சூரியின் ‘கருடன்’ படம் ஓடிடியில் எப்போ ரிலீஸ் தெரியுமா? – வைரலாகும் தகவல்!

கருடன்

நடிகர் சூரி நடிப்பில் கடந்த மே 31-ம் தேதி திரையரங்குகளில் வெளியான ‘கருடன்’ திரைப்படம் ஓடிடியில் எப்போது வெளியாகும் என்ற தகவல் இணையத்தில் வெளியாகி வைரலாகி வருகின்றது. ‘எதிர் நீச்சல்’, ‘காக்கிச் சட்டை’, ‘கொடி’, ‘பட்டாசு’ படங்களை இயக்கிய துரை செந்தில்குமார் இயக்கத்தில் நடிகர் சூரி கதையின் நாயகனாக நடித்தப் படம் ‘கருடன்’. காமெடி நடிகராக தமிழ் சினிமாவில் கலக்கிக்கொண்டிருந்த நடிகர் சூரி, இயக்குநர் வெற்றிமாறனின் விடுதலை படத்திற்கு பின் கதாநாயகனாக மாறியிருக்கிறார். இப்படம் அவருக்கு மக்களிடையே நல்ல வரவேற்பை ஏற்படுத்தி கொடுத்ததால் அடுத்தடுத்து நல்ல ஹீரோயிசம் உள்ள கதைகளில் தற்போது நடித்து வருகிறார். அந்த வகையில் தற்போது வெற்றிமாறன் கதையில் சூரி நடித்துள்ள படம் ‘கருடன்’.

படத்தில் சூரி தவிர்த்து, சசிகுமார், உன்னி முகுந்தன், ஷிவதா, ரோஷினி ஹரிபிரியன், சமுத்திரக்கனி, மைம் கோபி, ஆர்.வி.உதயகுமார், வடிவுக்கரசி உள்ளிட்ட பலர் நடித்துள்ளனர். படத்துக்கு யுவன் சங்கர் ராஜா இசையமைத்துள்ளார். “நம்ம ஆசைப்பட்ட ஒரு விஷயத்துக்காக தப்பான வழியில போனா, கடவுளோ, இயற்கையோ அத சரியான வழியில முடிச்சு வைக்கும். ஏன்னா அது நம்ம தலைக்கு மேல கருடனா சுத்திட்டு இருக்கு” என்ற வசனத்துடன் தொடங்கும் ட்ரெய்லர் சமீபத்தில் இணையத்தில் வெளியாகி பேசுபொருளானது. இந்நிலையில் இந்தப் படம் கடந்த மே மாதம் 31-ம் தேதி திரையரங்குகளில் வெளியானது.

Also read… கொலை வழக்கில் கைதான நடிகர் தர்ஷனுக்கு 14 நாட்கள் நீதிமன்ற காவல் விதிப்பு

கிராமத்துப் பின்னணியில் எடுக்கப்பட்டுள்ள இந்தப் படம் விமர்சனரீ தியாக நல்ல வரவேற்பை பெற்றுள்ள நிலையில், வசூலிலும் நல்ல வரவேற்பை பெற்றது. இந்நிலையில் கருடன் திரைப்படம் ஓடிடியில் எப்போது ரிலீஸாகும் என்பது குறித்த தகவல் வெளியாகியிருக்கிறது. அதன்படி ஜூலை முதல் வாரத்தில் அமேசான் ப்ரைம் ஓடிடி தளத்தில் கருடன் ஸ்ட்ரீமாகும் என்று தகவல் இணையத்தில் தற்போது வைரலாகி வருகின்றது. ஆனால், இதுகுறித்த அதிகாரப்பூர்வ அறிவிப்பை படக்குழு இன்னும் வெளியிடவில்லை என்பது குறிப்பிடதக்கது.