குட் நியூஸ் சொன்ன பிக்பாஸ் டைட்டில் வின்னர் அர்ச்சனா – வாழ்த்தும் ரசிகர்கள்

அர்ச்சனா

பிக்பாஸ் தமிழ் நிகழ்ச்சியின் 7-வது சீசனில் வெற்றிபெற்று டைட்டில் வின்னர் ஆன அர்ச்சனா தற்போது குட் நியூஸ் ஒன்றை கூறியுள்ளார். அதற்கு ரசிகர்கள் வாழ்த்து தெரிவித்து வருகின்றனர். விஜய் டிவியின் பிக்பாஸ்  நிகழ்ச்சி கடந்த 2017 ஆம் ஆண்டு முதல் ஒளிபரப்பாகிவருகிறது. தமிழ், தெலுங்கு, மலையாளம், கன்னடம் மற்றும் இந்தி என பல்வேறு மொழிகளில் நடைபெற்று வரும் இந்த நிகழ்ச்சியில் பல முன்னணி நட்சத்திரங்கள் இதுவரை தொகுத்து வழங்கி வந்துள்ளனர். தமிழில் 7 சீசன்கள் முடிவடைந்த நிலையில் அடுத்ததாக 8-வது சீசனுக்கான தகவல்களும் தற்போது இணையத்தில் வைரலாகி வருகின்றது.இந்த நிகழ்ச்சியை முன்னணி நடிகர் கமல்ஹாசன் தொகுத்து வழங்கி வருகிறார். இதில் கலந்து கொண்ட பிரபலங்களுக்கு பிரபலத்தோடு சினிமாவில் நடிப்பதற்கான வாய்ப்பும் கிடைப்பதால், சினிமாவில் நடிக்க விரும்பும் நடிகர்களின் பார்வை மொத்தமும் நிகழ்ச்சி போட்டியாளர்களின் தேர்வு பட்டியலின் பக்கம் சென்றது.

முதல் சீசனில் ஆரவ் கோப்பையை வென்றார், அதே சமயம் ரித்விகா இரண்டாவது சீசனில் பாடகர் மற்றும் நடிகர் முகேன் ராவ் மூன்றாவது சீசனையும், நடிகர்கள் ஆரி அர்ஜுனா மற்றும் ராஜு ஜெயமோகன் நான்காவது மற்றும் ஐந்தாவது சீசனில் வெற்றியாளர்களாக அறிவிக்கப்பட்டனர். ஆறாவது மற்றும் ஏழாவது சீசனில் அசீம் மற்றும் அர்ச்சனா வெற்றியாளர்களாக அறிவிக்கப்பட்டனர்.

தொகுப்பாளினியாக சின்னத்திரையில் அறிமுகமான அர்ச்சனா, விஜய் டிவியில் ஒளிபரப்பான ராஜா ராணி 2 சீரியலில் நெகட்டிவ் கதாப்பாத்திரத்தில் நடித்ததன் மூலம் மக்கள் மத்தியில் பிரபலம் ஆனார். அந்த சீரியலில் அவரின் நடிப்புக்கு பாராட்டு கிடைத்ததோடு, விஜய் டெலிவிஷன் விருதுகள் நிகழ்ச்சியில் சிறந்த நடிகைக்கான விருதையும் வென்று அசத்தினார். ராஜா ராணி சீரியல் ஹிட் ஆனதை தொடர்ந்து சினிமாவில் நுழைய ஆசைப்பட்ட அர்ச்சனா, சீரியல்களில் நடிப்பதை நிறுத்தினார்.

Also read… மகள் திருமணம் முடிந்த ஒரு வாரத்தில் மருத்துவமனையில் அனுமதிக்கப்பட்ட பிரபல நடிகர்

இதனிடையே கடந்த ஆண்டு அக்டோபர் மாதம் தொடங்கப்பட்ட பிக்பாஸ் நிகழ்ச்சியில் போட்டியாளராக பங்கேற்ற அர்ச்சனா இறுதியில் சாம்பியன் பட்டம் வென்று அசத்தினார். இவர் பிக்பாஸ் சாம்பியன் ஆவார் என்று பலரும் எதிர்பார்த்த நிலையில், இவர் சாம்பியன் ஆக சிலர் எதிர்ப்பும் தெரிவித்திருந்தனர். சமூகவலைதளங்களில் ஆக்டீவாக இருக்கும் அர்ச்சனா அவ்வப்போது புகைப்படங்கள் வெளியிட்டு வருகிறார்.

இந்த நிலையில், தற்போது கார் ஷோரூமில் புது கார் டெலிவெரி எடுக்கும் வீடியோவை வெளியிட்டு இருக்கிறார் அர்ச்சனா. இது அவர் வாங்கிய கார் என நினைத்து அவருக்கு பலரும் வாழ்த்து தெரிவித்து வருகின்றனர். ஆனால் உண்மையில் இது பிக்பாஸ் நிகழ்ச்சியின் போது அவருக்கு பரிசாக வழங்கப்பட்ட கார், அதைதான் தற்போது குடும்பத்துடன் சென்று வாங்கி இருக்கிறார் அர்ச்சனா என்று சின்னத்திரை வட்டாரங்களில் தெரிவிக்கின்றனர்.