Indian 2: ரசிகர்களுக்கு ஹேப்பி நியூஸ் சொன்ன இந்தியன் 2 படக்குழு!
Indian 2 Release update: இதுவரை படத்தின் போஸ்டர்களும், அவ்வப்போது சில வீடியோக்களும் வெளிவந்துள்ளன. ஆனால் அதை தவிர்த்து படம் குறித்த எந்த அப்டேட்களையும் படக்குழு வெளியிடாமல் இருந்தது. இந்தியன் 2 படத்தின் படப்பிடிப்பு இறுதிக்கட்டத்தை எட்டியுள்ள நிலையில், அதன் வெளியீட்டு வேலைகளும் மும்முரமாக நடக்கத் தொடங்கியது.
இந்தியன் 2
இயக்குனர் ஷங்கர் இயக்கத்தில் 28 ஆண்டுகளுக்கு முன் கமல்ஹாசன் நடித்த திரைப்படம் ‘இந்தியன்’. இந்த திரைப்படம் ரசிகர்களின் மத்தியிலும் பெரும் வரவேற்பை பெற்ற நிலையில் வசூல் ரீதியாகவும் நல்ல வரவேற்பை பெற்றது. இதை தொடர்ந்து இந்தியன்-2 மீதான எதிர்பார்ப்பு ரசிகர்களிடம் அதிகரித்தது. இந்நிலையில் ஷங்கர் இயக்கத்தில் கமல்ஹாசன் ‘இந்தியன் 2’ படத்தில் தற்போது நடித்துள்ளார். மேலும் காஜல் அகர்வால், சித்தார்த், ரகுல் ப்ரீத் சிங், பிரியா பவானி சங்கர், சமுத்திரக்கனி, பாபி சிம்ஹா, டெல்லி கணேஷ், ஜெயபிரகாஷ், குரு சோமசுந்தரம், வெண்ணிலா கிஷோர், ஜார்ஜ் மரியான், உள்ளிட்ட பலர் நடித்துள்ள இந்தப் படத்தின் படப்பிடிப்பு முடிவடைந்துவிட்டது. பான் இந்தியா படமான இதற்கு அனிருத் இசையமைக்கிறார்.
இதற்கு முந்தைய படங்களில் ஏ.ஆர்.ரகுமான் அல்லது ஹாரிஷ் ஜெயராஜ் ஆகிய இரு இயக்குனர்களுடன் மட்டும் பணியாற்றி வந்த ஷங்கர், தற்போது முதன்முறையாக அனிருத் உடன் கூட்டணி அமைத்துள்ளார். லைகா மற்றும் ரெட் ஜெயண்ட் நிறுவனங்கள் இணைந்து மிகப்பெரிய பட்ஜெட்டில் இப்படத்தை தயாரித்துள்ளன.
Also read… சின்னத்திரை டூ வெள்ளித்திரை… நாயகியாக களமிறங்கும் ’சிறகடிக்க ஆசை’ சீரியல் நடிகை!
இதுவரை படத்தின் போஸ்டர்களும், அவ்வப்போது சில வீடியோக்களும் வெளிவந்துள்ளன. ஆனால் அதை தவிர்த்து படம் குறித்த எந்த அப்டேட்களையும் படக்குழு வெளியிடாமல் இருந்தது. இந்தியன் 2 படத்தின் படப்பிடிப்பு இறுதிக்கட்டத்தை எட்டியுள்ள நிலையில், அதன் வெளியீட்டு வேலைகளும் மும்முரமாக நடக்கத் தொடங்கியது. அதன்படி இப்படத்தை ஜூன் மாதம் திரைக்கு கொண்டு வரும் முடிவில் இருந்த படக்குழு, பின்னணி பணிகள் முடிய தாமதம் ஆவதால் அதன் ரிலீஸ் தேதியை தள்ளி வைத்துள்ளது.
#Indian2 Releasing worldwide in cinemas 12th July 2024! #1stSingleFromIndian2@shankarshanmugh @anirudhofficial @LycaProductions #Subaskaran @RedGiantMovies_ @dop_ravivarman @sreekar_prasad @muthurajthangvl #Siddharth @MsKajalAggarwal @Rakulpreet @iam_SJSuryah @Actor_Vivek… pic.twitter.com/KgQSuB6I6V
— Kamal Haasan (@ikamalhaasan) May 19, 2024
இதனிடையே சமீபத்தில் சேனாபதியின் செம டெரர் க்ளோஸப் லுக் வெளியானதுடன் படத்தை ஜூன் மாதம் வெளியிடுவதாகத் தயாரிப்பு நிறுவனம் அதிகாரப்பூர்வமாக அறிவித்து இருந்தது. இப்படத்தின் இறுதி கட்டப் பணிகளில் கிராபிக்ஸ் காட்சிகள் அதிகமாக இருப்பதால் கால அவகாசம் அதிகம் தேவைப்படுகிறது. எனவே படம் வரும் ஜூலை 12 ஆம் தேதி இந்தியன் 2 படத்தின் புதிய ரிலீஸ் தேதி என்றும் தகவல்கள் முன்னதாக இணையத்தில் வெளியாகி பரவியது. இந்நிலையில் இது தொடர்பான அதிகாரப்பூர்வ அறிவிப்பை படக்குழு தற்போது வெளியிட்டுள்ளது. படத்தின் முதல் பாடல் மே 22 ஆம் தேதி வெளியாகும் என படக்குழுவினர் அதிகாரப்பூர்வ போஸ்டரை வெளியிட்டுள்ளனர்.