ஓடிடியில் இந்த வாரம் கண்டிப்பாக பார்க்கவேண்டிய திரைப்படங்கள்!

திரைப்படங்கள் திரையரங்குகளில் வெளியாகி வெற்றி பெற்றாலும் ஓடிடியில் வெளியாகிய பிறகுதான் அதிகமாக மக்களிடையே செல்கின்றனர். உச்ச நடிகர்களின் திரைப்படங்கள் திரையரங்குகளில் வெளியாகி வசூலைப் பெற்று வெற்றியடைவதை விட ஓடிடி இணையதளங்களில் வெளியாகி அதிக வசூலைப் பெற்றுவருகிறது. அந்த விதத்தில் இந்தவார வீக் எண்டில் கண்டிப்பாகப் பார்க்கவேண்டிய திரைப்படங்களின் லிஸ்ட் இருக்கிறது. இந்நிலையில் இந்த வாரம் ஓடிடி இணையதளங்களில் ராக்கெட் ட்ரைவர் திரைப்படம், கிஷ்கிந்தா காண்டம், விவேசினி மற்றும் மார்டின் போன்ற திரைப்படங்களும் வெப் தொடர்களும் வெளியாகி உள்ளது. ஆக்ஷ்ன், த்ரில்லர் , நகைச்சுவை மற்றும் ஹாரர் போன்ற கதையம்சம் கொண்ட இந்த திரைப்படங்களை மறக்காமல் பாருங்க.

ராக்கெட் ட்ரைவர்:

தமிழ்த் திரைப்பட அறிமுக இயக்குநர் ஸ்ரீராம் ஆனந்த சங்கர் இயக்கத்தில் வெளியான இந்த திரைப்படத்தை “ஸ்டோரீஸ் பை தி ஷோர்” என்ற நிறுவனம் தயாரித்துள்ளது. இந்த ராக்கெட் ட்ரைவர் திரைப்படத்தின் கதையானது பேண்டஸி, நகைச்சுவை டிராமா போன்ற கதைக்களத்துடன் இந்த திரைப்படம் உள்ளது.

இந்த திரைப்படத்தில் நடிகை சுனைனா, காக்க விஷால், காத்தாடி ராமமூர்த்தி, மற்றும் பலரும் இந்த திரைப்படத்தில் நடித்துள்ளார். இந்த திரைப்படத்தின் பிரதானம் கதையானது மறைந்த ஏ.பி.ஜி அப்துல்கலாம் இக்கால உயிர்பெற்று மறுபடியும் வந்தால் எப்படி இருக்கும் என்ற கற்பனை கதையை அடிப்படையாகக் கொண்டு கடந்த மாதம் வெளியாகி உள்ளது. இந்த திரைப்படமானது “சிம்பிலி சவுத்” என்ற ஓடிடி தளத்தில் தற்போது வெளியாகி மக்களிடையே நல்ல வரவேற்பைப் பெற்று வருகிறது.

இதையும் படிங்க :அமரன் படக்குழுவிற்கு சிக்கல்… ரூ. 1 கோடி நஷ்ட ஈடு கேட்டு மாணவர் நோட்டீஸ்

கிஷ்கிந்தா காண்டம்:

கிஷ்கிந்தா காண்டம் என்ற இந்த திரைப்படமானது இயக்குநர் திஞ்சித் அய்யாதன் இயக்கத்தில் வெளியான மலையாள திரைப்படமாகும். இந்த திரைப்படமானது மலையாள மொழியில் வெளியான மர்மம் நிறைத்த த்ரில்லர் திரைப்படமாகும் . இந்த திரைப்படத்தில் முன்னணி கதாபாத்திரமாக நடிகர் ஆசிஃப் அலி , அபர்ணா பாலமுரளி மற்றும் விஜயராகவன் ஆகியோர் நடித்துள்ளனர்.

