வெற்றிமாறனின் ’விடுதலை 2’… கேமியோவில் கலக்க வரும் பிரபல நடிகர்!
Viduthalai 2 Movie update: தற்போது படத்தின் இரண்டாம் பாகத்தில் இயக்குநர் வெற்றிமாறன் கவனம் செலுத்தி வருகிறார். முதல் பாகத்தின் படப்பிடிப்பின் போதே இரண்டாம் பாகத்திற்கான படப்பிடிப்பையும் தொடங்கிவிட்டார் வெற்றிமாறன். முதல் பாகத்தின் பல கேள்விகளுக்கும் இரண்டாம் பாகம் பதில் கூறும் என்று விஜய் சேதுபதி தனது சமீபத்திய நேர்காணல் ஒன்றில் கூறியிருந்தார்.
வெற்றிமாறனின் ’விடுதலை 2’
பிரபல இயக்குநர் வெற்றிமாறன் இயக்கத்தில் எல்ரெட் குமார் தயாரிப்பில் வெளிவந்தது விடுதலை திரைப்படம். நடிகர் சூரி கதையின் நாயகனாக நடிக்க அவருடன் விஜய் சேதுபதி நடித்திருந்தார். இவர்களுடன் பவானி ஸ்ரீ, கௌதம் வாசுதேவ் மேனன், சேத்தன், தமிழ், உள்ளிட்ட பலர் நடித்துள்ள இப்படத்துக்கு இளையராஜா இசையமைத்திருந்தார். இந்த திரைப்படம் கடந்த ஆண்டு மார்ச் 31 ஆம் தேதி வெளியானது. ஆர்.எஸ்.இன்ஃபோடைன்மென்ட் மற்றும் க்ராஸ் ரூட் ஃபிலிம் கம்பெனி இணைந்து தயாரித்திருந்த இப்படத்தை தமிழகத்தில் ரெட் ஜெயன்ட் நிறுவனம் வெளியிட்டது. ரசிகர்களிடையே நல்ல வரவேற்பை பெற்ற இப்படத்தில், ‘ஒன்னோட நடந்தா’, ‘வழி நெடுக காட்டுமல்லி’ ஆகிய இரண்டு பாடல்களும் ஹிட்டடித்தன. விமர்சகர்கள் மத்தியிலும் மக்கள் பாராட்டைப் பெற்றது. குறிப்பாக விடுதலை 1 வெளியானதில் இருந்து உலகளவில் பார்வையாளர்களின் கவனத்தைப் பெற்றது. ரசிகர்கள் மத்தியில் மட்டுமல்லாது, பல்வேறு சர்வதேச திரைப்பட விழாக்களிலும் இந்தப் படம் ஏராளமான பாராட்டுகளைப் பெற்றுள்ளது. இப்போது இது அடுத்தக் கட்டத்துக்கு நகர்ந்துள்ளது.
இந்நிலையில், தற்போது படத்தின் இரண்டாம் பாகத்தில் இயக்குநர் வெற்றிமாறன் கவனம் செலுத்தி வருகிறார். முதல் பாகத்தின் படப்பிடிப்பின் போதே இரண்டாம் பாகத்திற்கான படப்பிடிப்பையும் தொடங்கிவிட்டார் வெற்றிமாறன். முதல் பாகத்தின் பல கேள்விகளுக்கும் இரண்டாம் பாகம் பதில் கூறும் என்று விஜய் சேதுபதி தனது சமீபத்திய நேர்காணல் ஒன்றில் கூறியிருந்தார்.
Also read… தேவதை வம்சம் நீயோ… ராஷ்மிகா மந்தனாவின் நியூ ஆல்பம்
முதல் பாகத்தில் கேமியோ கேரக்டரில் இணைந்த விஜய் சேதுபதி தற்போது இரண்டாவது பாகத்தில் விரிவுபடுத்தப்பட்ட கேரக்டரில் நடித்து வருகிறார். வாத்தியார் கேரக்டரில் அவர் இந்த படத்தில் மாஸ் காட்டி வருகிறார். அவருக்கு முதல் பாகத்தில் ஜோடி இல்லாத சூழலில் தற்போது மஞ்சு வாரியர் இரண்டாவது பாகத்தில் ஜோடியாகியுள்ளார்.
இந்நிலையில் இந்த படத்தில் முன்னணி நடிகர் ஒருவர் கேமியோ ரோலில் நடிக்க இணைந்துள்ளதாக தகவல் வெளியாகியுள்ளது. அதன்படி இப்படத்தில் பிரபல நடிகர் எஸ்.ஜே.சூர்யா நடிப்பதாக கூறப்படுகிறது. இது ரசிகர்களுக்கு மேலும் உற்சாகத்தை ஏற்படுத்துவதாக அமைந்துள்ளது. எஸ்.ஜே சூர்யா எம்மாதிரி கதாப்பாத்திரத்தில் நடிக்க போகிறார் என்ற எதிர்பார்ப்பு ரசிகர்களிடம் உருவாகியுள்ளது.