Bigg Boss Tamil Season 8: ஜஸ்ட் மிஸ்ஸில் எஸ்கேப்பான சிவக்குமார்… பிக்பாஸில் இந்த வாரம் வெளியேறப் போவது இவர்தானா?

விஜய் தொலைக்காட்சியில் ஒளிபரப்பாகி வரும் பிக்பாஸ் தமிழ் சீசன் 8-ல் இருந்து இந்த வாரம் யார் வெளியேறப்போகிறார்கள் என்ற தகவல் தற்போது இணையத்தில் வைரலாகி வருகின்றது. இந்த வாரம் முழுவதும் பிக்பாஸ் வீடு பிக்பாஸ் தர்பாராக மாறியது. இதில் ஆண்கள் அணியில் இருந்து ரானவ் ராஜாவாகவும் பெண்கள் அணியில் இருந்து சாச்சனா ராணியாகவும் இருந்தனர். இரண்டு அணிகளும் இரண்டு நாடுகளாக பிரிந்து போட்டி போட்டுக் கொண்டனர். இதில் பல போட்டிகள் நடத்தப்பட்டு யார் அதிக போட்டிகளில் வெற்றிப் பெறுகிறார்களோ அவர்கள் அரியணை ஏறுவார்கள் என்று பிக்பாஸ் அறிவித்திருந்தார். அதன் படி தொடர்ந்து மூன்று போட்டிகளில் ஆண்கள் அணியினர் வெற்றிப் பெற்றனர். ஒரு போட்டியில் பெண்கள் அணியினர் வெற்றிப்பெற்றனர். அதிக போட்டிகளில் வெற்றிப் பெற்ற ஆண்கள் அணியினர் அரியணை ஏறிய நிலையில் இந்த வாரத்திற்கான வீக்லி டாஸ்க் முடிவடைந்தது.

இந்திய மொழிகளில் தமிழ், தெலுங்கு, மலையாளம், கன்னடம் மற்றும் இந்தி என பல்வேறு மொழிகளில் நடைபெற்று வரும் இந்த நிகழ்ச்சியில் பல முன்னணி நட்சத்திரங்கள் இதுவரை தொகுத்து வழங்கி வந்துள்ளனர். விஜய் டிவியில் பிக்பாஸ் நிகழ்ச்சி கடந்த 2017-ம் ஆண்டு முதல் ஒளிபரப்பாகி வருகிறது.

கடந்த மாதம் 6-ம் தேதி பிக்பாஸ் தமிழ் 8-வது சீசன் தொடங்கியது. கடந்த 7 சீசன்களாக நடிகர் கமல் ஹாசன் இந்த நிகழ்ச்சியை தொகுத்து வந்த நிலையில் அவர் நிகழ்ச்சியை விட்டு விலகினார். அதன் பிறகு தற்போது விஜய் சேதுபதி இந்த 8-வது சீசனை தொகுத்து வழங்குகிறார்.

இந்த நிகழ்ச்சியில் ரவீந்தர் சந்திரசேகர், அருண் பிரசாத், அன்ஷிதா, தீபக்,  தர்ஷிகா, தர்ஷா குப்தா, ஜாக்குலின், முத்துக்குமார்,  ஜெப்ரி, அர்னவ், ரஞ்சித், பவித்ரா ஜனனி, ஆர்.ஜே.ஆனந்தி, சாச்சனா, சத்யா,சுனிதா, செளந்தர்யா, வி.ஜே. விஷால் என 18 போட்டியாளர்கள் பிக்பாஸ் வீட்டிற்குள் அனுப்பப்பட்டனர்.

முதல் வார நாமினேஷனில் இடம் பிடித்த ரவீந்தர் குறைந்த வாக்குகள் பெற்றதன் அடிப்படையில் பிக்பாஸ் வீட்டை விட்டு வெளியேற்றப்பட்டார். அதனைத் தொடர்ந்து இரண்டாவது வார நாமினேஷனில் இடம் பிடித்த அர்னவ் பிக்பாஸ் வீட்டை விட்டு வெளியேற்றப்பட்டார். மூன்றாவது வாரம் தர்ஷாவும் பிக்பாஸ் வீட்டை விட்டு வெளியேற்றப்பட்டார்.

