தெய்வங்கள் எல்லாம் தோற்றே போகும்… வைரலாகும் இளையராஜா – யுவன் போட்டோஸ்!

இளையராஜா - யுவன்

மொரீஷியஸில் இளையராஜாவும் மகன் யுவன்ஷங்கர் ராஜாவும் மாறி மாறி உணவு ஊட்டிக் கொண்டு அன்பை பொழிந்திருக்கும் புகைப்படம் தற்போது இணையத்தில் வைரலாகி வருகின்றது.

தன் பாடல்களுக்கான முழு காப்புரிமை கோரி இளைராஜா தொடர்ந்துள்ள வழக்கு காரணமாக அவர் இணையத்தில் தொடர்ந்து ட்ரெண்டிங்கில் இருந்து வருகிறார். இந்நிலையில் கடந்த சில தினத்திற்கு முன்பு மொரீஷியஸ் சென்றிருப்பதாக பதிவிட்டிருந்தார். மொரீஷியஸ் தீவில் கடற்கரையைப் பார்த்தபடி ரிலாக்ஸ் செய்திருக்கும் புகைப்படத்தையும் பகிர்ந்தார் இளையராஜா.

இந்நிலையில் தன் மகன் யுவன் ஷங்கர் ராஜாவுடம் தான் இணைந்திருக்கும் க்யூட் புகைப்படம் ஒன்றை  நேற்று இளையராஜா பகிர்ந்திருந்தார். அங்கு ரெஸ்டாரண்ட் ஒன்றில் யுவனுக்கு உணவு ஊட்டும்படியான புகைப்படம் ஒன்றைப் பகிர்ந்து யுவனும் மொரீஷியஸ் வந்திருப்பதாக சொல்லி இருக்கிறார் இளையராஜா. யுவனும் தனது அப்பா இளையராஜாவுக்கு உணவு ஊட்டிவிட்டு அன்பைப் பகிர்ந்துள்ளார்.

Also read… ஐஸ்வர்யா ரஜினிகாந்தின் புது பீச் ஹவுஸ்… வைரலாகும் வீடியோ!

இந்நிலையில், தன் தந்தை இளையராஜாவுக்கு உணவு ஊட்டி விடும் வகையில் அவரது மகன் யுவனும் க்யூட் புகைப்படம் ஒன்றை இதயம் எமோஜியுடன் தற்போது தன் சமூக வலைதளப் பக்கத்தில் பகிர்ந்துள்ளார். இப்படி அப்பா- மகன் இருவரும் மாறி மாறி அன்பைப் பகிர்ந்திருக்கும் இந்தப் புகைப்படத்திற்கு ரசிகர்கள் ஹார்ட்டின் பறக்க விட்டு வருகின்றனர்.