குழு வெளியிட்டுள்ளது. அதில் இந்த வாரம் பிக்பாஸ் வீடு பிக்பாஸ் ரெசிடென்சியல் ஸ்கூலாக மாறியுள்ளது. இதில் வர்ஷினி, அருண், மஞ்சரி, ஜெஃப்ரி, ஜாக்குலின் ஆகியோர் ஆசிரியர்களாகவும் மற்ற போட்டியாளர்கள் மாணவர்களாகவும் உள்ள்னர்.

இந்த வீடியோ தற்போது வெளியாகியுள்ளது. இதனால் இந்த வாரம் முழுவதும் பிக்பாஸ் வீடு அதகலமாக இருக்கும் என்று எதிர்பார்க்கப்படுகின்றது.