Cinema Rewind: “எனக்கு பிடிச்ச வில்லன் கதாபாத்திரம் இவர்தான்” நடிகர் ஜெயம் ரவி ஓப்பன் டாக்!

ரவி நடிப்பில் வெளியான ஜெயம் திரைப்படத்தினை தொடர்ந்து எம்.குமரன் சன் ஆப் மகாலெட்சுமி, தாஸ், மழை மற்றும் இதய திருடன் போன்ற திரைப்படங்களில் நடித்தார். அதிலும் 204ம் ஆண்டு வெளியான “எம்.குமரன் சன் ஆப் மகாலெட்சுமி”மற்றும் “உனக்கும் எனக்கு” போன்ற திரைப்படங்களின் மூலம் தமிழ்த் திரைப்பட ரசிகர்கள் மத்தியில் மிகவும் பேமஸ் ஆனார். தொடர்ந்து திரைப்படங்களில் நடித்துவரும் இவர் தமிழ் சினிமாவில் பல திரைப்படங்களில் நடித்துள்ளார். இவரின் நடிப்பில் கடந்த 2021 மற்றும் 2022ம் ஆண்டு தொடர்ந்து வெளியான பொன்னியின் செல்வன் திரைப்படம் இவருக்கு மாபெரும் வெற்றி திரைப்படமாக அமைந்தது.

தொடர்ந்து திரைப்படங்களில் நடிப்பதில் ஆர்வம் காட்டி வரும் இவர் தற்போது ஜீனி மற்றும் காதலிக்க நேரமில்லை போன்ற திரைப்படங்களில் நடித்துவருகிறார். நடிகர் ஜெயம் ரவியின் நடிப்பில் கடைசியாக வெளியானபிரதர் திரைப்படம் இவருக்குப் பயங்கர தோல்வி திரைப்படமாக அமைந்தது.

இந்த திரைப்படங்களைத் தொடர்ந்து இவர் தெலுங்கு மற்றும் இந்தி திரைப்படங்களில் நடிக்க இருப்பதாகவும் தகவல்கள் வெளியாகி வருகிறது. இதைத் தொடர்ந்து தற்போது சிவகார்த்திகேயன் நடிப்பில் உருவாக்க உள்ள புறநானூறு திரைப்படத்தில் வில்லன் கதாபாத்திரத்தில் ஜெயம் ரவி நடிக்க உள்ளதாகத் தகவல்கள் வெளியாகி வருகிறது. இந்நிலையில் நடிகர் ஜெயம் ரவி முன்னதாக ஒரு நேர்காணலில் காந்தாரா திரைப்படத்தில் வில்லன் கதாபாத்திரத்தில் நடித்த நடிகர் “அச்யுத் குமார்” பற்றிக் கூறிய வீடியோ இணையத்தில் வைரலாகி வருகிறது.

இதையும் படிங்க :மணிரத்னம் படத்தில் நடிக்காததற்குக் காரணம் இதுதான்.. நடிகர் மைக் மோகன் சொன்ன விஷயம்?

நடிகர் ஜெயம் ரவி கூறிய விஷயம்..!

அந்த வீடியோவில் நடிகர் ஜெயம் ரவியிடம் தொகுப்பாளர் உங்களுக்குப் பிடித்த வில்லன் நடிகர் யார் என்று கேட்டபோது அவர் ” எனக்கு காந்தாரா திரைப்படத்தில் வில்லன் கதாபாத்திரத்தில் நடித்த நடிகர் “அச்யுத் குமார்” எனக்கு ரொம்ப பிடிக்கும் என்றும் அவரின் ஆக்டிங் மிகவும் நன்றாக இருக்கும் என்றும் கூறியிருப்பார்.

தொடர்ந்து பேசிய அவர் ஒருமுறை நான் நடிகர் அச்யுத் குமாரை நேரில் சந்தித்தபோது நான் அவரிடமே கேட்டேன் “சார் நீங்க இப்படி தத்ரூபமாக நடிப்பதற்கு எந்த ஸ்கூல் போனீங்க என்று அதற்கு அவர் என்னுடைய நடிப்பிற்குக் காரணம் நான் நடித்த நாடகங்களும் மற்றும் நான் நடித்த பெரிய நடிகர்களின் திரைப்படங்கள்தான் காரணம் என்று கூறினார் என்று நடிகர் ஜெயம் ரவி அந்த காணொளியில் தெரிவித்திருப்பார்.

