Bigg Boss Tamil Season 8: பிக்பாஸில் பல்லக்குகாக ஏற்படும் சலசலப்பு… வைரலாகும் வீடியோ

விஜய் டிவியில் ஒளிபரப்பாகும் பிக்பாஸ் தமிழ் சீசன் 8-ன் 46-வது நாளிற்கான முதல் ப்ரோமோ வீடியோவை நிகழ்ச்சி குழு வெளியிட்டுள்ளது. இந்த வாரம் பிக்பாஸ் வீடு பிக்பாஸ் தர்பாராக மாறியுள்ளது. இதில் ஆண்கள் அணியில் ரானவ் ராஜாவாகவும் பெண்கள் அணியில் சாச்சனா ராணியாகவும் உள்ளார். இரண்டு அணிகளும் இரண்டு நாடுகளாக பிரிந்து போட்டி போடுகின்றனர். இதில் பல போட்டிகள் நடத்தப்பட்டு யார் அதிக போட்டிகளில் வெற்றிப் பெறுகிறார்களோ அவர்கள் அரியணை ஏறுவார்கள் என்று பிக்பாஸ் அறிவித்துள்ளார். அதன் படி நேற்றில் இருந்து பிக்பாஸ் வீட்டில் இரண்டு அணியினருக்கும் தொடர்ந்து டாஸ்குகள் வழங்கப்படுகின்றது. இதில் தற்போது ஆண்கள் அணியினர் அதிகமான போட்டிகளில் தற்போது வெற்றியடைந்துள்ளனர். இனி வரும் போட்டிகளில் யார் வெற்றிப் பெறுவார்கள் என்பதை பொருத்திருந்து பார்க்க வேண்டும்.

கடந்த மாதம் 6-ம் தேதி பிக்பாஸ் தமிழ் 8-வது சீசன் தொடங்கியது. கடந்த 7 சீசன்களாக நடிகர் கமல் ஹாசன் இந்த நிகழ்ச்சியை தொகுத்து வந்த நிலையில் அவர் நிகழ்ச்சியை விட்டு விலகினார். அதன் பிறகு தற்போது விஜய் சேதுபதி இந்த 8-வது சீசனை தொகுத்து வழங்குகிறார்.

இந்திய மொழிகளில் தமிழ், தெலுங்கு, மலையாளம், கன்னடம் மற்றும் இந்தி என பல்வேறு மொழிகளில் நடைபெற்று வரும் இந்த நிகழ்ச்சியில் பல முன்னணி நட்சத்திரங்கள் இதுவரை தொகுத்து வழங்கி வந்துள்ளனர். விஜய் டிவியில் பிக்பாஸ் நிகழ்ச்சி கடந்த 2017-ம் ஆண்டு முதல் ஒளிபரப்பாகி வருகிறது.

கடந்த மாதம் 6-ம் தேதி பிக்பாஸ் தமிழ் 8-வது சீசன் தொடங்கியது. இந்த நிகழ்ச்சியில் ரவீந்தர் சந்திரசேகர், அருண் பிரசாத், அன்ஷிதா, தீபக்,  தர்ஷிகா, தர்ஷா குப்தா, ஜாக்குலின், முத்துக்குமார்,  ஜெப்ரி, அர்னவ், ரஞ்சித், பவித்ரா ஜனனி, ஆர்.ஜே.ஆனந்தி, சாச்சனா, சத்யா,சுனிதா, செளந்தர்யா, வி.ஜே. விஷால் என 18 போட்டியாளர்கள் பிக்பாஸ் வீட்டிற்குள் அனுப்பப்பட்டனர்.

மேலும் 6 போட்டியாளர்கள் வைல்ட் கார்ட் என்ட்ரியாக வீட்டிற்குள் அனுப்பப்பட்டனர் கடந்த 3-ம் தேதி அன்று. அதில் ரியா தியாகராஜன், சிவகுமார், ரானவ், மஞ்சரி, ரயான், வர்ஷினி ஆகியவர்கள் பிக்பாஸ் வீட்டிற்குள் போட்டியாளர்களாக களம் இறங்கியுள்ளனர். இதனால் போட்டியின் நிலவரம் சற்று சூடு பிடித்தது.

