Cinema Rewind: சூர்யாவுடன் படம் பண்ணும்போது எனக்குப் பயம்… இயக்குநர் ஹரி ஓப்பன் டாக்
Director Hari : தமிழ் சினிமாவில் பிரபல இயக்குநர்களில் ஒருவராக இருந்து வருபவர் இயக்குநர் ஹரி. 2002ம் ஆண்டு வெளியான 'தமிழ்' என்ற திரைப்படத்தின் மூலம் அறிமுகமான இவர் தொடர்ந்து பல முன்னணி நடிகர்களை வைத்துப் பல வெற்றி திரைப்படங்களை இயக்கி உள்ளார்.
இயக்குனர் ஹரி தமிழ்த் திரைப்படங்களில் உதவி இயக்குனராக செந்தில் நாதன், அமீர்ஜான், கே.நடராஜ் மற்றும் கே. பாலாசந்துரு போன்ற முன்னணி இயக்குநர்களின் திரைப்படங்களில் உதவி இயக்குநராகத் தனது சினிமா வாழ்க்கையை ஆரம்பித்தார். அமர்க்களம் மற்றும் பார்த்தேன் ரசித்தேன் போன்ற திரைப்படங்களில் இனி இயக்குநராகவும் பணியாற்றினார். தொடர்ந்து திரைப்படங்களை இயக்குவதில் ஆர்வம் காட்டிய இவர் 2002ம் ஆண்டு “தமிழ்” என்ற திரைப்படத்தை மூலம் இயக்குநராக அறிமுகமாகினார். இந்த திரைப்படத்தில் நடிகர் பிரசாந்த், சிம்ரன் மற்றும் ஊர்வசி எனப் பலரும் நடித்தனர்.
முதல் படத்தின் வெற்றியை அடுத்தாக சாமி, கோவில், அருள் மற்றும் ஐயா போன்ற கிராமத்துக் கதைக்களத்துடன் திரைப்படங்களை இயக்கிய இவரின் படங்களுக்கு என்றே தனி ரசிகர்களும் உண்டு. தூத்துக்குடி மாவட்டத்தைப் பூர்விகமாகக் கொண்ட இவர் கிராமத்து ஜானரில் பல திரைப்படங்களையும் இயக்கி வெற்றி கண்டார். அதிலும் இவர் இயக்கத்தில் 2005ம் ஆண்டு வெளியான “ஐயா” மிகவும் பிரபலமாகியது.
தொடர்ந்து திரைப்படங்களை இயக்கிய இவரின் இயக்கத்தில் 2010ம் ஆண்டு நடிகர் சூர்யாவின் நடிப்பில் பிரம்மாண்டமாக வெளியாகத் திரைப்படம் சிங்கம். இப்படத்தின் முதல் பாகம் வெளியாகி நல்ல வரவேற்பைப் பெற்று பிளாக் பஸ்டர் ஹிட் திரைப்படமாகியது. வெற்றியை அடுத்து சிங்கம் 2 மற்றும் சிங்கம் 3 என அடுத்தடுத்த பாகங்கள் வெளியாகியது.
இதையும் படிங்க :புதுப்பேட்டை படத்தில் நடிகை சினேகா நடிக்க யார் காரணம் தெரியுமா?
திருநெல்வேலி, தூத்துக்குடி போன்ற தென்மாவட்டங்களில் கதைகள் என்றாலே பெயர்போனவர் இயக்குநர் ஹரி. இவர் முன்னதாக பேசிய நேர்காணலில் நடிகர் சூர்யாவுடன் படங்களை இயக்குவது என்றால் எனக்குத் தனி பயம் வந்துவிடும் என்று பேசியிருப்பார். அந்த வீடியோ தற்போது இணையத்தில் வைரலாகி வருகிறது.
நடிகர் சூர்யா குறித்துப் பேசிய இயக்குநர் ஹரி
அதில் பேசிய இயக்குநர் ஹரி சிங்கம் 1 மற்றும் சிங்கம் 2 வெற்றியை அடுத்து சிங்கம் 3 எனக்குப் பெரிய பொறுப்பு நிறைந்த திரைப்படமாக இருந்தது. ஏனென்றால் சூர்யா இந்த படத்தின் ஒரு லைன் கதையைக் கேட்டு ஓகே சொல்லிட்டாரு, அது எனக்கு அதிக பயத்தைத் தந்தது. இவரை வைத்து மூன்றாவது பாகத்தை இயக்கப் போகிறோம் இதற்கான கதை ஒழுங்காக அமைய வேண்டும் எனப் பல பரிந்துரைகள் எனக்கு சூர்யாவுக்கும் இருந்தது இப்படம் நன்றாக அமையுமா என்று, படத்தின் ஷூட்டிங் ஆரம்பித்த போதும் எனக்குப் பல சந்தேகங்கள் என படப்பிடிப்பின் போதே சூர்யாவுடனும் எனக்கும் அதிக பேச்சுவார்த்தைகள் இருந்துகொண்டே இருந்தது.
