சமந்தாவிற்கு கோவில் கட்டிய ரசிகர்… வைரலாகும் போட்டோ

நடிகை சமந்தா ரூத் பிரபுவிற்கு நடிகர் ஒருவர் கோவில் கட்டியிருப்பது தற்போது இணையத்தில் வைரலாகி வருகின்றது. நடிகர் அதர்வாவின் நடிப்பில் வெளியான பானா காத்தாடி படத்தின் மூலம் தமிழ் சினிமாவில் அறிமுகம் ஆனார் சமந்தா. முதல் படத்திலேயே ரசிகர்களின் கவனத்தை ஈர்த்தவர் நடிகை சமந்தா. அதனைத் தொடர்ந்து தெலுங்கு திரையுலகின் நேச்சுரல் ஸ்டார் என அழைக்கப்படும் நானியுடன் இணைந்து ‘நான் ஈ’ படத்தில் நடித்ததன் மூலம் தமிழ் சினிமாவின் கியூட் நாயகியாக வலம் வரத் தொடங்கினார் சமந்தா. தொடர்ந்து தமிழ் சினிமாவின் முன்னணி நடிகர்களான விஜய், சூர்யா, தனுஷ், சிவகார்த்திகேயன், விஜய் சேதுபதி உள்ளிட்டவர்களுக்கு நாயகியாக நடிக்கத் தொடங்கினார் சமந்தா. சமந்தாவும் டோலிவுட் நடிகர் நாக சைதன்யா இருவரும் காதலித்து கடந்த 2017-ஆம் ஆண்டு பிரம்மாணடமாக திருமணம் செய்து கொண்டனர்.

இந்த திருமணம் நடைப்பெற்ற 4 ஆண்டுகளிலேயே தோல்வியில் முடிந்தது. 2021-ம் ஆண்டு நடிகர்கள் சமந்தா மற்றும் நாக சைதன்யா இருவரும் தங்கள் பிரிவை அதிகாரப்பூர்வமாக அறிவித்தனர். அதனை தொடர்ந்து தாயாக வேண்டாம் என்பதற்காக சமந்த இந்த விவாகரத்து முடிவை எடுத்ததாகவும் பல விமர்சனங்களை சினிமா வட்டாரங்களிலும் சமூக வலைதளங்களிலும் எதிர்கொண்டார் சமந்தா.

அதனை தொடர்ந்து சர்ச்சைகளையும் வதந்திகளையும் பொருட்படுத்தாமல் வெப் சீரிஸ், படங்கள் என படு பிசியாக நடித்து வந்தார் நடிகை சமந்தா. பின்னர் கடந்த 2022-ம் ஆண்டு தனக்கு மயோசிடிஸ் என்ற அறிய வகை நோய் இருப்பதாக சமந்தா தெரிவித்தார். அது சமந்தாவின் ரசிகர்களுக்கு பேரதிர்ச்சியாக இருந்தது.

Also read… டிசம்பரில் கீர்த்தி சுரேஷிற்கு திருமணமா? இணையத்தை கலக்கும் தகவல்

ப்டங்களில் நடிப்பதில் இருந்து விலகி ஓய்வு எடுக்க முடிவு செய்தார் சமந்தா. அந்த நேரத்தில் படங்களில் நடிக்க வாங்கிய முன்பணத்தையும் தயாரிப்பாளர்களிடம் திருப்பி அளித்தார் சமந்தா. அதனை தொடர்ந்து திரைப்படங்களில் நடிப்பதில் இருந்து சிறிது காலம் விலகி சிகிச்சையில் கவனம் செலுத்த தொடங்கினார்.

சிகிச்சையின் போதும் தொடர்ந்து சமூக வலைதளங்களில் ஆக்டிவாக இருந்து வந்தார் நடிகை சமந்தா. சிகிச்சை தொடர்பான புகைப் படங்களையும் பதிவிட்டு வந்தார். அவர் விரைவில் குணமடைய ரசிகர்களும் பிராத்தனை செய்து வந்தனர்.இந்த நிலையில் சிகிச்சைகள் முடிந்து தற்போது மீண்டும் சமந்தா நடிக்க தொடங்கியுள்ளனர்.

Also read… Bigg Boss Tamil Season 8: பிக்பாஸ் டாஸ்கில் வன்மத்தை கொட்டிய ஜாக்குலின் – கேள்வி கேட்ட விஜய் சேதுபதி

சமந்தா தற்போது இயக்குனர் ராஜ் மற்றும் டி.கே இயக்கத்தில் உருவாகியுள்ள ‘சிட்டாடல்’ என்ற வெப் தொடரில் நடித்துள்ளார். இந்த வெப் தொடரில் நடிகர் வருண் தவான் முக்கிய கதாபாத்திரத்தில் நடித்துள்ளார். இந்த தொடர் அமேசான் ப்ரைம் ஓடிடி தளத்தில் வெளியாகியுள்ளது.

இந்த சீரிஸ் வெளியாகி தற்போது வெற்றி நடைபோட்டு வருகின்றது. இந்த நிலையில் சமந்தாவின் ரசிகர் ஒருவர் அவருக்காக கோவில் கட்டியது தொடர்பான புகைப்படங்கள் இணையத்தில் வெளியாகி வைரலாகி வருகின்றது. அதன்படி அவர் கடந்த ஆண்டு ஏப்ரல் மாதம் சமந்தாவின் பிறந்த நாளில் அந்த கோவிலை கட்டியுள்ளார். அது தொடர்பான படங்கள் தான் தற்போது இணையத்தில் வைரலாகி வருகின்றது.