Bigg Boss Tamil Season 8: அரண்மனையாக மாறிய பிக்பாஸ் வீடு… அரியணை வெல்லப்போவது ஆண்களா? பெண்களா?

விஜய் டிவியில் ஒளிபரப்பாகும் பிக்பாஸ் தமிழ் சீசன் 8-ன் 42-வது நாளிற்கான முதல் ப்ரோமோ வீடியோவை நிகழ்ச்சி குழு வெளியிட்டுள்ளது. இந்திய மொழிகளில் தமிழ், தெலுங்கு, மலையாளம், கன்னடம் மற்றும் இந்தி என பல்வேறு மொழிகளில் நடைபெற்று வரும் இந்த நிகழ்ச்சியில் பல முன்னணி நட்சத்திரங்கள் இதுவரை தொகுத்து வழங்கி வந்துள்ளனர். விஜய் டிவியில் பிக்பாஸ் நிகழ்ச்சி கடந்த 2017-ம் ஆண்டு முதல் ஒளிபரப்பாகி வருகிறது. கடந்த மாதம் 6-ம் தேதி பிக்பாஸ் தமிழ் 8-வது சீசன் தொடங்கியது. கடந்த 7 சீசன்களாக நடிகர் கமல் ஹாசன் இந்த நிகழ்ச்சியை தொகுத்து வந்த நிலையில் அவர் நிகழ்ச்சியை விட்டு விலகினார். அதன் பிறகு தற்போது விஜய் சேதுபதி இந்த 8-வது சீசனை தொகுத்து வழங்குகிறார்.

கடந்த மாதம் 6-ம் தேதி பிக்பாஸ் தமிழ் 8-வது சீசன் தொடங்கியது. இந்த நிகழ்ச்சியில் ரவீந்தர் சந்திரசேகர், அருண் பிரசாத், அன்ஷிதா, தீபக்,  தர்ஷிகா, தர்ஷா குப்தா, ஜாக்குலின், முத்துக்குமார்,  ஜெப்ரி, அர்னவ், ரஞ்சித், பவித்ரா ஜனனி, ஆர்.ஜே.ஆனந்தி, சாச்சனா, சத்யா,சுனிதா, செளந்தர்யா, வி.ஜே. விஷால் என 18 போட்டியாளர்கள் பிக்பாஸ் வீட்டிற்குள் அனுப்பப்பட்டனர்.

மேலும் 6 போட்டியாளர்கள் வைல்ட் கார்ட் என்ட்ரியாக வீட்டிற்குள் அனுப்பப்பட்டனர் கடந்த 3-ம் தேதி அன்று. அதில் ரியா தியாகராஜன், சிவகுமார், ரானவ், மஞ்சரி, ரயான், வர்ஷினி ஆகியவர்கள் பிக்பாஸ் வீட்டிற்குள் போட்டியாளர்களாக களம் இறங்கியுள்ளனர். இதனால் போட்டியின் நிலவரம் சற்று சூடு பிடித்தது.

முதல் வார நாமினேஷனில் இடம் பிடித்த ரவீந்தர் குறைந்த வாக்குகள் பெற்றதன் அடிப்படையில் பிக்பாஸ் வீட்டை விட்டு வெளியேற்றப்பட்டார். அதனைத் தொடர்ந்து இரண்டாவது வார நாமினேஷனில் இடம் பிடித்த அர்னவ் பிக்பாஸ் வீட்டை விட்டு வெளியேற்றப்பட்டார். மூன்றாவது வாரம் தர்ஷாவும் பிக்பாஸ் வீட்டை விட்டு வெளியேற்றப்பட்டார்.

Also read… ’கங்குவா’ படத்திலிருந்து வெளியானது முதல் ஸ்னீக் பீக் வீடியோ!

4-வது வாரம் தீபாவளி பண்டிகையை முன்னிட்டு எவிக்‌ஷன் இல்லை என்று விஜய் சேதுபதி அறிவித்தார். அதனை தொடர்ந்து 5-வது வாரம் சுனிதா குறைவான வாக்குகள் பெற்றதன் அடிப்படையில் பிக்பாஸ் வீட்டை விட்டு வெளியேற்றப்பட்டார். மேலும் கடந்த 6-வது வாரம் வைல்ட் கார்ட் என்ட்ரியாக உள்ளே வந்த ரியா தியாகராஜன் பிக்பாஸ் வீட்டை விட்டு எவிக்ட் ஆனார்.

கடந்த ஞாயிறு அன்று நிகழ்ச்சியில் முடிவில் பேசிய விஜய் சேதுபதி இந்த வாரம் ஆண்கள் அணி மற்றும் பெண்கள் அணி முழுவதும் வீடு மாற வேண்டும் என்று அறிவித்தார். இதனால் வீட்டில் உள்ள அனைத்து விதிமுறைகளும் மாறி போட்டியாளர்கள் இடையே சலசடப்பு ஏற்பட்டது.

இந்த நிலையில் இந்த வாரத்திற்கான தலைவனா தலைவியா டாஸ்கில் கடந்த வாரத்தில் பெஸ்ட் பர்ஃபாமர்களாக தேர்வான விஜே.விஷால் மற்றும் மஞ்சரி ஆகியோர் போட்டியிட்டனர். இதில் மஞ்சரி வெற்ற்ப் பெற்று தற்போது பிக்பாஸ் வீட்டில் கேப்டனாக உள்ளார். அதனை தொடர்ந்து இந்த வாரம் ஆண்கள் அணியில் இருந்து சத்யா பெண்கள் அணிக்கும், பெண்கள் அணியில் இருந்து ஆர்.ஜே.ஆனந்தி ஆண்கள் அணிக்கும் ஸ்வாப் ஆகியுள்ளனர்.

Also read… டிசம்பரில் கீர்த்தி சுரேஷிற்கு திருமணமா? இணையத்தை கலக்கும் தகவல்

அதனை தொடர்ந்து நடைப்பெற்ற இந்த வார நாமினேஷனில் பெண்கள் அணியில் இருந்து வர்ஷினி, பவித்ரா, சௌந்தர்யா, ஆர்.ஜே.ஆனந்தி, சாச்சனா, ஜாக்குலின், தர்ஷா ஏழு பெண்களும் ஆண்கள் அணியில் இருந்து முத்துகுமரன், வி.ஜே.விஷால், ரானவ், அருண், ரயன், சிவகுமார் ஆகிய 6 பேர் நாமினேட் ஆகியுள்ளனர்.

மேலும் இந்த வாரம் நடைப்பெற்ற லக்சுரி பட்ஜெட் டாஸ்கில் ஆண்களை விட பெண்கள் அணியினர் அதிக பிபி கரெண்சியை வென்றாலும் ஷாப்பிங் டாஸ்கில் அதிகமாக பர்சேஸ் செய்ததால் பிக்பாஸ் அணியினர் அனுப்புவதை மட்டுமே இந்த வாரம் முழுவதும் சமைக்க வேண்டும் என்று அறிவிக்கப்பட்டது.

இதனை தொடர்ந்து இந்த வாரம் பிக்பாஸ் வீடு பிக்பாஸ் தர்பாராக மாறியுள்ளது. இதில் ஆண்கள் அணியினர் மற்றும் பெண்கள் அணியினர் இடையே பல போட்டிகள் நடைபெற உள்ளது. இதில் யார் வெற்றிப்பெற போகிறார்கள் என்பது இந்த வார இறுதியில் தெரியவரும் என்பது குறிப்பிடதக்கது.