பிரதீப் ரங்கநாதன் நியூ மூவி அப்டேட்.. தயாரிக்கும் பிரபல நிறுவனம்?

பிரதீப் ரங்கநாதன்

தமிழ் சினிமாவில் இயக்குநராக அறிமுகமாகி பின் தற்போது நடிகராக இருந்து வருபவர் பிரதீப் ரங்கநாதன். 2019ம் ஆண்டு நடிகர் ஜெயம் ரவி மற்றும் நடிகை காஜல் அகர்வால் நடிப்பில் நகைச்சுவை நிறைந்த ‘கோமாளி’ திரைப்படத்தின் இயக்குநராக சினிமாவில் அறிமுகமாகியவர் பிரதீப் ரங்கநாதன். இந்த திரைப்படத்தினை தொடர்ந்து இவரின் இயக்கத்தில் மற்றும் நடிப்பில் வெளியாகி தமிழ் சினிமாவில் மிகப் பிரம்மாண்ட வரவேற்பைப் பெற்ற திரைப்படம் ‘லவ் டுடே’.

இந்த திரைப்படத்தின் மூலம் நடிகராகப் பிரபலமாகிய இவருக்குத் திரைப்படங்களில் இயக்குவதை விட நடிப்பதற்கான வாய்ப்புகள் அதிகம் கிடைத்தது. இந்த திரைப்படத்தினை தொடர்ந்து இயக்குநர் விக்னேஷ் சிவன் இயக்கத்தில் ‘லவ் இன்சுரன்ஸ் கம்பெனி’, மற்றும் இயக்குநர் அஸ்வத் மாரிமுத்து இயக்கத்தில் ‘டிராகன்’ போன்ற திரைப்படங்களில் நடித்துவருகிறார். இந்த திரைப்படங்களைத் தொடர்ந்து இவர் அடுத்த திரைப்படத்தில் நடிக்க இருப்பதாகத் தகவல்கள் வெளியாகி வருகிறது.

நடிகர் பிரதீப் ரங்கநாதனின் 4வது திரைப்படத்தை இயக்குநர் சுதா கொங்கரா இயக்க உள்ளதாகவும் மற்றும் இந்த திரைப்படத்தை புஷ்பா திரைப்படத்தைத் தயாரித்த மைத்ரி மூவி மேக்கர்ஸ் தயாரிக்க உள்ளதாகவும் லேட்டஸ்ட் அப்டேட் வெளியாகி உள்ளது.

இதையும் படிங்க:’அமரன்’ படத்தின் ஓடிடி ரிலீஸ் எப்போது? இணையத்தில் வைரலாகும் தகவல்

நடிகர் பிரதீப்பின் நான்காவது திரைப்படமான இதில் இவருக்கு ஜோடியாக மீண்டும் நடிகை கீர்த்தி ஷெட்டி நடிக்க இருப்பதாகவும் கூறப்படுகிறது. இயக்குநர் சுதா கொங்கரா தற்போது தமிழில் புறநானூறு திரைப்படத்தை இயக்குவதில் மும்முரமாக இருந்துவரும் நிலையில் புறநானூறு வெளியீட்டிற்குப் பிறகு இந்த திரைப்படம் உருவாகும் என்று எதிர்பார்க்கப்படுகிறது.

பிரபல தெலுங்கு தயாரிப்பு நிறுவனமான மைத்ரி மூவி மேக்கர்ஸ் தற்போது தமிழில் நடிகர் அஜித்தின் “குட் பேட் அக்லி” திரைப்படத்தைத் தயாரித்துவரும் நிலையில் நடிகர் பிரதீப் ரங்கநாதனின் திரைப்படத்தை இரண்டாவதாகத் தயாரிக்க உள்ளது. இந்த திரைப்படத்தின் படப்பிடிப்பானது அடுத்த ஆண்டு இறுதியில் இருக்கும் என்று எதிர்பார்க்கப்படுகிறது.