இப்படத்தின் கதையானது குரங்குகள் அதிகம் இருக்கும் கல்லேபதி காட்டில் நடிகர் ஆசிஃப் அலி மற்றும் அவரின் தந்தை (அப்பு பிள்ளை) இருவரும் இருப்பார்கள். பின் நடிகர் ஆசிஃப் அலி மற்றும் நடிகை அபர்ணா பாலமுரளி திருமணம் செய்துகொள்வார்கள் இவர்களின் திருமணத்தை அடுத்து அங்கு நடக்கும் மர்ம கதைகளைக் கொண்டு இந்த திரைப்படம் செல்லும். இந்த கிஷ்கிந்தா காண்டம் திரைப்படம் 2024ம் ஆண்டு அதிக வசூல் பெற்ற கேரளா மொழி திரைப்படத்தில் 9வது இடத்தில் உள்ளது. இந்த திரைப்படம் தற்போது டிஸ்னி ப்ளஸ் ஹாட்ஸ்டாரில் கடந்த 19/11/2024/ல் வெளியாகியுள்ளது.

இதையும் படிங்க :சூர்யாவின் கங்குவா திரைப்படத்தின் ஒரு வார வசூல்.. வெளியான தகவல்!

விவேசினி :

தமிழ்த் திரைப்பட இயக்குநர் பவன் ராஜகோபாலன் இயக்கத்தில் வெளியான திரைப்படம் விவேசினி. இந்த திரைப்படமானது “லாபர்னம்” நிறுவனம் தயாரிப்பில், இசையமைப்பாளர் ரிஷப் நாகேந்திரா இசையமைத்துள்ளார். இந்த திரைப்படத்தில் நடிகர்கள் நாசர், காவ்யா, சுராஜ் மற்றும் வனேசா ஸ்டீவன்சன் போன்ற பல பிரபலங்களும் இந்த திரைப்படத்தில் இணைந்து நடித்துள்ளனர்.

இந்த திரைப்படத்தின் கதையானது காடுகளுக்குள் ட்ரெக்கிங் சென்றவர்களுக்கு அங்கு ஏற்படும் மோதல்களையும் பின் அவர்கள் எப்படி வீடு திரும்பி சத்யா தாது அப்பாவை எப்படிச் சந்திக்கிறார் என்று பிரதானமாக அப்பா, மகளின் உணர்ச்சிகளையும் மோதல்களையும் வெளிப்படுத்து அழகான திரைப்படமாகும். திரில்லர் மற்றும் உணர்ச்சிப் பூர்வமான கதைகளுடன் இருக்கும் இந்த திரைப்படமானது “ஆஹா தமிழ்” ஓடிடி தளத்தில் வெளியாகி உள்ளது.

இதையும் படிங்க :புஷ்பா 2 படத்தில் நடிக்க ஃபகத் பாசில் வாங்கிய சம்பளம் இவ்வளவா? பரவும் தகவல்!

மார்டின் :

இந்த திரைப்படத்தைக் கன்னட இயக்குநர் ஏ.பி. அர்ஜுன் இயக்கத்தில் வெளியான ஆக்ஷன் த்ரில்லர் திரைப்படமாகும் . இந்த திரைப்படத்தில் நடிகர்கள் துருவா சர்ஜாவுடன் வைபவி சாண்டில்யா , அன்வேஷி ஜெயின், சுக்ருதா வாக்லே , அச்யுத் குமார் மற்றும் நிகிதின் தீர் எனப் பல பிரபல நடிகர்கள் நடித்துள்ளனர்.

மிகப் பிரம்மாண்ட படைப்பாக உருவான இந்த திரைப்படமானது கடந்த அக்டோபர் 11ம் தேதி திரையரங்குகளில் வெளியாகி மக்களிடையே நல்ல வரவேற்பைப் பெற்ற நிலையில் தற்போது நவம்பர் 22ம் தேதியான இன்று “ஆஹா தமிழ்” ஓடிடி இணையதளத்தில் வெளியாகி உள்ளது.

இதையும் படிங்க :இந்த வாரம் திரையரங்குகளில் வெளியாகும் திரைப்படங்கள்! எப்போது தெரியுமா?