Also read… ‘அமரன்’ படத்திலிருந்து வெளியானது ‘வெண்ணிலவு சாரல் நீ’ வீடியோ பாடல்!

முதல் வார நாமினேஷனில் இடம் பிடித்த ரவீந்தர் குறைந்த வாக்குகள் பெற்றதன் அடிப்படையில் பிக்பாஸ் வீட்டை விட்டு வெளியேற்றப்பட்டார். அதனைத் தொடர்ந்து இரண்டாவது வார நாமினேஷனில் இடம் பிடித்த அர்னவ் பிக்பாஸ் வீட்டை விட்டு வெளியேற்றப்பட்டார். மூன்றாவது வாரம் தர்ஷாவும் பிக்பாஸ் வீட்டை விட்டு வெளியேற்றப்பட்டார்.

4-வது வாரம் தீபாவளி பண்டிகையை முன்னிட்டு எவிக்‌ஷன் இல்லை என்று விஜய் சேதுபதி அறிவித்தார். அதனை தொடர்ந்து 5-வது வாரம் சுனிதா குறைவான வாக்குகள் பெற்றதன் அடிப்படையில் பிக்பாஸ் வீட்டை விட்டு வெளியேற்றப்பட்டார். மேலும் கடந்த 6-வது வாரம் வைல்ட் கார்ட் என்ட்ரியாக உள்ளே வந்த ரியா தியாகராஜன் பிக்பாஸ் வீட்டை விட்டு எவிக்ட் ஆனார்.

இந்த வாரம் ஆண்கள் அணி மற்றும் பெண்கள் அணி முழுவதும் வீடு மாற வேண்டும் என்று அறிவித்தார். இதனால் வீட்டில் உள்ள அனைத்து விதிமுறைகளும் மாறி போட்டியாளர்கள் இடையே சலசலப்பு ஏற்பட்டது.

Also read… தொடர்ந்து அதிகரிக்கும் வசூல்… ஓடிடி வெளியீட்டில் தள்ளிப்போகும் ‘லக்கி பாஸ்கர்’

இந்த நிலையில் இந்த வாரத்திற்கான தலைவனா தலைவியா டாஸ்கில் மஞ்சரி வெற்றிப் பெற்று தற்போது பிக்பாஸ் வீட்டில் கேப்டனாக உள்ளார். அதனை தொடர்ந்து இந்த வாரம் ஆண்கள் அணியில் இருந்து சத்யா பெண்கள் அணிக்கும், பெண்கள் அணியில் இருந்து ஆர்.ஜே.ஆனந்தி ஆண்கள் அணிக்கும் ஸ்வாப் ஆகியுள்ளனர்.

இந்த வார நாமினேஷனில் பெண்கள் அணியில் இருந்து வர்ஷினி, பவித்ரா, சௌந்தர்யா, ஆர்.ஜே.ஆனந்தி, சாச்சனா, ஜாக்குலின், தர்ஷா ஏழு பெண்களும் ஆண்கள் அணியில் இருந்து முத்துகுமரன், வி.ஜே.விஷால், ரானவ், அருண், ரயன், சிவகுமார் ஆகிய 6 பேர் நாமினேட் ஆகியுள்ளனர்.

இந்த நிலையில் பிக்பாஸ் தர்பாராக மாறியுள்ள பிக்பாஸ் வீட்டில் இன்று இரண்டு நாட்டிற்கும் சேர்த்து ஒரே ஒரு பல்லக்கு வழங்கப்பட்டது. இதை ஆண்கள் அணியினர் அவர்கள் வீட்டிற்குள் பல்லக்கை எடுத்து சென்ற நிலையில் அந்த பல்லக்கிற்காக ஆண்கள் மற்றும் பெண்கள் அணியினர் இடையே சலசலப்பு ஏற்படுகிறது. இந்த வீடியோ தற்போது இணையத்தில் வைரலாகி வருகின்றது.