இதையும் படிங்க:Rashmika Mandanna: யாருன்னு எல்லாருக்கும் தெரியும் – காதலர் பற்றி ராஷ்மிகா பேச்சு!

நடிகர் பிரதீப் ரங்கநாதன் தற்போது ‘லவ் இன்சுரன்ஸ் கம்பெனி மற்றும் டிராகன்’ போன்ற திரைப்படங்களில் நடித்துவருகிறார். இயக்குநர் விக்னேஷ் சிவன் இயக்கத்தில் “லவ் இன்சுரன்ஸ் கம்பெனி” திரைப்படம் இறுதிக்கட்ட படப்பிடிப்பிலிருந்துவரும் நிலையில் இப்படம் வருகின்ற அடுத்த ஆண்டு பிப்ரவரி 14ம் தேதி காதலர் தினத்தோடு வெளியாகும் என்று கூறப்படுகிறது.

இந்த திரைப்படத்தில் நடிகர் பிரதீப் ரங்கநாதனுக்கு ஜோடியாகக் கீர்த்தி ஷெட்டி நடித்துவருகிறார். மற்றும் இப்படத்தில் முக்கிய கதாபாத்திரமாக எஸ்.ஜே.சூர்யா, யோகிபாபு, மற்றும் கௌரி ஜி கிருஷ்ணன் போன்றவர்கள் நடித்துவருகின்றனர். அனிருத் இசையமைப்பில் உருவாகிவரும் இந்த திரைப்படத்திலிருந்து வெளியான “தீமா” பாடல் இணையத்தில் ட்ரெண்டிங் லிஸ்டில் உள்ளது.

இதையும் படிங்க:Actress Samantha : முன்னாள் கணவர் குறித்து பேசிய நடிகை சமந்தா.. என்ன சொன்னார் தெரியுமா?

இப்படத்தினை அடுத்து இவர் தமிழ்த் திரைப்பட இயக்குநர் அஸ்வத் மாரிமுத்து இயக்கத்தில் “டிராகன்” என்ற திரைப்படத்திலும் நடித்துவருகிறார். இந்த திரைப்படத்தை பிரபல தயாரிப்பு நிறுவனமான ஏ.ஜி.எஸ் எண்டெர்டைமென்ட் நிறுவனம் தயாரித்துவருகிறது. இந்த டிராகன் திரைப்படத்தில் முதலில் சிம்பு நடிக்கவிருந்தார். சில பல் காரணங்களால் அவர் இப்படத்தைத் தொடரமுடியாத காரணத்தால் நடிகர் பிரதீப் ரங்கநாதன் இப்படத்தில் கமிட்டானார்.

இதையும் படிங்க:தமிழில் தான் பேசுவேன்.. தெலுங்கு ரசிகர்களுக்கு ஷாக் கொடுத்த அல்லு அர்ஜூன்!

இதில் நடிகர் பிரதீப் ரங்கநாதனுக்கு ஜோடியாக அனுபமா பரமேஷ்வரன் மற்றும் கையடு லோஹர் என இரு நடிகைகள் நடிக்கின்றனர். காதல் மற்றும் மாறுபட்ட கதைக்களத்துடன் உருவான இந்த திரைப்படம் அடுத்த ஆண்டு இறுதியில் வெளியாகும் என்று எதிர்பார்க்கப்படுகிறது. தற்போது நடிகர் பிரதீப் ரங்கநாதனின் 4வது திரைப்படத்தை இயக்குநர் சுதா கொங்கரா இயக்க உள்ளதாகவும் மற்றும் இந்த திரைப்படத்தை புஷ்பா திரைப்படத்தைத் தயாரித்த மைத்ரி மூவி மேக்கர்ஸ் தயாரிக்க உள்ளதாகவும் லேட்டஸ்ட் அப்டேட் வெளியாகி உள்ளது.

இதையும் படிங்க:லக்கி பாஸ்கர் ஓடிடி ரிலீஸ் தேதி அறிவிப்பு.. விவரம் சொன்ன நெட்பிளிக்ஸ்!