Cinema Rewind: புதுப்பேட்டை படத்தில் நடிகை சினேகா நடிக்க யார் காரணம் தெரியுமா?

தமிழ் சினிமாவில் பிரபல நடிகர்களுடன் நடித்து இன்றும் தனக்கென தனி ரசிகர்களை வைத்திருப்பவர் நடிகை சினேகா. ‘புன்னகை அரசி’ என்றாலே நம்முடைய ஞாபகத்திற்கு வருபவர் நடிகை சினேகாதான். இவர் மலையாள திரைப்படமான 2001ல் வெளியான “நீலபக்க்ஷி” என்ற திரைப்படத்தின் மூலம் கதாநாயகியாக அறிமுகமாகினர். தொடர்ந்து தனக்கு சினிமாவின் மீதுள்ள காதலால் பல படங்களில் நடிக்க ஆர்வம் காட்டினார். இதைத் தொடர்ந்து தமிழில் இவர் “என்னவளே” படத்தின் மூலம் நடிகையாக அறிமுகமானார். இவர் விஜய், அஜித், சூர்யா மற்றும் தனுஷ் எனத் தமிழ் சினிமா உச்ச நடிகர்களுடன் பல படங்களில் இணைந்து நடித்துள்ளார்.

திரைப்படங்களைத் தொடர்ந்து நகைக் கடை விளம்பரம், துணிக்கடை விளம்பரம் எனத் தமிழில் இவர் இல்லாத விளம்பரங்களே இருக்காது. இவர் நடிக்கும் விளம்பரங்களுக்காகவே ரசிப்பதற்காகத் தனி கூட்டமும் இருந்தது. இந்நிலையில் திருமணத்துக்குப் பின் தற்போது வரை  முக்கிய கதாபாத்திரத்தில் நடித்துவருகிறார்.இவர் முன்னதாக அளித்திருந்த பேட்டி ஒன்றில் இயக்குநர் செல்வராகவன் இயக்கத்தில் வெளியான புதுப்பேட்டை திரைப்படத்தில் நடித்தற்கான காரணத்தைத் தெரிவித்திருந்தார். அந்த வீடியோ தற்போது வைரலாகி வருகிறது.

புதுப்பேட்டை திரைப்படத்தில் நடித்தற்கான காரணத்தைக் கூறிய நடிகை சினேகா..

2006ம் ஆண்டு இயக்குநர் செல்வராகவன் இயக்கத்தில் நடிகர் தனுஷ், சினேகா மற்றும் சோனியா அகர்வால் எனப் பலருக்கும் நடித்த படம் புதுப்பேட்டை. இப்படத்தில் அவர் விலைமாது பெண்ணாக நடித்திருந்தார். குடும்பபாங்கான கேரக்டரில் மட்டுமே நடித்து வந்த சினேகா புதுப்பேட்டை படத்தில் வித்தியாசமான அந்த கேரக்டரை ஏற்று நடித்திருப்பார். இதனால் அவருக்கு விமர்சனங்களும், பாராட்டுகளும் கிடைத்தது.

இதனிடையே புதுப்பேட்டை படத்தின் கதையைக் கேட்கும் போது என்னுடைய அப்பாவும் உடனிருந்தார். இந்த கதை பற்றி இயக்குநர் செல்வராகவன் கூறும்போது இந்த திரைப்படம் கண்டிப்பாகப் பண்ணவேண்டுமா என்று நான் நினைத்தேன்.

பின் இந்த திரைப்படத்தைக் குறித்து என்னுடைய அப்பாவிடம் கேட்கும்போது அவர் கதை நன்றாகத்தானே இருக்கிறது எனக்கு ஒன்றும் அப்படி தவறாகத் தெரியவில்லை என்று கூறினார். தொடர்ந்து பேசிய அவர் என்னுடைய அப்பா மிகவும் கண்டிப்பானவர். அவரே இந்த திரைப்படத்தில் நடிக்கச் சொன்னார் என்றால் இப்படத்தில் எதோ ஒன்று கண்டிப்பாக இருக்கும் என்று நான் நினைத்தேன். புதுப்பேட்டைப் படமும் வெளியாகிய பின் பலரும் நன்றாக இருந்தது என்று பாராட்டினார்கள்” என்று அதில் கூறியிருப்பார்.

