Bigg Boss Tamil Season 8: சூடுபிடிக்கும் பிக்பாஸ் நிகழ்ச்சி… வெளியானது பரபர ப்ரோமோ!

விஜய் தொலைக்காட்சியில் ஒளிபரப்பாகும் பிக்பாஸ் தமிழ் சீசன் 8-ன் எட்டாவது நாளிற்கான முதல் ப்ரோமோ வீடியோவை நிகழ்ச்சி குழு வெளியிட்டுள்ளது.  கடந்த 6-ம் தேதி 8-வது சீசன் தொடங்கியது. இதில், ரவீந்தர் சந்திரசேகர், அன்ஷிதா, அருண் பிரசாத், தீபக், தர்ஷா குப்தா, தர்ஷிகா, ஜாக்குலின், ஜெப்ரி, முத்துக்குமார், அர்னவ், பவித்ரா ஜனனி, ரஞ்சித், ஆர்.ஜே.ஆனந்தி, சாச்சனா, சத்யா, செளந்தர்யா, சுனிதா, வி.ஜே. விஷால் என 18 போட்டியாளர்கள் பிக்பாஸ் வீட்டிற்குள் அனுப்பப்பட்டனர். விஜய் டிவியின் பிக்பாஸ் நிகழ்ச்சி கடந்த 2017 ஆம் ஆண்டு முதல் ஒளிபரப்பாகி வருகிறது. தமிழ், தெலுங்கு, மலையாளம், கன்னடம் மற்றும் இந்தி என பல்வேறு மொழிகளில் நடைபெற்று வரும் இந்த நிகழ்ச்சியில் பல முன்னணி நட்சத்திரங்கள் இதுவரை தொகுத்து வழங்கி வந்துள்ளனர்.

கடந்த 7 சீசன்களாக நடிகர் கமல் ஹாசன் இந்த நிகழ்ச்சியை தொகுத்து வந்த நிலையில் அவர் நிகழ்ச்சியை விட்டு விலகிய பிறகு தற்போது விஜய் சேதுபதி இந்த 8-வது சீசனை தொகுத்து வழங்குகிறார்.

பிக்பாஸ் நிகழ்ச்சியில் கலந்து கொண்ட பிரபலங்களுக்கு பிரபலத்தோடு சினிமாவில் நடிப்பதற்கான வாய்ப்பும் கிடைப்பதால், சினிமாவில் நடிக்க விரும்பும் நடிகர்களின் பார்வை மொத்தமும் நிகழ்ச்சி போட்டியாளர்களின் தேர்வு பட்டியலின் பக்கம் சென்றது. முதல் சீசனில் ஆரவ் கோப்பையை வென்றார், அதே சமயம் ரித்விகா இரண்டாவது சீசனில் பாடகர் மற்றும் நடிகர் முகேன் ராவ் மூன்றாவது சீசனையும், நடிகர்கள் ஆரி அர்ஜுனா மற்றும் ராஜு ஜெயமோகன் நான்காவது மற்றும் ஐந்தாவது சீசனில் வெற்றியாளர்களாக அறிவிக்கப்பட்டனர். ஆறாவது மற்றும் ஏழாவது சீசனில் அசீம் மற்றும் அர்ச்சனா வெற்றியாளர்களாக அறிவிக்கப்பட்டனர்.

Also read… வெளியானது ராம் சரணின் கேம் சேஞ்சர் படத்தின் ரிலீஸ் தேதி!

பிக்பாஸ் வரலாற்றில் முதல் முறையாக, பங்கேற்பாளர்களிலிருந்து ஒருவர், 24 மணி நேரத்தில் வெளியேற்றப்படவுள்ளார் என அறிவித்தார். இந்த அறிவிப்பு போட்டியாளர்கள் அனைவரையும் பெரும் அதிர்ச்சிக்குள்ளாக்கியது. இதில் யார் வெளியேறப்போகிறார்கள் என்ற எதிர்பார்ப்பு ரசிகர்களிடையே இருந்த நிலையில் கடந்த திங்கள் அன்று பிக்பாஸ் அறிவுறுத்தலின்படி நாமினேஷன் நடைப்பெற்றது. அதில் சக போட்டியாளர்களின் அதிக வாக்குகளைப் பெற்ற சாச்சனா நேற்று பிக்பாஸ் வீட்டில் இருந்து அதிரடியாக வெளியேற்றப்பட்டார். பின்னர் கடந்த வெள்ளி அன்று மீண்டும் பிக்பாஸ் வீட்டிற்குள் நுழைந்தார் சாச்சிதா. மீண்டும் பிக்பாஸ் வீட்டுக்குள் நுழைந்த உடனேயே, “இனிமே பிக்பாஸ் வீட்டை விட்டு போவேன்கிற வார்த்தை என்கிட்ட இருந்து வராது. இந்த நொடில இருந்து என் ஆட்டம் ஆரம்பம்” என்று கேமராவைப் பார்த்து சபதம் செய்தார்.

Also read… தேசிய விருது வென்ற மகிழ்ச்சி… குடும்பத்துடன் கொண்டாடிய நித்யா மேனன்!

கடந்த வாரம் முழுவதும் ஆண்கள் மற்றும் பெண்கள் இடையே பல போட்டிகள் நடைப்பெற்றதை விட பெண்கள் அணியினருக்கு இடையே பல சண்டைகள் இருந்தது. ஆண்கள் அணியினர் இடையே இருக்கும் ஒற்றுமை பெண்களிடையே குறைவாகவே இருக்கிறது என்றும் மக்கள் கருத்து தெரிவித்து வந்தனர்.

அதனை தொடர்ந்து கடந்த இரண்டு நாட்களாக விஜய் சேதுபதி போட்டியாளர்களிடையே உரையாடியது இணையத்தில் வைரலானது. பிக்பாஸ் வரலாற்றில் பெஸ்ட் வீக்கெண்ட் எபிசோட் என்று நெட்டிசன்கள் கொண்டாடி தீர்த்தனர். இந்த நிலையில் நேற்று கடந்த வார நாமினேஷனில் இடம் பிடித்த ரவீந்தர் குறைந்த வாக்குகள் பெற்றதன் அடிப்படையில் பிக்பாஸ் வீட்டை விட்டு வெளியேற்றப்பட்டார்.

இந்த நிலையில் இன்று பிக்பாஸ் தமிழ் சீசன் 8 நிகழ்ச்சியில் 8-வது நாளிற்கான முதல் ப்ரோமோ வீடியோவை நிகழ்ச்சி குழு வெளியிட்டுள்ளது. அதில், இந்த வாரத்திற்கான எவிக்‌ஷன் நாமினேஷன் நடைபெறுகிறது. அதில் ஆண்கள் அணியில் உள்ளவர்கள் பெண்களையும், பெண்கள் அணியில் உள்ளவர்கள் ஆண்களையும் நாமினேட் செய்ய வேண்டும் என்று அறிவுறுத்தப்பட்டுள்ளது. அதன் படி இந்த வார நாமினேஷன் நடைபெறுவது அந்த வீடியோவில் வெளியாகியுள்ளது.