மேலும் 6 போட்டியாளர்கள் வைல்ட் கார்ட் என்ட்ரியாக வீட்டிற்குள் அனுப்பப்பட்டனர் கடந்த 3-ம் தேதி அன்று. அதில் ரியா தியாகராஜன், சிவகுமார், ரானவ், மஞ்சரி, ரயான், வர்ஷினி ஆகியவர்கள் பிக்பாஸ் வீட்டிற்குள் போட்டியாளர்களாக களம் இறங்கியுள்ளனர். இதனால் போட்டியின் நிலவரம் சற்று சூடு பிடித்தது.

Also read… ‘ஆடு ஜீவிதம்’ படத்திற்காக ஏ.ஆர். ரகுமானுக்கு ஹாலிவுட் விருது அறிவிப்பு!

4-வது வாரம் தீபாவளி பண்டிகையை முன்னிட்டு எவிக்‌ஷன் இல்லை என்று விஜய் சேதுபதி அறிவித்தார். அதனை தொடர்ந்து 5-வது வாரம் சுனிதா குறைவான வாக்குகள் பெற்றதன் அடிப்படையில் பிக்பாஸ் வீட்டை விட்டு வெளியேற்றப்பட்டார். மேலும் கடந்த 6-வது வாரம் வைல்ட் கார்ட் என்ட்ரியாக உள்ளே வந்த ரியா தியாகராஜன் பிக்பாஸ் வீட்டை விட்டு எவிக்ட் ஆனார்.

இந்த வாரம் ஆண்கள் அணி மற்றும் பெண்கள் அணி முழுவதும் வீடு மாற வேண்டும் என்று அறிவித்தார். இதனால் வீட்டில் உள்ள அனைத்து விதிமுறைகளும் மாறி போட்டியாளர்கள் இடையே சலசலப்பு ஏற்பட்டது.

அதனை தொடர்ந்து இந்த வாரம் ஆண்கள் அணியில் இருந்து சத்யா பெண்கள் அணிக்கும், பெண்கள் அணியில் இருந்து ஆர்.ஜே.ஆனந்தி ஆண்கள் அணிக்கும் ஸ்வாப் ஆகியுள்ளனர். மேலும் இந்த வாரம் கேப்டனாக மஞ்சரி தேர்வாகியிருந்தார். இந்த வார நாமினேஷனில் பெண்கள் அணியில் இருந்து வர்ஷினி, பவித்ரா, சௌந்தர்யா, ஆர்.ஜே.ஆனந்தி, சாச்சனா, ஜாக்குலின், தர்ஷா ஏழு பெண்களும் ஆண்கள் அணியில் இருந்து முத்துகுமரன், வி.ஜே.விஷால், ரானவ், அருண், ரயன், சிவகுமார் ஆகிய 6 பேர் நாமினேட் ஆகியுள்ளனர்.

Also read… திருமணத்தில் ஆர்வம் இல்லாமல் போனதற்கு இதுதான் காரணம் – நடிகை ஐஸ்வர்யா லட்சுமி!

இதில் இந்த வாரம் நடைப்பெற்ற நாமினேஷன் ஃப்ரீ பாஸ் டாஸ்கில் ஆண்கள் அணியினர் வெற்றிப் பெற்றனர். அந்த நாமினேஷன் ஃப்ரீ பாஸை ஆண்கள் அணியினர் சிவக்குமாருக்கு ஒருமனதாக வழங்கினர். இந்த நிலையில் இந்த வாரம் எவிக்‌ஷனிலும் பெண்கள் அணியில் இருந்து ஒருவர் பிக்பாஸ் வீட்டை விட்டு வெளியேறுவார் என்ற தகவல் வெளியாகியுள்ளது.

அதன்படி இந்த வார ஓட்டிங்கிள் கடைசி மூன்று இடங்களை ஆர்.ஜே.ஆனந்தி, சாச்சனா, சிவக்குமார் ஆகியோர் பிடித்துள்ளனர். இதில் சிவக்குமார் நாமினேஷன் ஃப்ரீ பாஸ் பெற்று காப்பாற்றப்பட்டுள்ள நிலையில் அடுத்ததாக உள்ள சாச்சனா இந்த வாரம் பிக்பாஸ் வீட்டை விட்டு வெளியேறப்போகிறார் என்ற தகவல் தற்போது இணையத்தில் வைரலாகி வருகின்றது.