ராயன் படத்தில் முக்கிய கதாப்பாத்திரத்தில் நடித்துள்ளார் தனுஷின் அக்கா கணவர் – வைரலாகும் போட்டோ

ராயன்

நடிகர் தனுஷ் இயக்கி நடித்துள்ளா ’ராயன்’ படத்தில் அவரின் இரண்டாவது அக்கா கணவரும் நடித்துள்ளார் என்ற தகவல் இணையத்தில் வேகமாக பரவி வருகின்றது. தனுஷ் தற்பொழுது அவரின் 50 வது படமான ‘ராயன்’ திரைப்படத்தை அவரே இயக்கி நடித்துள்ளார். இப்படத்தில், துஷாரா விஜயன், சந்தீப் கிஷன், காளிதாஸ் ஜெயராம், எஸ்.ஜே.சூர்யா, செல்வராகவன், அபர்ணா பாலமுரளி என பலர் நடித்துள்ளனர். படம் வட சென்னையை கதைக்களமாக கொண்டு உருவாகியுள்ளது. மேலும் இந்த படத்தில் தனுஷ் இதற்க்கு முன்பு எந்த படத்திலும், நடித்திராத கெட்டப்பான மொட்டை தலையுடன் நடித்துள்ளார். தனுஷின் 50-வது படமாக உருவாகி இருக்கும் இப்படத்தை சன் பிக்சர்ஸ் நிறுவனம் தயாரித்துள்ளது. இந்தப் படத்திற்கு இசைப் புயல் ஏ.ஆர்.ரகுமான் இசையமைத்துள்ளார்.

சிறு வயதிலேயே தனது பெற்றோரை தொலைத்த தனுஷ் கிராமத்தில் தங்களுக்கு பாதுகாப்பு இல்லாததை உணர்ந்து தனது இரண்டு தம்பிகள் மற்றும் தங்கையுடன் சென்னையை வந்தடைகிறார். அங்கு செல்வராகவனை சந்திக்கும் தனுஷ் அவருடைய உதவியால் வேலை, வீடு என தனது தம்பிகள், தங்கையை பார்த்துக்கொள்கிறார் தனுஷ். சிறு வயதிலேயே பெற்றோரை தொலைத்ததால் தனது தம்பிகள், தங்கைக்கு தகப்பன் ஸ்தானத்தில் இருந்து அவர்களை பாதுகாக்கிறார். அவர்களுக்கு எந்த பிரச்னை வந்தாலும் அவர்களை காக்கும் அரணாக நிக்கிறார் தனுஷ்.

இந்த நிலையில் எதிர்பாராத விதமாக தனது முதல் தம்பி சந்தீப்கிஷன் அந்த ஏரியாவில் பெரிய தாதாவாக இருக்கும் சரவணனின் மகனை கொலை செய்து விடுகிறார். அந்த தாதாவிடம் இருந்து தனது தம்பி மற்றும் குடும்பத்தை எப்படி காப்பாற்றினார் தனுஷ். அதன் பிறகு என்ன எல்லாம் நடந்தது என்பதே படத்தின் கதை. குடும்பம், பாசம், துரோகம், பழிவாங்கல் என வழக்கமான டெம்ப்ளேட்டுகள் தான் படத்தின் கதை என்றாலும் அதனை சுவாரஸ்யமாக கடத்தியுள்ளார் இயக்குநர் தனுஷ். படத்தில் ’அடங்காத அசுரன்’ பாடலில் வரும் ‘உசுரே நீ தானே நீ தானே’ என்ற வரிகள் ஏ.ஆர்.ரகுமானின் குரலில் முன்னதாக வெளியாகி சூப்பர் ஹிட் அடித்தது. இந்த பாடல் காட்சியாக எப்படி இருக்கும் என்பதை திரையரங்கில் பார்க்க ரசிகர்கள் காத்திருந்தனர். ரசிகர்களின் எதிர்பார்ப்புக்கு செம்ம ட்ரீட் கொடுக்கும் வகையில் முக்கியமான இடத்தில் இந்த வரிகள் ஏ.ஆர்.ரகுமானின் குரலில் ஒலித்த போது திரையரங்கே அதிர்ந்தது.

Also read… கணவரின் முதலாம் ஆண்டு நினைவு தினம்… சீரியல் நடிகையின் உருக்கமான பதிவு

இந்த நிலையில் கடந்த 26-ம் தேதி படம் திரையரங்குகளில் வெளியான நிலையில் படம் வசூலில் 100 கோடி ரூபாயை தாண்டி சென்று கொண்டிருக்கிறது. இந்த நிலையில், ராயன் படத்திற்கு மாபெரும் அங்கீகாரம் ஒன்று கிடைத்துள்ளது. ஆஸ்கர் விருதுகளை வழங்கும் அகாடமி நிறுவனமான அகாடமி ஆப் மோஷன் பிக்சர்ஸ் ஆர்ட்ஸ் அண்ட் சயின்ஸ் நிறுவனத்தில் உள்ள நூலகத்தில் வைக்க ராயன் படத்தின் திரைக்கதை புத்தகம் தேர்வு செய்யப்பட்டுள்ளது.

இந்த படத்தில் தனுஷின் சகோதரி கார்த்திகாவின் கணவர் கார்த்திக் ஆஞ்சியும் நடித்துள்ள தகவல் தற்போது இணையத்தில் தீயாய் பரவி வருகின்றது. இதுகுறித்த சில புகைப்படங்களை வெளியிட்டுள்ள கார்த்திகா … மிகவும் பெருமை கொள்வதாக இன்ஸ்டாகிராமில் பதிவு ஒன்றை போட்டுள்ளார்.