இதையும் படிங்க :தைரியம் கொடுத்த சமந்தாவின் அந்த கதாபாத்திரம்’: நடிகை ஐஸ்வர்யா லட்சுமி ஓப்பன் டாக்!

நடிகர் அச்யுத் குமார் சினிமா பயணம்..

நடிகர் அச்யுத் குமார் பிரபல கன்னட மொழி பிரபல நடிகர் ஆவார். இவர் கன்னடம் மட்டுமில்லாமல் தமிழ், தெலுங்கு மற்றும் மலையாளம் போன்ற சினிமாவிலும் சுமார் 100க்கும் மேற்பட்ட திரைப்படங்களில் நடிகராக நடித்துள்ளார். ஆரம்பத்தில் தொலைக்காட்சி நடிகராக நடித்துவந்த இவர் 2007ம் ஆண்டு வெளியான “மோகினா மனசு” என்ற திரைப்படத்தில் நடித்து திரைப்படங்களில் அறிமுகமாகினார்.

தொடர்ந்து திரைப்படங்களில் நடிப்பதில் ஆர்வம் காட்டிய இவர் திரைப்படங்களில் அப்பா கதாபாத்திரம் மற்றும் துணை வேடங்களில் நடிக்க ஆரம்பித்தார். தொடர்ந்து சினிமாவில் இருந்து வந்த இவர் கே.ஜி.எஃப் பாகம் ஒன்றில் குரு பாண்டி என்ற அரசியல்வாதி கதாபாத்திரத்தில் நடித்திருந்தார். இந்த திரைப்படத்தில் மூலம் பெரிய திரைப்பட நடிகராகப் பிரபலமான இவருக்கு கே.ஜி.எஃப் பாகம் 2ன் மூலம் பெரும் வரவேற்புகள் கிடைத்தது. இந்த திரைப்படத்தில் முக்கிய வில்லனில் ஒருவராக நடித்திருப்பார்.

இதையும் படிங்க :’முதலில் நோ சொல்லிட்டேன்’.. நடிகையர் திலகம் படம் குறித்து பேசிய கீர்த்தி சுரேஷ்!

இந்த திரைப்படத்தினை தொடர்ந்து பெரிய பெரிய பட்ஜெட் திரைப்படங்களில் இவர் நடிப்பதற்கான வாய்ப்புகள் தேடிவந்தது. தொடர்ந்து இவரின் முக்கிய நடிப்பில் வெளியான திரைப்படம்தான் காந்தாரா. 2022ம் ஆண்டு கன்னட பிரபல இயக்குநரும், நடிகருமான ரிஷப் ஷெட்டி இந்த திரைப்படத்தை இயக்கினார். கன்னட பிரபல திருவிழாவான பூத கோலாவின் கதையை மையமாக எடுக்கப்பட்ட இந்த திரைப்படம் தமிழ், தெலுங்கு, கன்னடம் மற்றும் மலையாளம் போன்ற மொழிகளிலும் வெளியாகியது.

இந்த திரைப்படத்தில் தான் நடிகர் அச்யுத் குமார் “தேவேந்திர சுத்தூர்” என்ற வில்லன் கதாபாத்திரத்தில் நடித்திருப்பார். இந்த திரைப்படத்தின் மூலமாக இவருக்கு மிகப் பிரபல நடிகர் என்ற பெயரும் கிடைத்தது. தொடர்ந்து திரைப்படங்களில் நடித்துவரும் இவர் பகீரா, காலபத்தர், சப்த சாகரடாச்சே எல்லோர் – சைட் ஏ மற்றும் க்ஷேத்ரபதி போன்ற திரைப்படங்களில் நடித்துள்ளார். இவர் தற்போது காந்தாரா பாகம் 1 மற்றும் யுஐ போன்ற திரைப்படங்களில் நடித்து வருகிறார்.

இதையும் படிங்க :சில்க் ஸ்மிதா கிட்டக்கூட நெருங்க முடியாது.. ராதிகா பகிர்ந்த ஆச்சர்ய தகவல்!