Bigg Boss Tamil Season 8: பிக்பாஸ் டாஸ்கில் வென்ற பெண்கள்… எவிக்‌ஷன் ஃப்ரீ பாஸ் யாருக்கு?

பிக்பாஸ் தமிழ் சீசன் 8 நிகழ்ச்சியில் இந்த வாரம் நடைப்பெற்ற எவிக்‌ஷன் ஃப்ரீ டாஸ்கில் பெண்கள் அணி வெற்றிபெற்றுள்ள நிலையில் அந்த பாஸ் யாருக்கு செல்லப்போகிறது என்ற எதிர்பார்ப்பு கிளம்பியுள்ளது. பிக்பாஸ் நிகழ்ச்சியில் கலந்து கொண்ட பிரபலங்களுக்கு பிரபலத்தோடு சினிமாவில் நடிப்பதற்கான வாய்ப்பும் கிடைப்பதால், சினிமாவில் நடிக்க விரும்பும் நடிகர்களின் பார்வை மொத்தமும் நிகழ்ச்சி போட்டியாளர்களின் தேர்வு பட்டியலின் பக்கம் சென்றது. முதல் சீசனில் ஆரவ் கோப்பையை வென்றார், அதே சமயம் ரித்விகா இரண்டாவது சீசனில் பாடகர் மற்றும் நடிகர் முகேன் ராவ் மூன்றாவது சீசனையும், நடிகர்கள் ஆரி அர்ஜுனா மற்றும் ராஜு ஜெயமோகன் நான்காவது மற்றும் ஐந்தாவது சீசனில் வெற்றியாளர்களாக அறிவிக்கப்பட்டனர். ஆறாவது மற்றும் ஏழாவது சீசனில் அசீம் மற்றும் அர்ச்சனா வெற்றியாளர்களாக அறிவிக்கப்பட்டனர்.

கடந்த 6-ம் தேதி 8-வது சீசன் தொடங்கியது. இதில், ரவீந்தர் சந்திரசேகர், அன்ஷிதா, அருண் பிரசாத், தீபக், தர்ஷா குப்தா, தர்ஷிகா, ஜாக்குலின், ஜெப்ரி, முத்துக்குமார், அர்னவ், பவித்ரா ஜனனி, ரஞ்சித், ஆர்.ஜே.ஆனந்தி, சாச்சனா, சத்யா, செளந்தர்யா, சுனிதா, வி.ஜே. விஷால் என 18 போட்டியாளர்கள் பிக்பாஸ் வீட்டிற்குள் அனுப்பப்பட்டனர். விஜய் டிவியின் பிக்பாஸ் நிகழ்ச்சி கடந்த 2017 ஆம் ஆண்டு முதல் ஒளிபரப்பாகி வருகிறது. தமிழ், தெலுங்கு, மலையாளம், கன்னடம் மற்றும் இந்தி என பல்வேறு மொழிகளில் நடைபெற்று வரும் இந்த நிகழ்ச்சியில் பல முன்னணி நட்சத்திரங்கள் இதுவரை தொகுத்து வழங்கி வந்துள்ளனர். கடந்த 7 சீசன்களாக நடிகர் கமல் ஹாசன் இந்த நிகழ்ச்சியை தொகுத்து வந்த நிலையில் அவர் நிகழ்ச்சியை விட்டு விலகிய பிறகு தற்போது விஜய் சேதுபதி இந்த 8-வது சீசனை தொகுத்து வழங்குகிறார்.

Also read… Actress Oviya : புகார் கொடுத்த நடிகை ஓவியா.. சர்ச்சை வீடியோவை நீக்கிய கேரளா போலீஸ்!

பிக்பாஸ் வரலாற்றில் முதல் முறையாக, பங்கேற்பாளர்களிலிருந்து ஒருவர், 24 மணி நேரத்தில் வெளியேற்றப்படவுள்ளார் என அறிவித்தார். இந்த அறிவிப்பு போட்டியாளர்கள் அனைவரையும் பெரும் அதிர்ச்சிக்குள்ளாக்கியது. இதில் யார் வெளியேறப்போகிறார்கள் என்ற எதிர்பார்ப்பு ரசிகர்களிடையே இருந்த நிலையில் கடந்த திங்கள் அன்று பிக்பாஸ் அறிவுறுத்தலின்படி நாமினேஷன் நடைப்பெற்றது. அதில் சக போட்டியாளர்களின் அதிக வாக்குகளைப் பெற்ற சாச்சனா நேற்று பிக்பாஸ் வீட்டில் இருந்து அதிரடியாக வெளியேற்றப்பட்டார். பின்னர் கடந்த வெள்ளி அன்று மீண்டும் பிக்பாஸ் வீட்டிற்குள் நுழைந்தார் சாச்சிதா. இந்த நிலையில் கடந்த வார நாமினேஷனில் இடம் பிடித்த ரவீந்தர் குறைந்த வாக்குகள் பெற்றதன் அடிப்படையில் பிக்பாஸ் வீட்டை விட்டு வெளியேற்றப்பட்டார்.

Also read… Happy Birthday Jyothika: எக்ஸ்பிரஷன் குயின் ஜோதிகாவிற்கு ஹேப்பி பர்த்டே!

இந்த வார தொடக்கத்தில் பிக்பாஸ் வீட்டிற்கான தலைவர் போட்டி நடைப்பெற்றது. இதில் ஆண்கள் அணியைச் சேர்ந்த சத்யா வெற்றிப்பெற்று இந்த வாரத் தலைவராக பொறுப்பு ஏற்றார். மேலும் இந்த வார நாமினேஷனில் பெண்கள் அணியில் இருந்து சௌந்தர்யா, சாச்சிதா, ஜாக்குலின், தர்ஷா ஆகியோரும், ஆண்கள் அணியில் இருந்து விஜே.விஷால். தீபக். ஜெஃப்ரி. அர்னவ். முத்துகுமார், ரஞ்சித் ஆகியோரும் இந்த வார எவிக்‌ஷனுக்காக நாமினேட் ஆகியுள்ளனர்.

இந்த நிலையில் இந்த வாரத்தில் நடைப்பெற்ற எவிக்‌ஷன் ஃப்ரீ டாஸ்கில் ஆண்கள் மற்றும் பெண்கள் இடையே நடைப்பெற்ற போட்டியில் பெண்கள் அணியினர் வெற்றிப்பெற்றனர். இந்த நிலையில் பெண்கள் அணியில் எவிக்‌ஷனுக்காக இந்த வாரம் நாமினேட் ஆகியுள்ள சௌந்தர்யா, சாச்சிதா, ஜாக்குலின், தர்ஷா ஆகியோர் அந்த பாஸிற்காக பேச அது யாருக்கு கிடைக்கும் என்பது இன்றைய எபிசோடில் தெரியவரும்.