இதையும் படிங்க:சினிமா துறையில் வேறுபாடுகளை உருவாக்குவதை நிறுத்த வேண்டும் – தமன்னா

நடிகை சினேகாவின் சினிமா பயணம்..!

தமிழ்த் திரைப்படங்களில் ஒரு காலக்கட்டத்தில் முன்னணி கதாநாயகியாக இருந்தவர் சினேகா. 2000ம் ஆண்டு நீலபக்க்ஷி என்ற திரைப்படத்தின் மூலம் திரைப்படங்களில் அறிமுகமானவர் தொடர்ந்து இதைத் தொடர்ந்து அதே ஆண்டு ஜே.சுரேஷ் இயக்கத்தில் வெளியான “என்னவளே” என்ற திரைப்படத்தில் நடிகர் மாதவனுக்கு ஜோடியாக நடித்தது தமிழில் அறிமுகமாகினார். இவர் நடித்த முதல் திரைப்படத்தின் மூலம் பிரபலமாகாவிட்டாலும் ஆனந்தம் திரைப்படத்தில் வெளியான “பல்லாங்குழியில் வட்டம் பார்த்தேன்” என்ற பாடலின் மூலமாக மிகவும் பிரபலமானார்.

இதையும் படிங்க:“எனக்கு பிடிச்ச வில்லன் கதாபாத்திரம் இவர்தான்” நடிகர் ஜெயம் ரவி ஓப்பன் டாக்!

பின் இவர் தொடர்ந்து புன்னகை தேசம், உன்னை நினைத்து, மற்றும் விரும்புகிறேன் போன்ற திரைப்படங்களில் நடித்துப் பல விருதுகளை வாங்கியுள்ளார். இதில் அவருக்கு மிகப் பெரிய திருப்புமுனையாக அமைந்த திரைப்படம் “புன்னகை தேசம்”. 2002ம் ஆண்டு இயக்குநர் ஷாஜகான் இயக்கத்தில் வெளியான இப்படத்தில் முன்னணி கதாநாயகியாக நடித்த இவருக்கு இப்படம் பெரும் வெற்றியைத் தந்தது. இந்த திரைப்படத்தின் வெற்றியை அடுத்துத்தான் இவருக்குத் திரைப்படங்களில் நடிப்பதற்காக அதிக வாய்ப்புகள் கிடைத்தது.

இதையடுத்து கிங், பம்மல் கே. சம்பந்தம் மற்றும் ஏப்ரல் மாதம் போன்ற திரைப்படங்களில் நடித்துவந்தார். இவரின் நடிப்பில் வெளியாகிய திரைப்படங்களின் பிரபலத்தின் காரணமாக உச்ச நடிகர்களுடன் இணைந்து நடிப்பதற்கான வாய்ப்புகள் தேடி வந்தது. இந்நிலையில் விஜய், கமல்ஹாசன், சூர்யா மற்றும் விக்ரம் போன்ற நடிகர்களுடன் இணைந்து நடிக்க ஆரம்பித்தார்.

இதையும் படிங்க:’முதலில் நோ சொல்லிட்டேன்’.. நடிகையர் திலகம் படம் குறித்து பேசிய கீர்த்தி சுரேஷ்!

இதைத் தொடர்ந்து இவருக்கு பெரும் விமர்சனத்தை தேடிதந்த திரைப்படமாக அமைந்தது தான் புதுப்பேட்டை. இயக்குநர் செல்வராகவன் இயக்கத்தில் வெளியான இந்த திரைப்படத்தில் நடிகர் தனுஷிற்கு ஜோடியாக நடித்திருந்தார். அரசியல் தாதா கதைக்களத்தை மையப்படுத்தி  உருவான இந்த திரைப்படத்தில் முக்கிய கதாபாத்திரத்தில் சினேகா நடித்தார்.

இந்த திரைப்படத்தின் பிறகும் திரைப்படங்களில் நடித்துவந்த இவர் தற்போது வரையிலும் பல திரைப்படங்களில் முக்கிய கதாபாத்திரங்களில் நடித்துவருகிறார். இந்நிலையில் இவரின் நடிப்பில் கடந்த செப்டம்பர் 5ம் தேதி வெளியான கோட் திரைப்படத்தின் மூலம் விஜய்க்கு ஜோடியாக நடித்திருந்தார்.இந்த திரைப்படத்தின் வெற்றியைத் தொடர்ந்து தற்போது விடியல் என்ற திரைப்படத்தில் நடித்துவருகிறார்.