எப்போதெல்லாம் நேரம் கிடைக்கிறது அப்போதெல்லாம் பேச்சுவார்த்தைகள் நடந்துகொண்டே தான் இருக்கும் அந்த அளவிற்கு இப்படம் நன்றாக அமையுமா என்று எனக்குப் பயம் இருந்து கொண்டே தான் இருந்தது என்றும் தெரிவித்திருப்பார். மொத்த மூன்று படத்தின் டென்சன் இந்த ஒரு படத்திற்கு இருந்தது என்று கூறியிருப்பார். இப்படத்தின் வெற்றிக்கு சூர்யாவிற்குத் தான் அதிக பங்கு இருக்கிறது என்றும் தெரிவித்திருப்பார்.
இதையும் படிங்க :“எனக்கு பிடிச்ச வில்லன் கதாபாத்திரம் இவர்தான்” நடிகர் ஜெயம் ரவி ஓப்பன் டாக்!
நடிகர் சூர்யாவின் சினிமா பயணம்..
தமிழ் சினிமாவில் முன்னணி நடிகர்களில் ஒருவராக இருப்பவர் சூர்யா. நடிகர் சிவகுமாரின் மகனான இவர் 1997ம் ஆண்டு வெளியான “நேருக்கு நேர்” என்ற திரைப்படத்தின் மூலம் கதாநாயகனாக அறிமுகமாகினார். முதல் திரைப்படம் இவருக்கு ஓரளவு வரவேற்பைப் பெற்ற நிலையில் இவருக்கு சினிமாவில் திருப்புமுனையாக அமைந்தது 2001ல் வெளியான “நந்தா”. இயக்குநர் பாலாவின் இந்த திரைப்படத்தில் நடிகை லைலாவுடன் இணைந்து நடித்தார்.
இப்படத்தினை அடுத்தாக “காக்கக் காக்க” என்ற திரைப்படம் வசூல் ரீதியாக பெரும் வெற்றியைத் தந்தது. தொடர்ந்து இவர் பிதாமகன், வாரணம் ஆயிரம், அயன் மற்றும் சிங்கம் போன்ற திரைப்படத்தின் மூலமாகத் தமிழ் சினிமாவில் ரசிகர்கள் பட்டாளமே உருவாக்கியது.
இதையும் படிங்க :முதலில் நோ சொல்லிட்டேன்.. நடிகையர் திலகம் படம் குறித்து பேசிய கீர்த்தி சுரேஷ்!
சினிமாவில் முன்னணி கதாநாயகனாக மாறத் தொடங்கிய இவர் 2006ம் ஆண்டு நடிகை ஜோதிகாவை திருமணம் செய்துகொண்டார். திரைப்படங்களில் ஜோடியாக நடித்துப் பிரபலமாகிய இவர்கள் நிஜ வாழ்க்கையில் தற்போது ஜோடியாக இருந்து வருகின்றன.
தமிழ் சினிமாவில் பிரபல ஜோடிகள் என்றாலே நம் நினைவிற்கு வருவது சூர்யா மற்றும் ஜோதிகா தான். அந்த அளவிற்கு ரசிகர்களுக்கு இவர்களின் ஜோடி பிடிக்கும். இதையடுத்து ஜோடியாகப் பல திரைப்படங்களின் நடித்துள்ளனர். இந்நிலையில் சினிமாவில் ஆர்வம் காட்டிவரும் சூர்யா தற்போது நடிகராக மட்டுமில்லாமல், திரைப்படங்களைத் தயாரித்தும் வருகிறார்.
தற்போது இவரின் நடிப்பில் பெரிய பட்ஜெட்டில் வெளியான திரைப்படம் கங்குவா. இப்படம் கலவையான விமர்சனங்களைப் பெற்று திரையரங்குகளில் வெளியாகி வருகிறது. இப்படத்தினை தொடர்ந்து சூர்யா சூர்யா44 மற்றும் 45 போன்ற திரைப்படங்களில் நடித்துவருகிறார். இப்படத்தினை அடுத்தாக “கர்ணன்” திரைப்படத்தில் நடிக்க உள்ளார் எனக் கூறப்படுகிறது.
இதையும் படிங்க :‘தைரியம் கொடுத்த சமந்தாவின் அந்த கதாபாத்திரம்’: நடிகை ஐஸ்வர்யா லட்சுமி ஓப்பன் டாக்!
