பிரபல மலையாள நடிகர் சௌபின் ஷாகீர் அலுவலகத்தில் வருமான வரித்துறை சோதனை

பிரபல மலையாள நடிகர் சௌபின் ஷாகீர் அலுவலகத்தில் வருமான வரித்துறையின் தற்போது சோதனை நடத்தியுள்ளனர். மலையாள திரையுலகில் நடிகர், இயக்குநர், தயாரிப்பாளர் என பன்முகத் தன்மை கொண்டவர் சௌபின். இவரது நடிப்பில் முன்னதாக வெளியான மஞ்சுமல் பாய்ஸ் படம் மலையாளம் மட்டும் இன்றி தமிழ் திரையுலகிலும் சூப்பர் ஹிட் அடித்தது. இதனை தொடர்ந்து தமிழ் ரசிகர்களிடையே நன்கு பரிச்சையமான நபராக மாறினார் சௌபின். தற்போது நடிகர் ரஜினி நடிப்பில் உருவாகி வரும் கூலி படத்தில் முக்கிய கதாப்பாத்திரத்தில் நடித்து வருகிறார். இந்த நிலையில் முன்னதாக ஜூன் மாதம் பண மோசடி வழக்கில் நடிகர் சௌபினிடம் அமலாக்கத்துறை விசாரணை நடத்தியது. தற்போது அவரது அலுவலகத்தில் வருமான வரித்துறையினர் சோதனை நடத்தி வருகின்றனர்.

இயக்குநர் சிதம்பரம் இயக்கத்தில் நடிகர்கள் சௌபின், ஸ்ரீநாத் பாசி உள்பட பலர் நடித்த படம் மஞ்சுமல் பாய்ஸ். சௌபின் தனது பறவா தயாரிப்பு நிறுவனம் சார்பில் நண்பர்களுடன் இணைந்து இந்தப் படத்தைத் தயாரித்திருந்தார். கேரளாவின் மஞ்சும்மல் பகுதியைச் சேர்ந்த சில இளைஞர்கள் கொடைக்கானலுக்கு சுற்றுலா செல்கின்றனர்.

சுற்றுலா வந்த நிலையில் அந்த நண்பர்களில் ஒருவர் டெவில்ஸ் கிச்சன் என்கிற 900 அடிகள் கொண்டதாகக் கருதப்படும் மலைக்குகைக்குள் விழுந்துவிடுகிறார். உடன் வந்த நண்பர்கள் போராடி அவனை மீட்ட உண்மைக் கதையை மையமாக வைத்து மஞ்சுமல் பாய்ஸ் திரைப்படம் எடுக்கப்பட்டது.

அபாயகரமான டெவில்ஸ் கிச்சன் குகை பகுதியில் நடிகர் கமல் தனது நடிப்பில் குணா படத்தை எடுத்த பிறகே அந்தக் குகை குறித்து வெளி உலகுக்கு தெரியவந்தது. அன்று முதல் அந்த குகை, குணா குகை என்று மக்களால் அழைக்கப்படுகிறது. குணா படத்தில் இடம்பெறும் கண்மணி அன்போட… பாடல் காட்சி அங்கு வைத்துதான் எடுக்கப்பட்டது.

Also read… கோலாகலமாக நடந்தது சீரியல் நடிகர்கள் வெற்றி வசந்த் – வைஷ்ணவி திருமணம்

இந்தப் படத்தைப் பார்த்து குணா குகைக்கு கேரளாவில் இருந்து சென்றவர்கள்தான் மஞ்சும்மல் பாய்ஸ். மலையாளத்தில் கடந்த பிப்ரவரி மாதம் வெளியான இந்தப் படம் மஞ்சும்மல் பாய்ஸ். தமிழ், தெலுங்கு, மலையாளம் என எல்லா மொழிகளிலும் சக்கை போடு போட்ட இப்படம் 200 கோடிக்கும் மேலாக வசூல் செய்தது.

குணா படத்தின் கண்மணி அன்போடு… பாடலோடுதான் மஞ்சும்மல் பாய்ஸ் படத்தின் டைட்டில் தொடங்கும். குழிக்குள் விழுந்த நண்பனை மேலே மீட்டு வருகையில், மனிதர் உணர்ந்து கொள்ள இது மனிதக் காதல் அல்ல என்ற கமலின் குரல் ஒலிக்கும்.

குழிக்குள் விழுந்தவன் பிழைப்பானா? அவனை காப்பாற்ற முடியுமா? என்று சீட்டின் நுனியில் அமர்ந்திருந்த ரசிகர்கள் குழிக்குள் விழுந்தவனை நண்பர்கள் மீட்கும் தருணம் உணர்ச்சிகரமாக இருந்தது. அந்த நேரத்தில் மனிதர் உணர்ந்து கொள்ள இது மனிதக் காதல் அல்ல என்ற பாடல் வரி ஒலித்து திரையரங்கிள் உள்ள ரசிகர்களின் உணர்ச்சியை உச்சத்திற்குக் கொண்டு சென்றது.

Also read… கார் ரேஸ் பயிற்சியில் நடிகர் அஜித்… இணையத்தை தெறிக்கவிடும் போட்டோஸ்!

இதில் குழியில் விழுந்த தனது நண்பனை காப்பாற்றும் கதாப்பாத்திரத்தில் நடிகர் சௌபின் நடித்திருந்தார். இந்த கதாப்பத்திரத்திற்கு ரசிகர்களிடையே நல்ல வரவேற்பைப் பெற்றது. இந்தப் படத்திற்கு பிறகு தமிழ் ரசிகர்கள் மத்தியிலும் சௌபினுக்கு நல்ல வரவேற்பு கிடைத்தது. தற்போது தமிழ் படங்களில் நடிக்கவும் தொடர்ந்து கமிட்டாகி வருகிறார் சௌபின்.

இந்த நிலையில் தற்போது இயக்குநர் லோகேஷ் கனகராஜ் இயக்கத்தில் நடிகர் சூப்பர் ஸ்டார் ரஜினிகாந்த நடிப்பில் உருவாகி வரும் கூலி படத்தில் முக்கிய கதாப்பத்திரத்தில் நடித்து வருகிறார். இந்த நிலையில் நடிகர் சௌபின் ஷாகிரின் நிறுவனத்தில் தற்போது வருமான வரித்துறையினர் சோதனை நடத்தி வருகின்றனர்.