Bigg Boss Tamil Season 8: பிக்பாஸ் டாஸ்கில் வன்மத்தை கொட்டிய ஜாக்குலின் – கேள்வி கேட்ட விஜய் சேதுபதி

விஜய் டிவியில் ஒளிபரப்பாகும் பிக்பாஸ் தமிழ் சீசன் 8-ன் 42-வது நாளிற்கான முதல் ப்ரோமோ வீடியோவை நிகழ்ச்சி குழு வெளியிட்டுள்ளது. கடந்த மாதம் 6-ம் தேதி பிக்பாஸ் தமிழ் 8-வது சீசன் தொடங்கியது. இந்த நிகழ்ச்சியில் ரவீந்தர் சந்திரசேகர், அருண் பிரசாத், அன்ஷிதா, தீபக்,  தர்ஷிகா, தர்ஷா குப்தா, ஜாக்குலின், முத்துக்குமார்,  ஜெப்ரி, அர்னவ், ரஞ்சித், பவித்ரா ஜனனி, ஆர்.ஜே.ஆனந்தி, சாச்சனா, சத்யா,சுனிதா, செளந்தர்யா, வி.ஜே. விஷால் என 18 போட்டியாளர்கள் பிக்பாஸ் வீட்டிற்குள் அனுப்பப்பட்டனர். மேலும் 6 போட்டியாளர்கள் வைல்ட் கார்ட் என்ட்ரியாக வீட்டிற்குள் அனுப்பப்பட்டனர் கடந்த 3-ம் தேதி அன்று. அதில் ரியா தியாகராஜன், சிவகுமார், ரானவ், மஞ்சரி, ரயான், வர்ஷினி ஆகியவர்கள் பிக்பாஸ் வீட்டிற்குள் போட்டியாளர்களாக களம் இறங்கியுள்ளனர். இதனால் போட்டியின் நிலவரம் சற்று சூடு பிடித்தது.

விஜய் டிவியின் பிக்பாஸ் நிகழ்ச்சி கடந்த 2017 ஆம் ஆண்டு முதல் ஒளிபரப்பாகி வருகிறது. கடந்த மாதம் 6-ம் தேதி பிக்பாஸ் தமிழ் 8-வது சீசன் தொடங்கியது. கடந்த 7 சீசன்களாக நடிகர் கமல் ஹாசன் இந்த நிகழ்ச்சியை தொகுத்து வந்த நிலையில் அவர் நிகழ்ச்சியை விட்டு விலகினார்.

அதன் பிறகு தற்போது விஜய் சேதுபதி இந்த 8-வது சீசனை தொகுத்து வழங்குகிறார். தமிழ், தெலுங்கு, மலையாளம், கன்னடம் மற்றும் இந்தி என பல்வேறு மொழிகளில் நடைபெற்று வரும் இந்த நிகழ்ச்சியில் பல முன்னணி நட்சத்திரங்கள் இதுவரை தொகுத்து வழங்கி வந்துள்ளனர்.

முதல் வார நாமினேஷனில் இடம் பிடித்த ரவீந்தர் குறைந்த வாக்குகள் பெற்றதன் அடிப்படையில் பிக்பாஸ் வீட்டை விட்டு வெளியேற்றப்பட்டார். அதனைத் தொடர்ந்து இரண்டாவது வார நாமினேஷனில் இடம் பிடித்த அர்னவ் குறைந்த வாக்குகள் பெற்றதன் அடிப்படையில் பிக்பாஸ் வீட்டை விட்டு வெளியேற்றப்பட்டார்.

மூன்றாவது வாரம் நாமினேஷனில் இடம் பிடித்த தர்ஷா குறைந்த வாக்குகள் பெற்றதன் அடிப்படையில் பிக்பாஸ் வீட்டை விட்டு வெளியேற்றப்பட்டார். கடந்த வாரம் தீபாவளி பண்டிகையை முன்னிட்டு எவிக்‌ஷன் இல்லை என்று விஜய் சேதுபதி அறிவித்தார். அதனை தொடர்ந்து கடந்த 5-வது வாரம் சுனிதா குறைவான வாக்குகள் பெற்றதன் அடிப்படையில் பிக்பாஸ் வீட்டை விட்டு வெளியேற்றப்பட்டார்.

Also read… நடிகை டாப்ஸி பன்னுவின் பியூட்டிஃபுல் ஆல்பம் இதோ!

இந்த வாரத்திற்கான பிக்பாஸ் கேப்டனாக அருண் பிரசாத் தேர்வாகியுள்ளார். அதனை தொடர்ந்து இந்த வாரம் ஆண்கள் அணியில் இருந்த ரயான் பெண்கள் அணிக்கும், பெண்கள் அணியில் இருந்து அன்ஷிதா ஆண்கள் அணிக்கும் ஸ்வாப் ஆகியுள்ளனர்.

இந்த சீசனில் இந்த  வாரமும் ஓபன் நாமினேஷன் பிக்பாஸில் நடைப்பெற்றது. இதனை தொடர்ந்து டைரக்ட் நாமினேஷன் பாஸ் வைத்திருந்த ரானவ் பெண்கள் அணியில் இருந்து சௌந்தர்யாவை நாமினேட் செய்தார். ஜாக்குலின் ஆண்கள் அணியில் இருந்த சிவக்குமாரை நாமினேட் செய்தார்.

அதனைத் தொடர்ந்து நடந்த இந்தவார எவிக்‌ஷன் நாமினேஷனில் இடம் பிடித்தவர்கள் முத்துகுமரன், தீபக், சிவகுமார், சத்யா, ஜெஃப்ரி, ரானவ், வர்ஷினி, ஜாக்குலின், தர்ஷா, ரியா, மஞ்சரி, ஜாக்குலின், சௌந்தர்யா மற்றும் சாச்சனா ஆகிய 14 நபர்கள் நாமினேட் ஆகியுள்ளனர்.

Also read… ’கங்குவா’ படத்திலிருந்து வெளியானது முதல் ஸ்னீக் பீக் வீடியோ!

இந்த நிலையில் இந்த வாரம் தொடக்கத்தில் இருந்து பிக்பாஸ் வீடு பிக்பாஸ் ரெஸிடென்சியல் பள்ளியாக மாறியது. இதில் அருண், வர்ஷினி, ஜெஃப்ரி, மஞ்சரி, சிவக்குமார், ஜாக்குலின் ஆகியோர் பள்ளி நிர்வாகமாகவும் மற்ற போட்டியாளர்கள் மாணவர்களாகவும் டாஸ்கில் கலந்துகொண்டனர்.

இதில் ஜாக்குலின் மாரல் சைன்ஸ் டீச்சராக ஜாக்குலின் தனது டாஸ்கில் மாணவர்கள் குறித்து ரிவியூ குடுப்பதாக கூறி மனதில் இருந்த வன்மத்தை போட்டியாளர்கள் மீது கொட்டினார். இது குறித்து இன்று விஜய் சேதுபதி கேட்பது போன்ற காட்சி வீடியோவில் இடம் பெற்றுள்ளது.

மேலும் இந்த 6-வது வாரத்திற்கான எவிக்‌ஷனில் பிக்பாஸ் வீட்டில் இருந்து வைல்ட் கார்ட் எண்ட்ரியாக பெண்கள் அணிக்கு வந்த ரியா பிக்பாஸ் வீட்டை விட்டு வெளியேற உள்ளதாகவும் இணையத்தில் தகவல்கள் வைரலாகி வருகின்றது.